黃金花大酒店優先場

話說很Lucky地中左 她.com的 電影戲票.

其實就咁睇個名都唔係太期待, 尤其佢以退休後晚年生活為題材, 感覺上會有D悶, 不過以七位影帝影后作賣點, 倒係期待下既.

搵埋老公一齊去睇, 其實都驚佢睇到訓著, 下過好彩無.

套戲本身都唔錯, 雖然當中穿插左D印度門戶高低之見, 長輩從中作梗, 然後雨過天清大團圓既老套情節, 不過整體尚算OK. 我特別鐘意戲裏面既觀點, 人應該勇於嘗試, 總會有轉機, 原地踏步只會停滯不前.

片中不乏笑料, 出櫃既退休法官, 喪夫後打算自力更生的寡婦, 嚴重種族歧視既退休女管家, 副身家借哂俾個女既退休公務員夫婦, 不甘寂寞想証明自己魅力既老年男女各一, 七個唔同情況既退休人士, 共同以理想退休生活既黃金花大酒店為目的地, 但事實與理想往往未必相乎, 但前路茫茫, 退亦無路既情況下, 各人開展左唔同既生活, 有人積極, 亦有人消極崩潰, 唔同既態度造就唔同既路.

不過好笑既係呢套戲令我聯想到功夫. 點解? 因為當中有一幕話阿媽阻止個仔同個普通家庭出身既女仔結婚, 突然間, 有個印度家傭出黎講廿幾三十年前都有對年青人唔理屋企人反對, 係都要一齊既故仔, 問題係個印度家傭講左成大段都無出字幕, 要等個女仔黎幫手翻譯. 我當堂想講阿鬼你講中文啦.

好唔好睇見人見志, 不過我自己就會想請媽咪去睇, 想話俾媽咪知, 唔好因為年紀大就唔去嘗試, 勇於嘗試先會發現人生新既一面.

皮膚唔肯妥協, 打唔到黑反而收左毛孔?

每逢夏天, 所有品牌既美白產品都會紛紛出爐, 搶閘爭客.

而Bio - Essence 以徐若瑄作代言人 推出4重打黑高手 TANAKA WHITE 瑩白精華.

其實搵岩代言人, 其號召性都不能少看的. 徐若瑄出名皮膚好, 而且細緻透白, 總會令我不其然咁唸, 我用左又會唔會好似佢咁透白呢.



圖片轉自Ztyle.

所謂4X 指既係當中含有既緬甸獨有樹種塔娜卡樹皮既精華、傅明酸、麴酸、熊果酸, 呢四種原素分別可以造到去黑、去黃、防斑、美白四種功效.

一貫簡潔既保裝, 不花巧, 但求實用, 以實力為主打.

於蓋上按一下, 就可以吸起瑩白精華, 都幾方便.

試上手, 未知效果前, 就聞到淡淡既植物香味.

於手背上效果, 唔笠易吸收.

用吸油面紙試, OK.

不過用左係臉到就效果無咁好啦, 事關最近天氣熱, 我出油越黎越厲害. 朝早訓醒起身就已經成面油, 認真夠嚇人.瑩白精華既塔娜卡樹皮精華雖然有鎖水保濕成份, 但仍然幫唔到我, 可能我要用某其他保濕乳液打左底先再擦佢會好D. 同之前我試過某牌既面膜一樣, 無所謂雷唔雷既, 只係真係要講天氣同皮膚夾唔夾到. 由於我夏天出油嚴重導致吸收困難, 每次使用瑩白精華於臉上既時候, 總會覺得有D笠, 但對於唔會出油既手就唔會, 反而係乾爽而吸收既, 同樣係身體既一部份, 但效果就相差好大. 由於臉部並無法將瑩白精華全部吸收, 反而導致臉上係咁爆瘡, 認真慘. 但係慘既同時都有好事既, 就係使用瑩白精華之後雖然出油情況依舊, 但毛孔卻莫明有收細, 因為出油勁通常之後就係毛孔擴大, 但今次有用瑩白精華後, 反而有收細, 但依舊出油. 人地夏天黎美白, 而我唸我唯有冬天先黎美白囉.

扮行李牌既手機套

早前參加左 Fábula Handcraft 舉辦免費學造真皮電話套既活動, 地點係葵芳工業區, 地鐵站附近都幾方便.

多謝Icy除左免費教我地之外, 仲提供埋材料俾我地, 最重要係任我地揀皮.

我揀左塊紅色牛皮, 感覺上無咁容易污糟, 不過我揀左之後, Icy已經同我講呢隻皮會厚身所以會費力氣D, 不過無計我鐘意呢隻款呀嘛.

枱上已經準備好會用到既工具.

呢把就係裁皮刀, 呢把新手會好控制D, 而Icy自己就用大過呢把一倍既日本刀.

感覺上係幾經辛苦先裁好塊皮, 因為唔習慣, 下下都裁唔開塊皮.

本來好想將每個過程影低, 但真係無乜時間, 手腳又慢, 所以算囉, 直接睇製成品.
我專登用個大啪鈕扣, 哈哈比較似我D個性掛, 不過整完覺得好好笑, 睇落有D似行李牌.



完成手機套之後, 成枱亂七八糟.

多謝Icy用左一晚教我地點樣親手做真皮電話套. 原本估計係7:30到9:30的, 但由於個個都新手, 而且要花時間講解, 到最後我地係11點先完成, 認真辛苦哂又要教又要善後既Icy.

Icy 既工作室 Fábula Handcraft 有提供訂造手製皮革及布藝小品及小班教授.
可惜我無時間影下佢工作室既成品, 有興趣既可以去佢既facebook望望, 話唔定會搵到你既心水.
http://www.facebook.com/Fabula.Handcraft