拒絕麵包超人, 為由靠佢?

由於每個人俾人既第一個印象, 大部份都係睇臉, 臉既肥瘦就好容易俾人係肥定瘦既印象.

我由細到大都係圓臉, 圓滾滾既臉形十足麵包超人一樣, 我有D媽媽級朋友仲衰到一見到我就成日掐我塊臉(係連我老公都係咁), 我塊臉好肉都唔駛咁掐法呀, 無奈! 而且同另一個朋友比, 佢身形比我稍肥, 但臉形就尖長, 結果俾人形象佢就係一個瘦既人, 而我一塊圓滾滾既臉咁梗係一個肥人啦, 真係唔公平.

巿面上減肥塑身產品一堆, 自然唔少得纖臉瘦臉產品啦. 而為左拯救我既麵包超人臉形今次我就靠佢啦.

鑽石級V型全效瘦面精華( 連按摩工具2件) $266

早前就已經出過鑽石級V型纖面膜, 今次出加強版, 令用家更能直接感受Mask House纖臉產品的威力, 當然如果係又擦精華又用面膜就更事半功倍囉, 哈, 不過我未試過, 有機會我都會試下.)  

鑽石級V型全效瘦面精華強調三點:

纖臉: 促進循環、暢通淋巴、減慢脂肪積聚
         全效燃燒面部脂肪
緊膚: 賦活細胞、塑造亮顏輪廓
         瞬間提升肌膚彈性
修護: 即時清除自由基、減淡積聚日深的皺紋

 
使用1天後可即時排走水腫, 提升面部輪廓
使用7天後可修護損壞細胞, 撫平臉部糼紋
使用14天後可增強活性纖維, 重啟肌顏彈力
使用30天後可塑造完美曲線, 鎖緊V sharp臉型

(睇落好勁, 不過個人覺得呢D都係因個人而異(始終要睇勤唔勤力同最好配埋按摩), 而我只要有稍為有一點線條我就很安慰了.)

 
話說有沒有覺得產品盒好厚睇落好肥咁. 而且仲有個標示.

產品包裝盒咁厚, 原來係有兩盒, 一盒放左支鑽石級V型全效瘦面精華, 而另一盒係Mask House 咁提供埋可以幫忙事半功倍既按摩道具, 令纖臉顯得更方便快捷捶手可得.

而按盒上面既打開個鑽石Logo發現, 原來係簡易說明書, 教大家點用D產品及按摩功具, 好似本書咁大開既設計都幾好玩.

 
鑽石級V型全效瘦面精華 30ML

泵裝(不過個人就覺得泵出黎既時候有D卡住既感覺, 所以泵左三下都泵得唔係好多)

含有高濃度Bodyfit 醫學燒脂精華, 氣味有D似水蜜桃茶果種味, 泵出黎以掌溫塗勻額頭、臉頰及頸部, 會感覺到微溫.

使用道具後, 因為按摩捉進血液循環, 所以溫度會再溫熱一點, 個人感覺可接受, 而且都幾舒服, 冬天用呢個應該仲舒服.

保濕效果倒沒有很明顯, 臉唔會乾, OK.

道具一, 用於額頭及頸部, 愛黎碌耳仔對落既頸位幾舒服.

   
道具二, 個人最愛, 用於面頰及下巴邊緣位(可以由下巴尖拖拉到耳後),用左呢個臉部溫度會升DD, 而且幫助通淋巴, 絕對舒服.

已經放棄整理個顛婆頭(有髮型師提過我髮底疑似天然鬈, 除排擦美髮用品, 如果唔係梳極都係飛哂出黎, 我無理由沖完涼都仲要Gel頭既, 所以請大家忽略D亂髮啦)

示範用我至愛既碌碌先, 每日碌碌V 臉離我不遠了.

用左十四日後, 下巴線條有比較明顯, 不過羅馬都唔係一天建成, 累積左咁耐既脂肪當然都係要花D時間, 所以都係繼續努力碌, 以V臉為目的.

產品萬寧有售, 有興趣不妨去Look Look.

買買買, 連續兩個月都係敗係呢度

女人真係唔見得個抵字.

結果係 用又買, 懶得用都係要買, 話買黎以備不時之需, 你話呢?

全家福, 其實唔止呢度咁少, 只係上面草球呀, 香包, 浸浴包, 八件都送哂俾屋企人, 剩返呢D自己用, 我係唔係對佢地好好呢, 不過我都R頭佢地會唔會用, 事關草球要蒸, 有D少煩.

呢度由左至右, 分別係草球(身體用)X2, 浸浴包及草球(臉用), 共通點係隻味都好似冬陰公湯.

呢度分別係 護手霜(本來唔想買慳返, 但係試左佢吸收快唔笠後, 唔捨得放手, 最衰), 三罐護髮霜(驚死無得買咁係咁買, 唉, 不過佢特色係可以用黎按摩頭皮, 而且話可以吸頭油, 我D頭油就黎可以浸死蚊既啦.) 蘆薈500ML, 上次有試用文介紹, 話會回購咪呢支囉! 呵, 有折即買. 稍後會再出試用, 因為被玻璃片開左敷傷口都係用佢舒緩. 薰衣草按摩油(唉, 都話左唔好買屋企大把, 但都係果句, 試左上手吸收得快又唔笠, 結果又陣亡.) 海鹽 話可以用黎洗鼻改善敏感(嚴重鼻敏感, 結果又敗) 死海泥皂(被去油兩個字迷左, 又買, 買埋俾朋友)


結果一連兩個月都係敗係呢度, 害我一買完返屋企要即時收埋, 費事俾我家老爺吟沉. 佢又會係果句囉, 你一個人一塊臉, 邊用得哂呀, 跟住話要丟哂我屋企本來有果D, 勁衰.

有興趣我再黎介紹產品

多謝收看

敷得其法, 穩定肌養成

韓國品牌 - Leaders Clinic, 大家應該都唔陌生

Leaders Clinic 屬於韓國專業醫療美容機構, 研製全方位天然分子醫學面膜— 採用醫學認可的全天然成分，配有天然抗敏和抑菌的防腐配方， 解決皮膚內在問題。

而近期更推出全新昇華版系列, 分為日常基本護理及進深護理兩大系列

日常基本護理 - 膠原蛋白更新面膜、蘆薈舒緩更新面膜、維他明亮更新面膜及有機茶樹更新面膜

進深護理 - 除皺緊緻修復面膜、高效補濕修復面膜、美白光彩修復面膜及除痘補水修復面膜

早於三月份曾試用過蘆薈舒緩更新面膜及維他明亮更新面膜

 敷面膜真係要睇天氣同夾唔夾既?   

當時皮膚唔穩定, 敷左可以為皮膚提供營養及活力, 令皮膚明亮水潤既維他明亮更新面膜時出現問題, 皮膚吸收唔到營養之餘仲因為太多而暗瘡冒起既情況. 但呢種情況並未令我對Leaders Clinic 失去信心, 我只係認為天氣同皮膚情況太差所致, 當時就已經唸要摘日再試.

今次我再黎試, 但有鑑於上次有D煩似敏感既情況, 所以我今次選擇日常基本護理系列裏面既敏感皮膚處理療程去敷.

次序係 星期一, 二敷有機茶樹更新面膜、星期三, 四敷蘆薈舒緩更新面膜、星期五, 六敷維他明亮更新面膜及星期日敷膠原蛋白更新面膜

如果選擇日常保養療程的話, 次序就會係星期一, 二敷膠原蛋白更新面膜、星期三, 四敷蘆薈舒緩更新面膜、星期五, 六敷維他明亮更新面膜及星期日敷膠原蛋白更新面膜, 唔需要敷有機茶樹更新面膜

每次療程七天, 話說皮膚更新週期為4週, 如果連續使用4週效果更佳.

使用前

第一天, 敷茶樹, 撕了才想起未影相.



針對: 油性肌膚, 肌膚油膩及過多老化角質適用 (感覺係為我而設)

效果: 調節皮脂分泌過多, 令肌膚維持細嫩及潔淨的狀態

敷了茶樹兩天後, 出油情況叫OK, 唔係好嚴重.

第三日, 敷蘆薈

針對: 所有膚質適用, 肌膚刺激及乾燥



效果: 緊緻舒緩及舒緩刺激, 為肌膚補充水份

敷了蘆薈兩天後, 感覺皮膚情況穩定

第五日, 敷維他明亮

針對: 所有膚質適用, 肌膚潤澤不足、暗沉及粗糙



效果: 改善膚色暗沉不均等問題, 滋潤肌膚及改善膚色

敷了維他明亮兩天後, 其實一開始都有D怕會好似上次咁敷一次就出暗瘡, 但今次由於有前面幾款面膜護航, 所以連敷兩日都無有怕,  皮膚唔會乾又唔會出油

第七日, 敷膠原彈力

針對: 所有膚質適用, 肌膚彈力下降、光澤不足及水分不足



效果: 提升緊緻肌膚及增強彈性, 提高保濕度, 令肌膚水潤飽滿

敷左七日之後, 皮膚狀況都唔錯, 最重點係咁鬼熱都無乜點出油.

不過D燈過影到D相好衰, 時白時紅, 唔知想點.

四款面膜都好透薄, 除左茶樹有茶樹味之外, 其他三款都係有d類似瓜類既淡香味(唔係太識形容)

CUT位都OK, 我塊面大都敷得哂, 不過我敷得衰

面膜紙會有細孔令精華凝聚係面膜紙上, 所以係包裝袋裏面都唔會剩好多精華, 唔好以為Leaders Clinic 俾得咁少精華

而係係敷完面膜之後, 直接搾返D精華出黎, 係勁多囉, 不過千祈唔係好似我咁貪心擦係臉到, 事關D精華太多, 多到塊臉都吸唔哂, 搞到我塊臉俾D精華濕到發光, 最終到係要抹走佢, 早知將D精華擦係手腳好過.

總括黎講, 只要敷得其法, 想要穩定肌絕到無問題.

了解女士既需要, 除左影帝, 仲有..

近日劉青雲既廣告大家都印象心刻.

了解美, 了解女士既需要, 原來除左影帝之外, 仲有佢 都好了解女士需要既喎.

咪就係Lactacyd.

點解咁講? 因為Lactacyd佢會一直改進產品, 令產品更貼合女士需要, 更定期做不同的推廣活動, 令更多人了解Lactacyd.

夏天一到, 女士對美白有更為熱切既渴求, Lactacyd 亦了解女士們既需要, 所以新推出美白產品, 不過呢次係用係私密部位.

一般黎講 當黑色素於表皮積聚就會形成斑點, 導致膚色不均勻. 受影響的部位包括特別部位、比堅尼位及腋下位置的肌膚等, 原因黎自於窄身衣物的磨擦、汗水及女性賀爾蒙等.

可能有人會覺得, 私密部位得自己知, 駛唔駛專登去美白呢? 不過就正正因為自己知, 自己睇到皮膚暗啞都唔鐘意, 女士應該愛惜自己, 自己睇落舒服D, 人自然開心D, 人都自信D.

呢次產品代言人係劉心悠, 俾人感覺 清新及健康, 一如Lactacyd 俾人既一貫感覺.

Lactacyd 全新 White Intimate Blogger 聚會, 重點點少得新產品 Lactacyd 全新 White Intimate

Lactacyd產品, 我淨係知道粉紅色、粉綠色、紫色及新出既白色, 活動既時候先發現原來有間條紋既倍護配方.

活動仲請黎星級造型師Celia Wong教大家潮流新搭.
其實都有機會俾大家向Celia請教點按自己身型配搭, 不過我唔夠膽問.

主題係美白, 活動中有機會試下呢部機, 可以用黎測試身體部位既黑色素, 在場有blogger度到得9度, 真係好白下.

整得好靚既cupcake, 有D唔捨得食.

活動後每人一支新產品, 試下Lactacyd新產品既美白效果.

Lactacyd 研究結果指出, 4星期後, 接近七成受訪者認同己出現美白效果. 12星期後, 九成受訪者認同比堅尼位膚色有美白效, 其中67%更認為膚色至少淺淡了兩度.

係唔係睇到都心動呢?
心動不如馬上行動. 大家都黎試下呢款新出品囉!
試完再黎分享有無白兩度囉!

怪獸家長 卡通版

咩怪獸家長出左卡通版咩?

當然係無啦, 我講緊既係 迪士尼3D電影 勇敢傳說之幻險森林.

唔知你地又知唔知呢? 由陳慧琳為電影女主角配音, 又會唔會再有D印象呢?

呢次動畫係彼思動畫暑期鉅獻，由《海底奇兵》、《太空奇兵．威E》及《沖天救兵》班底炮製.

以上講既動畫我全部都睇哂, 所以又點少得呢部.

點解我會話呢部動畫係怪獸家長既卡通版呢?

因為故事講述不愛受管束的梅莉達公主，身為公主, 凡事都被賢淑有禮的母后管束, 對追求自由自在的生活更為渴求. 身為有身份既公主, 同時亦為人子女, 在母后威嚴下不懂如何表達. 身為一國之母, 同時為人母者, 希望既能兼顧國家安穩及子女幸福, 盡一己之力為子女安排, 但面對子女卻又未有表達或互相溝通, 只係將自認為最好的付予子女.

其實重點係 就係佢地互相唔溝通, 公主有公主自己既唸法, 母后有母后既立場, 結果造成衝突, 跟住咪就係母后 真係變左怪獸家長, 變左隻熊囉! 不過變左熊之後, 母后依然好母后, 勁搞笑. 一隻好優雅既熊就係咁誕生左.

透過母后變左怪獸家長後, 母后反而對公主既能力了解多左, 公主亦對自己不曾心思熟慮既個性作出反省, 從而大團圓結果.

今次無王子公主既愛情場面, 但就有溫馨到爆既家庭搞笑場面, 無論大人細路都岩睇.

我未有大到可以帶入場睇戲既仔女, 唯有拉住老公, 搵埋家姐, 帶埋姪女去睇住先囉.

不過戲裏面有個身材好爆既女僕, 居然令我聯想到審死官裏面朱咪咪既扮相.

仲有公主既三個細佬, 真係好鬼胃死, 仲要係甜食, 睇完戲都真係要同小朋友講食太多會蛀牙既.

我唸部戲除左表達家人係要互相溝通同了解之外, 仲有一樣野想提醒既.....

就係 買野之前 真係要了解自己買既係咩, 如果唔係最後貨不對辦, 就無公主咁好彩囉.

多謝 she 俾左個開心優閒既假日俾我同屋企人.

夏天大作戰 - 塑身有法

每年一到夏天, 又係女士作戰既時候.

同咩野作戰? 咪就係可恨又頑固既脂肪囉!

每當我擁抱住我甜蜜既甜品, 滿足緊我既甜品胃既時候, 可恨既惡魔就會稍稍累積成為礙眼既Bye Bye 肉, Call 機肉等等..

但今次我既重點係小腿.

點解? 唔係我無肚腩, 而係肚腩著衫都仲有得遮下, 但夏天天口熱, 總會想著下短褲或者裙, 但可恨既蘿蔔腳係呢個時候, 真係想遮都遮唔到.

每次見到自己既小腿, 就覺得好似異形上身, 覺得多出黎果D肉都唔知邊到黎既. 尤其係我唔做運動, 但隻腳好似跑步踢足球果種肌肉型, 成日俾細佬笑我踢甲組, 認真慘情.

呢次遇到 COLLISTAR 全新塑形纖體霜 當然要試下佢既威力啦!

全新 塑形纖體霜 有咩特別?

特別在於加左 活性成份 如  紅藤萃取、山桑子、七葉樹及長春藤, 使用後會產生輕微冷熱感, 
有效刺激微循環, 進而幫助塑身.

產品強調: 使用過程會出現輕微的冷或熱感，效果與「按壓療法技術」類同，刺激身體微循環，於局部位置按壓，有助定點排走多餘水份及減少脂肪。 但亦提醒使用著, 使用此產品並不會導致減重.

所以如果使用後上磅, 唔好奇怪點解苗條左, 但係就無輕到囉!

HK$499/400ml 莎莎獨家

專登羅係手上影張相, 因為份量十足. 感覺上有排用.

我每部位每次使用份量就咁上下, 唔知岩唔岩呢? 因為說明上好似無話要用幾多份量.

話說說明書有指示盒上會教點按摩, 我搵勻都無, 結果係我死蠢, 唸緊說明書呃我之際, 有朋友提我拆開個盒, 我先搵到按摩既圖, 不過俾我拆到鬼死咁肉酸.

總結:

產品話研究指出使用四星期有效. 我用左咁耐, 小腿都算有D效既, 不過都係0.5左右, 我只可以話以我認為肌肉型無得救既小腿黎講, 佢有度少D都算係咁囉.

香味上, 我自己可以接受, 但我大少就嫌香得滯. 質感上, 算容易吸收, 擦完會潤但唔算係太笠, 擦完著衫都OK. 技術上, 要按摩唔懶得囉, 按完手好攰, 要塑身就要付出代價同時間囉!

配合埋減肥產品(當然可以做運動就更加好啦), 效果應該會唔錯.

產品係莎莎獨賣, 有興趣不妨去莎莎尋寶囉! 話時話呀, 莎莎賣既產品真係越黎越多元化, 而且耐不耐就會有promotion等等活動, 搞到我成日心思思去打個圈睇下有咩新產品.