慶祝脫離河童行列

       小時候, 頭髮髮量係多到, 髮型師叔叔成日都話要幫我打薄D頭髮, 但家下我只會叫髮型師, 麻煩幫我修一修瀏海就好了, 因為頭頂髮量少了, 想遮一遮.

       唔知由幾時開始, 頭髮開始出油出得越黎越厲害, 而且有頭油味. 秋冬頭油都無咁厲害, 夏天簡直係出油出得尷尬, 俾人聞到一大陣頭油味, 搞到俾人話係唔係都唔洗頭, 認真寃枉呀. 明明日日都洗, 但呢頭洗, 過左一晚之後, 人熱起上黎, 就又出汗又出油, 個頭就一直又油又塌, 簡直想喊. 尤其係頭髮出油既問題, 造成頭髮毛囊阻塞, 阻礙頭髮生長, 頭頂既頭髮少左好多, 洗完頭就變左隻河童咁, 認真討厭, 只想叫一句還我頭髮啦.

頭髮出油, 變得扁塌疏落.

稍為用手指壓係頭皮度一下, 就已經油光閃閃.

用面油紙壓落頭皮到, 就已經變成咁. 仲要依家係秋涼, 夏天既話, 請自行想象.

       所以但煩有可以去到頭油既洗頭水, 我都想試下.

       呢個時候超開心既梗係中到佢啦. 其實我本來係想試另一款頭髮急長既洗髮產品, 但奈何我對精油類既產品一向抗拒唔到既, 上次去歐洲就拼了一堆精油產品回來, 當中都有一D係話可以生髮既精油洗頭水, 可惜氣候可能唔岩用, 用左之後俾朋友話係唔係幾日無洗頭, 簡直係無言.

       今次我又再接再勵試下呢款係香港有賣既精油洗頭水, 呢次應該唔會有氣候問題掛.

主角出場, Biopha 法國有機迷迭香洗髮露, 適合 中性至油性髮質 $75 / 400ML

產品取得歐洲最具權威的有機農業認證機構ECOCERT 旗下 COSMEBIO 標章

翠葉盧薈補充髮質天然水份, 可滋潤秀, 令秀髮更柔軟

有機檸檬及迷迭香精華油, 幫助控制油脂分泌, 保持秀髮清爽豐盈

98.3%的天然植物成分
10.4%總成分為有機植物
而且產品不含苯甲酸等影響肌膚及身體健康既成份

洗髮露是杰身透明的.

加水起泡, 感覺上唔係太多泡.

試用後心得:

       個人用法是洗髮露起泡後先潔淨頭頂頭髮, 第二次起泡後再全頭頭髮再洗一次, 這次頭髮起泡量會較多.

       用後帶有少許檸檬香, 但香味唔係太持久, 不過用後頭髮出油情況真係有改善左, 唔會唔到一日就開始出油.

用左十日之後, 頭髮情況睇落好左.

       優點: 去頭油, 令頭皮乾爽
       缺點: 如果日日用, 會因去頭油既關係, 搞到個頭皮勁乾, 居然乾到出左D粒粒, 頭皮屑開始出現.

       所以家下我改變左使用既方法, 唔再係日日用, 而係同之前用緊既洗頭水, 兩支梅花間竹咁用, 避免頭皮太乾, 但又可以同油淋淋既頭皮講Bye Bye.

呢支未必係一支最完美既洗頭水, 但絕對係一支解決到我頭油問題既洗頭水, 亦都慶幸當初選擇佢.

感謝 Beautylife X Biopha 令我可以脫離河童行列

有關產係部份萬寧專售店有售, 有興趣既都可以去睇下.

創意無限既華麗甲油, 但遇上手殘的我

IMORE X ANNA SUI

Anna Sui 既甲油一直以來都以華麗聞名, 可惜今次遇上手殘既我..

即使再手殘, 有呢個機會試下Anna Sui 既新系列, 華麗甲油我又點可以錯過呢.

[Anna Sui 品牌提供 華麗指甲油乙支作試用用途]

今次我抽到既係華麗甲油 色號300

今次既系列包裝, 每支都係一位著宮庭服飾隨時準備出席華麗晚宴既甲油佳麗

首先都係上底油先, 不過用既就係 LCN開倉小敗 一文中既6號, 用左就有少少肉色囉

拼上去支甲油度, 其實除左少少亮身之外, 其實唔多覺有顏色.

由於無特別設計, 純綷上左層甲油, 所以放既閃粉唔係好多. 如果唔鐘意誇張, 但又上有d點綴, 呢款甲色單擦都算唔錯.

佢既玫瑰鑽色閃片都幾靚.

驚佢單調, 仲可以幫佢搵多個拍檔, 而我就搵左佢, 同樣既Anna Sui既甲油.

不過我隻手好似唔多襯呢隻色

 

上左一層, 我貪快就無再油第二層, 如果有油到就會靚好多囉. 





油多層華麗甲油襯返下先, 唯一觀感係.. 點解有D似聖誕樹FEEL既.

D玫塊鑽色閃粉放得唔夠多, 如果唔係應該會好睇好多既, 不過鬼叫我手殘咩, 控制得唔係太好.

生命水, 為皮膚帶來新生命既水..

這次有機會試用MIOGGI的生命水, 雖然是簡單的旅行裝, 但效果卻出乎意料之外.

使用前的肌膚狀態, 皮膚底層較多暗粒, 表層凹凹凸凸既感覺

生命水, 在一開始就給人很明確既答案, 7日內啟動活膚能量, 賦予無限生命力, 使肌膚內外得到重生.

未試用前, 我係唔信, 覺得有無咁簡單呀.

尤其係生命水有D似礦泉水, 只係水性既質感帶一DD黏性及輕微既香味

很容易推開

當時覺得唯一的優點就係好快就被吸收


夜間能量再生面膜 利用肌膚於晚間的自我修復機制, 補充肌膚結構的所需成分及能量, 修補肌膚日間所受的侵害及刺激, 同時推動細胞修護及更生能力.

用法同 睡眠面膜一樣

較杰身既啫喱狀質感

才推開就已經被吸收

雖然很快被吸收, 但保濕方面算還不錯


試用十天後

由於時間環境及光源問題, 未必能比較出與未試用前之差別, 但個人對呢次試用十分滿意, 尤其係才短短十日就由原來暗粒既凹凸不平的肌膚, 到現在暗粒少左好多, 肌膚平滑左, 摸上去唔再係凹凸不平既肌膚, 而且又平滑又舒服既感覺, 令我近來對自己既肌膚愛不適手, 十足自戀狂咁, 無計, 摸上去舒服呀嘛.

灰姑娘的寶物, 你地又試左未??

小時候常聽的童話故事 灰姑娘, 內容一直是灰姑娘經神仙教母施法, 穿著華麗既禮服參加王子既晚宴, 但當過左夜晚十二點，灰姑娘因為魔法失效打回原形，係匆忙之際留低左自己既寶物.......
登登登.. 玻璃鞋 ...... 唔係......呢個太out啦. 係佢既睡眠護膚好拍檔

Neutrogena 水活保濕晚間凝膜

點解話佢係灰姑娘既寶物 ... 呢個時候梗係看圖說明啦

原來係夜晚11:00~早上5:00呢段時間,大腦松果體會釋出褪黑激素, 來調節睡眠質素及促進皮膚新陳代謝, 而且仲具有抗氧化功能. 呢段時間科學家稱之為仙德麗拉時間, 即係灰姑娘時間.

而呢個寶物既作用, 就係加強灰姑娘時間呢段美容覺既功效, 提供皮膚細胞能量及帶來徹夜長效保濕功能. 而且用左佢, 等同為皮膚注入10片面膜既保濕精華. 你話佢唔係灰姑娘既寶物係咩?

早前有幸可以參加 蘋果的化妝箱協辦的 Neutrogena 美容覺「武器」研發實驗室

我地既主持人BELBEL, 我覺得佢D皮膚好好, 勁羨慕..

呢次既主角 同佢既老友記

睡覺既時候, 除左臉部水份會流失之外, 身體既水份當然都會流失, 所以完美既美容覺, 又點少得24小時深層滋養潤膚露.

桌上除左產品之外, 仲有唔少可愛既公仔, 睇得出活動人員都花在唔少心思去佈置一個令人輕鬆舒服既環境.

呢個係Neutrogena呢次活動既 美容覺「武器」研發實驗室



自願測試者同呢次活動邀請既註冊多導睡眠圖技師, 協助測試者了解自己既睡眠狀況同品質



雖然最後因為人, 同環境既關係, 始終無法了解深層睡眠既情況及效果. 但呢個測試都俾我多一個認識同了解. 當然呢個都係要多謝呢次活動既自願測試者, 其實我都有想過請纓既, 但係我驚我唔係訓唔到, 係訓到扯"鼻寒"就嚇親人啦, 所以就放棄囉.

趁空檔, 見到D佳麗係哂枱面, 梗係要羅黎試下先啦.


有無見到D藍色粒粒呀, 果D係壓縮左既高效維他命E, 有助於凝聚修復力量.



學大S話, 聽人講無用既, 梗係要狠狠地試啦, 所以我又點會執輸過人呢. 第一時間梗係試上手先啦. 唔會好笠, 有D BB爽身粉既味, 都算唔錯.

如果覺得信唔過廣告既說詞, 想了解Neutrogena 水活保濕晚間凝膜既真正威力, 其實可以參考主持人阿BEL教既方法, 將D水活保濕晚間凝膜擦係退熱貼上面, 睇下佢可以維持幾耐唔會乾到捲曲, 你就知佢有幾保濕囉.

睡眠品質好唔好, 同有無發夢都好有關係. 但原來發夢都可以預兆到發夢者好多生活上要留意既野. 而呢次大會亦請到解夢師為我地一一分析.

原來 發夢洗牙, 甩牙, 都係會洗錢既預兆.
夢見屋企人離世, 其實係擔心屋企人既身體
已婚者夢見有其他人追求或求婚, 其實係指被人妒忌
夢見自己不斷墜下, 係自身缺乏安全感.

其實好多聽完都唔記得左, 如果有寫錯, 記得話返俾我聽喎.

最後活動結束後, 大會為每人準備左豐富既禮物. 俾我地將呢份完美帶返屋企, 人人都可以擁有一個高品質既美容覺.

多謝 蘋果的化妝箱 X Neutrogena, 同呢次活動既人員俾我享受左一個優閒舒適既下午.