日劇 BOSS 女王

日劇 BOSS 女王 (偵探 + 搞笑)

本身唔係太鐘意睇日劇, 因為覺得節奏慢, 二來大部份片都好似好誇張, 所以唔會點追黎睇.

但最近星期日有播, 老公鐘意追劇集, 咪陪佢一齊睇, 不過都算睇出D興趣既.

事關女主角, 真係唔多似一般日劇既純情玉女, 或美女等等, 對我黎講佢真係有D似人妖, 太英, 可以反串男角都唔會俾人發現咁滯既演員, 天海祐希. 不過就因為咁, 反而呢部劇有佢既吸引性, 因為佢搞笑, 扮醜得黎又唔會覺得佢造作呀嘛.




整部片算係我鐘意既偵探類型, 雖然無美劇咁大製作, 但對比港劇黎講都算OK, 而呢部算輕鬆小品, 因為係查案過程中, 有時會無啦啦出現D無厘頭搞笑, 仲要係搵埋竹野內豐呢位型男黎搞下笑咁.

劇情嘛, 基本上都係天下一大抄咁, 大部份都係以美劇偵探類作品作參考, 所以話, 劇情唔係佢特色, 反而係D人物設定, 無厘頭式搞笑, 會係引我追黎睇既重點.

算係可以推廌大家睇既作品.

我追追下, 都有興趣追下天海祐希呢位我覺得似人妖既女優作品, 聽講離婚女律師這部劇裏演的是一位帶幽默的女律師, 唔知有無人睇過呢?

似面膜既洗臉粉

其實一直都好少用洗臉粉呢類產品, 一來覺得好似會好快用哂, 二來怕放太耐會結成一塊塊.

今次透過 Sonia Rykiel 第一次用洗臉粉, 感覺都幾特別.

深層潔膚粉末

產品功效: 有效潔淨毛孔殘垢及老化角質。

一盒有三十包獨立包裝既潔膚粉末, 每包有2g.

使用說明提到為免影響效果質素, 建議每次用整包.

使用方法: 將潔膚粉末倒於掌心, 加入冷水或溫水混和成粉漿狀, 像使用面膜般均勻塗於整臉, 在有黑頭, 粗糙, 暗啞部位輕輕按摩, 以冷水或溫水徹底究洗淨.

不過由於倒係掌心感覺唔方便, 所以一於倒係面膜碗到, 當佢係面膜粉咁攪囉!

效果絕對比倒在掌心好.



建議加水既時候慢慢加, 以免太稀.

當潔膚粉末遇上水之後會感覺好似冒泡泡咁, 睇落好綿密咁.

由於我係油性膚質, 使用上會建議塗開全臉敷2-3分鐘, 再按摩一下, 然後再洗走.

洗完面之後, 唯一既感覺係好舒服, 想訓覺.


用完之後塊面即時白哂, 好似PS過咁.

整體評價:

優點: 獨立包裝, 粉末唔驚放太耐結塊. 溫和去角質, 微香, 唔刺激.

缺點: 因為倒係掌心都幾難用, 當佢面膜粉咁開糊就會覺得好似有D麻煩, 對懶既人黎講就稍為麻煩囉.

敷面膜真係要睇天氣同夾唔夾既?

韓國品牌 - Leaders 推出既一系列面膜, 睇Blog就睇好多人用過話幾好, 自己都心郁郁想試好耐, 無奈家中太多存貨仍未有機會去買.

今次有機會可以試用梗係第一時間試啦!

首先介紹下系列有邊幾款面膜先.

一系列分為兩類.
分別係日常保養型及深層保養型
而每種類各有四款功能面膜,
分為美白, 抗皺, 粉刺、痘痘/敏感及保濕等四種功效.

而今次我試既係屬於日常保養型, 具有美白及保濕功能既日常保養更新面膜

重點係改善及舒緩肌膚改善及舒緩肌膚改善及舒緩肌膚

最近天氣開始熱, 臉開始勁出油感覺黏笠笠, 用完去角質產品, 臉部有D紅.

先試蘆薈舒緩更新面膜, 試下佢舒緩既效果如何?

   

面膜較一般paper mask 透薄.

試用前, 相片圈住既地方都有D紅, 敷完面膜之後, 舒緩效都算OK, 起碼D毛孔無再係咁"開口"叫救命, 感覺D精華都好快被吸收.

第二日, 沖完涼之後, 再黎試維他明亮更新面膜,



同蘆薈舒緩更新面膜差不多既造型包裝, 但就以顏色及右上角既公仔黎俱分效能.



面膜當然係同蘆薈舒緩更新面膜同樣咁透薄.

試用前, 因岩岩沖完涼, 臉上光澤還好. 敷完後, 稍為亮D, 因為D精華尚在吸收, 但個人覺得維他明亮更新面膜好似笠D.

總結:

蘆薈舒緩更新面膜: 感覺係蘆薈果然係美容界既皇牌, 只要加入產品中少有雷品. 而leaders 既蘆會舒緩更新面膜, 精華易於吸收, 面膜算貼面, 而且有淡淡香味, 舒緩功效方面也算不錯.

維他明亮更新面膜: 只可以話要擇日再試. 由於最近天氣熱, 臉勁出油, 皮膚可能較為不穩定, 我竟然可以由下午敷完維他明亮更新面膜之後到第二日朝早都仲feel到佢D精華, 我都唔識分係我D臉油定係佢D精華, 而最後結果係我生暗瘡囉!

承如我既標題所講, 敷面膜都真係要睇天氣同夾唔夾囉! 不過等天氣無咁局, 我會再試既, 總唔可能試一次就認定係產品問題, 始終對韓國d護膚品都有d信心既, 因為佢地d皮膚都真係唔錯.

回顧三月, 生病月, 禮物月

成個三月先寫得一篇!

因為成個月都係病, 以年頭到三月黎計, 前後病左三次.

不過病歸病, 禮物還是照拿, 家還是照敗不誤的.

抽到兩款試用, 多謝beauty life 和 imore.

明報的杜蘭朵門卷兩張

還有在F & B 第一次中的禮物, 價值1700完一盒的面膜, 未用, 開了再來寫試用囉!

再來就是敗的.

見到有SIS 在BLOG上分享美顏工具, 看到她買紅色$600左右, 價格可以接受, 尤其近來皮膚好似差左, 搞到我心思思係咁上網搵.

結果, 梗係敗左啦, 不過我見價錢差唔係好多, 我就敗左金色呢套, 多三支美白, 一支精華呀嘛!

而且我買呢間, 仲送左盒Kate既眼影俾我, 不過無色揀, 剩番綠色, 不過Kate既眼影幾靚.

跟住見便, 又順手同呢位賣家買埋 Sofina既白色脂胭, 愛黎做highline, 同埋粉紅色眼影霜連閃粉(佢得藍色同粉紅), 但見佢賣得便, 忍唔住手敗埋.

呢部機雖然係係大陸做, 但由日本QC, 附贈既產品都係日本既, 而且用左成個月, 覺得導入同按摩方面效果都唔錯, 係導出真係唔多識用, 一時時work, 有無人可以教下我點做都可以成功導出? 呢方面真係有D難搞.

夏天實用介紹 - 止汗膏

每年一到夏天又係止汗用品大量使用既時候, 對我黎講根本就係一年四季都要用, 因為本身太大汗, 試過係夏天因為流汗過多而發酸, 情況只能用超尷尬黎形容.

對於Kielh's, 本身並非使用這家的護膚品, 所以都無太深既了解. 但因巧合既情況下, 朋友提起正在使用, 覺得唔錯既止汗產品, 我先知道原來Kielh's 都有止汗產品, 而且真係止到汗味.

不過對於第一次使用既人黎講會覺得比起一般止汗產品貴, 因為一支50ML 就要 $120.

包裝簡單, 睇落無咩特別.

用法: 唧出黎塗係腋下就OK.

唧出黎既白色膏狀, 無香料.

稍為特殊既地方係樽蓋位有弧度, 止汗膏唧出黎之後就可以擦係腋下, 唔駛再唧係手度再擦.

比起我用過既QB黎講, 呢款贏在設計方便唔駛唧係手擦.

整體評價:

優點: 無味, 使用後噴香水都唔驚混出異味. 而且設計方便唔駛用手.

缺點: 價位有D貴既感覺, 不過佢真係止到汗味, 出汗都唯持到大半日既.

所以我會keep住用.

情人節"呃錢"活動

很多人細個時候都鐘意隨手塗畫, 再唔係讀書果時都免不了要上下美術課.

自問美術課成績一般, 讀書時期除左上堂之外都無特別動筆畫畫.

不過人就係好奇怪, 見到人地畫畫果時, 又或者特發奇想果時, 總會手痕想畫下野, 即使只係畫左一D毫無意義既野, 感覺係過下隱都好呀.

適逢情人節前夕 Nuffnang 舉辦左個"呃錢"活動, 手痕毛病又發作就報名去參加囉!

Art Jamming經常見到係團購中出現, 由於身邊既朋友都呢類活動興致缺缺, 所以一直都無機會嘗試, 自己一個人參加又好似怪怪地咁, 透過呢次活動終於有機會試下.

呢次活動既地點係位於官塘工業區, 鄰近官塘地鐵站既Aura 愛畫室. 地點就係麥記對面, 銀行樓上, 容易搵, 而且鄰近地鐵站交通方便.

活動場地大概可以容納30人同時畫畫, 場地未必能夠提供小孩奔跑耍樂, 不過就畫畫呢類靜態活動黎講就足夠有餘.

Aura 愛畫室 亦貼心咁提供野飲服務, 除特定飲品要另外收費外, 基本上係任飲.

除左提供Art Jamming服務外, Aura 亦有提供書藉及顏料等販售, 還有藝術課程供選擇, 課程除左畫畫, 仲有陶土班、黏土班及小熊布偶制作班. 見到呢個小熊布偶制作班, 我都幾有興趣.

畫室陳列既畫作.

活動開始, 每位都進入忘我境界.

完成之後, 只要同 Aura 愛畫室既人員講, 佢就會幫你吹乾幅畫同入袋.

Art Jamming最好既地方, 就係顏料任用, 唔會好似以前上堂咁怕太浪費顏料, 成日要就住就住咁用, 而且顏色齊哂, 想要咩色就自己去倒, 都幾方便.

顏料就放係中央區域方便畫畫既人自取, 唯一唔好既係, 坐係顏料區附近既人會驚俾人"唧"顏料果時噴到. (咪就係我囉! 未必會噴到, 只係驚囉!)

其中一位blogger既作品, 未完成, 但我好鐘意佢既立體感同想象力, 自己缺乏想象力, 就好羨慕人地既天馬行空.

一位Aura 愛畫室既客人畫既, 唔係學畫畫既都畫到咁靚, 真係羨慕. 對於色彩光暗呢方面自問真係無乜天份, 只可以羨慕下人地既天份囉.

負責活動既人員畫既, 本身讀美術科出身, 佢幅畫就係參考左畫室提供既相片. 同佢開玩笑叫佢下次咪負責呢類藝術活動, 免得我呢類無藝術天份既人, 見到佢D畫自卑唔夠胆畫.

最後介紹下自己呢幅情人節作品先, 係活動之前就唸定自己想畫咩先, 由於我大少鐘意老虎狗, 所以就係網上面搵左D老虎狗卡通版黎做參考, 不過家下越睇越覺得呢隻似八哥多D, 無計搵唔到其他, 實物我又無本事畫, 唯有叫我大少勉強收貨. :P

本來只係唸住畫一隻, 後來先醒起呢次既主題係情人節, 所以草圖就改成一對, 加多左好多心心囉! 睇落都幾奇怪. 見到人地畫既畫全部都好有層次, 見到自己果幅就覺似好平板無咩立體咁, 不過畫畫無他既, 純綷自己畫得開心咪得囉!

總括黎講今次活動感覺都幾舒服, 整體都好滿意.

多謝Nuffnang X Aura 愛畫室 協辦呢次活動, 俾我一個愉快既週末.

我的情人節方案

最近見到有個FB遊戲詢問過一條問題?

你認為咩場合需要纖面?

我認為係無時無刻都需要纖面, 因為女士們無時無刻都想在他人眼中展示自己最好的一面, 尤其係情人節將至, 女士們更是發揮渾身解數力求完美. 

面色疲勞暗啞, 水腫, 包包臉. Noway.

我的情人節方案

用泡泡面膜先為疲勞暗啞既面部作簡單既保養既快速又方便, 約敷30秒既可帶走角質污垢、同時解決暗沈，最重點係為之後既保養程序帶來更好既吸收.

泵約一個乒乓波咁上下大

將結實既泡泡推勻全臉.




洗淨後變得乾爽明亮,自己本身就是包包臉, 兩邊臉頰下連接脖子的地方總係有一小塊被稱為塞淋巴所致的贅肉.

接下來當然係介紹約會既秘密武器啦

最近熱播的Mask House 韓國鑽石級V型纖面膜.

一盒有 尺, 面膜, 瘦面帶

當中黃色區域說明使用1日可即時收減下頷位置, 7日可以力抗肌膚反彈, 14日可以提升面部輪廓, 令效果持久, 30日可以全面擊退浮腫問題, 重塑鑽石V臉.

瘦面帶: 使用壓力帶物料, 可循環再用. 魔術貼及掛耳式設計, 方使自行調較拉力. 下巴定點式設計, 有效固定及收緊兩頰面肌至下頷位置.

簡單既使用說明書, 看圖即明.

產品對自己好有信心, 每盒都附有紙尺, 不過要留意紙尺前面空白, 我用果時直接摺起佢.

使用前, 兩邊都係12cm.

一張H型既面膜

呢塊面膜唔知係唔係俾我拉大左, 搞到有D難貼得平順. 而且一路整平順個面膜, 就已經開始覺得面部溫熱.

呢個頭套好緊, 有D俾自己既臉部脂肪阻住呼吸既感覺

後來發覺應該係我較得太緊, 其實唔需要黏哂成個魔術貼, 貼一半應該會好D.

D瘦面精華帶有乳白色.

30分鐘意, 撒走面膜, 一片紅, 不過好快散.

使用後, 結果如何呢, 係.. 每邊少左0.5cm, 合共1cm.

兩邊贅肉嘛, 可能心理作用, 都有稍為縮入去DD既.

不過以30分鐘黎講都算係咁囉.

起碼情人節唔駛俾我honey當包咬, 佢成日話我塊面似包就咬過黎.

以成效黎講, 呢款纖面膜算唔錯. 唔知Mask House會唔會出鑽石級V型纖面膜既補充版呢? 就係淨面膜唔要纖面帶, 因為每一盒都有條纖面帶好似好浪費咁, 如果出補充版, 咁相對價格可以調減, 對使用者黎講都係好消息囉.

纖左面之後, 再簡單擦上BB Cream, 睫毛液, 及唇彩就OK囉!

本身化妝技術麻麻就無謂獻醜囉! 所以我同honey出街都係用最簡單方法, 睇落精神就OK.

衫方面未唸到, 直接跳到晚餐囉!

情人節點少得甜品做陪襯呢!

為左甜品, 所以我揀左佢!

無計, 我每次都俾佢D甜品吸引.





照片轉自yahoo

哈哈, 我怕人地話我打廣告, 所以純綷貼左呢張相, 有興趣再留言問我邊間餐廳啦!

不過我唸好多人都知囉!