天然護膚又一新推介 - JaneClare

冬天好幫手, 天然護膚既專家 - JaneClare

品牌背景
JaneClare是香港首間中西醫學結合的美容集團, 憑藉數十年的經驗揉合數百種草本植物及漢方中藥，結合美國尖端高科技滲透技術，成功研發高效且天然護膚產品。

佳麗由左至右排分別係:

HA深層保濕精華           15ML
活膚爽膚水                   60ML
藍莓薰香活膚緊緻面膜  1PCS

活膚爽膚水

每個產品盒上面都有保証標誌, 列明天然及由香港生產

盒上貼紙都有詳細列明主要成份

盒底會列明生產日期及到期日

活膚爽膚水係噴霧式的, 可以就咁噴曬向臉, 再輕拍至吸收, 亦可以噴濕化妝棉以清潔臉部.

以噴曬方式向手背噴

稍為輕拍已很快吸收, 感覺還好.

優點: 用噴的方法較為方便方捷. 爽膚水稍為有點黏膩感, 但對保濕效度成效OK.
缺點: 體積稍大難於攜帶外出及氣味較為不討好.

HA深層保濕精華

盒身上印有保証標誌

盒上貼紙都有詳細列明主要成份

盒底會列明生產日期及到期日

我見到這支HA深層保濕精華, 我會覺得點解佢既設計感奇怪既, 頭大身細咁.

不過後來發現呢個設計唔一定靚, 但一定保險

因為唔轉開個樽頭出黎係用唔到既, 個設計都幾得意, 令我唸到好似變形金剛試變形咁.

泵出黎係乳白色, 較為黏

稍為輕拍按摩就吸收哂囉

優點: 擦完之後, 洗手都仲感覺到保濕精華既作用.
缺點: 都係氣味不討好, 但呢款又好過活膚爽膚水

藍莓薰香活膚緊緻面膜

功效:
蘊含豐富花青素Anthocyanin，抗氧化功能有效預防肌膚衰老，改善暗啞面色，花青素促進和強化膠原蛋白合成，保持體內膠原蛋白的特性，同時增進視力及提昇眼部機能
- HA(Hyaluronic Acid) 形成鎖水保護膜，同時緊緻肌膚，增加彈性
- 蘆薈及仙人掌精華，補充肌膚水份，改善肌膚細紋問題
- 青瓜及金鏤梅具有舒緩功效，消除疲勞
- 當歸促進血液循環，加速養份吸收，亮白光澤
- 納米級的生物纖維面膜，緊貼肌膚細紋組織，優異貼服，強效保濕，將精華素毫無保留地導入肌層。

面膜羅出黎, 共有三層, 分別係珍珠膜表層及網狀紙質底層, 夾住生物纖維面膜

面膜羅左出黎仲有好多精華係度, 可以用浸D化妝棉黎敷臉

呢類生物纖維面膜我未過, 所以覺得幾得意.

說明書上講撕開左珍珠膜果層, 貼左上面先再撕底層, 但係我都貼得唔好, 手多多撕埋底層, 結果仲衰, 搞到塊面膜打架, 搞左我一輪先貼到上塊面, 唔知係俾我玩得耐過頭, 塊面膜有D縮左水, 定係我塊臉大, 我見其他人試塊面膜都係眼膜位蓋哂成隻眼, 但我呢就岩岩蓋到眼袋位咋.

優點: 敷住都幾舒服, 又唔會甩, 睇書都方便.

好高興有機會試用呢款天然護膚產品
由於JaneClare既產品暫時只有在自己的皮膚護理中心出售

JaneClare專業皮膚護理中心

地址: 香港銅鑼灣軒尼詩道555號東角中心(舊翼)19樓1901C室 (港鐵銅鑼灣站D2出口)

服務時間: 星期一至星期五: 10:00 - 20:30 星期六: 10:00 - 19:00 星期日及公眾假期-歡迎預約

預約快線: (852) 2326 0884 查詢電話: (852) 2121 8400

所以有機會試到佢地既天然產品真係好難得.
另一方面梗係要多謝U Beauty, 令我有機會嘗試下唔同既產品.
仲有多謝有份負責既Carrie 簡單介紹左JaneClare呢款天然護膚品牌俾我了解.

亞馬遜的「生命之樹」促進新陳代謝幫助瘦身堅work既喎

Life Nutrition 係咩黎? 唔係因為跨出第一步去接觸佢還真無咩機會認識佢了解佢。
因為家中甚少食用營養補充品, 就算有都係食開果幾種牌子, 同埋黎黎去去都係維他命C呀,B呀果種。 真係無唸過去食呢款有機巴西莓加石榴精華既營養補充品, 當然更唔會唸到呢款補充品可以促進新陳代謝, 抑制食慾, 修身減肥及改善皮膚、睡眠質素。

而當初點解會被佢吸引, 咪又係女性通病囉! 修身減肥囉! 女士每逢見到修身減肥字眼都會不自覺駐足, 甚至掏腰包購買。自問屬於肥胖型, 當然不會例外。

產品包裝簡潔清新, 感覺都唔錯。

產品背面標明成份及食用方法。

食用方法：
如要修身減肥者一日服食兩次, 每次一粒。

衛生證明包裝。

一粒粒膠囊, 內有60粒, 夠食一個月。


介紹一下超級水果 - 巴西莓

• 豐富超強抗氧化物質 - 花青素, 全面保養細胞, 免受自由基破壞, 有效強化免疫系統, 促進皮膚及各身體各功能健康。
  
• 近乎完美的胺基酸組合及微量礦物質可維修持肌肉的正常收縮與再生, 促進睡眠, 緩和情緒。
  
• 不飽和脂肪酸(奧米加 -3 -6 -9), 讓巴西莓可以有效促進心臟血管循環, 有助提升身體免疫力。
  
• 豐富的膳食纖維, 促進腸道蠕動, 有助維持消化系統健康。
  
• 多種維他命和礦物質, 保持均衡營養。
  
• 珍貴的天然植物複合營養和植物固醇, 有效刺激人體新陳代謝，纖體止胖。
  

本來滿心期待呢款超級食品, 可以幫我減下肥過年, 但可惜, 由於身體狀況不能服食此類產品, 在商討下, 結果"好康的"被我媽佔去了, 由她來體驗巴西莓-亞馬遜的「生命之樹」對修身減肥既效果如何呢?

我媽53歲, 身體因缺乏運動而過重, 大概得臉蛋能騙人! (哈, 被她看到, 會被K吧!)

試用前 172磅, 體脂肪65磅左右 即係172 當中脂肪都佔左65磅。

試用後 169磅, 體脂肪62磅左右 前後對比相差3磅

但食用其間, 我媽的食量一樣照食, 無特別改變。 便便有變軟, 感覺有變暢順, 每天一到兩次。精神好似有變好, 但呢方面唔確定. 體重倒真的稍為有變輕, 每天以早上未進食前計, 過程中未有進行任何運動.

對於我媽這類中年婦女來說, 因為新陳代謝轉慢, 如果唔靠做運動, 同飲食控制, 根本就好難瘦,而我媽佢超重, 所以更難. 但簡單到只係每餐飯後一粒營養補充品, 無需改變佢飲食狀況, 又唔駛做運動, 用二十日減到三磅, 對我媽黎講都真係偷笑既啦.

多謝Life Nutrition的營養補充品 有機巴西莓加石榴精華, 令我對營養補充品有個新既認知。

曼秀雷敦薄荷膏就試得多啦, 冰感鎮痛貼你又試過未呢?

如果講到曼秀雷敦呢個牌子應該無咩人無聽過, 尤其佢個LOGO有個小護士係度, 所以有D人都會直接叫佢小護士。

我自己細個果時最常用既就係佢既潤唇膏, 仲有就係薄荷膏。 到今時今日, 曼秀雷敦當然唔係得呢D產品啦!

例如果我曾經抽中過既一SET護膚品都係黎自曼秀雷敦既。

呢set係暗瘡系列既。

其實曼秀雷敦都出左好多唔同既產品, 不過我估唔到佢連呢款產品都有出埋。

不過曼秀雷敦產品一向以呵護使用者為主, 就好似有個小護士係身邊一樣, 所以唸落佢出冰感鎮痛貼其實又唔出奇既, 話哂都貼合現代人工作繁忙, 長期使用電腦既生活需要。

功能：

•     含止痛藥用成分Glycol Salicylate, 有效消除肌肉疲勞、肩膊僵硬、背痛、拉傷、扭傷、 腰傷所引致的痠痛、疼痛
•     柔軟富彈性、容易撕貼
•     氣味芬芳、不黏不膩, 用後皮膚清潔乾爽
•     不刺激皮膚、不易過敏

用法：

• 將患處徹底洗淨
• 可將鎮痛貼剪成所需之大小形狀
• 成人：需要時可每日使用鎮痛貼一至三次
• 剪開袋口並取出鎮痛貼
• 撕去鎮痛貼上的透明膠膜, 貼在患處可使用固定輔助貼於關節等容易脫落的部位

每盒鎮痛貼有一包內有五片, 並附有三張輔助貼。

鎮痛貼size 可以依需要而作出適合既剪裁, 例如我今次只是肩勁痠痛, 所以我只要一半即可。

用後感：

個人使用後覺得陣陣薄荷味再加上冷陣陣都幾舒服, 不過如果天氣再凍D就未必頂得順囉。 可能我唔係好嚴重, 所以我敷完就覺得肩頸好似無咁緊。 但係我honey就覺得爭D, 佢自己本身試肩頸位就覺得OK, 感覺敷完無咁緊, 但係由於佢皮膚無咁好, 所以佢用就會覺得"吉吉地", 但我就只係覺得涼, 不過佢敷左成晚都唔會敏感, 呢方面唔錯. 但佢試腰位就無咁得, 只係開頭有D反應, 但係敷左成晚之後, 條腰都仲係緊緊地. 可能要視乎情況, 有D地方都真係要敷多幾次先有效.

最後當然都係多謝 Lady Qooza 貼心咁郵寄俾我地之餘, 仲附上水份潤唇膏及多效BB霜俾我地試用。

冬天乾燥救星, 極度推廌韓國出產面霜

    韓國護膚品一向都出名, 淨係講L牌既睡眠面膜都無人不曉啦!
我自己本身都買過黎用, 都覺得唔錯, 但係我honey用過就出現痕癢情況。
結果聽朋友講話L牌既睡眠面膜係要膚質好既人用較為適用, 但膚質稍差果D咪同我honey一樣會痕囉! 但見佢冬天乾爭爭咁, 都係要搵D野俾佢擦既, 但佢又唔錯笠又怕痕, 點搞呢!

    好彩今次我試到佢, BRTC 全新 源源保濕水漾凝霜.

品牌背景
    BRTC是韓國醫學級專業美容品牌，母公司AMI於韓國擁有超過
1000間皮膚科診所及專業美容研究實驗室，而且更是全球第一間公司率先將源於德國皮膚科專用的Blemish
Balm引入韓國，再經改良研發成多功能的修飾霜，引起各品牌爭相仿效，掀起BB Cream旋風，爆發BB Cream熱潮。

    BRTC既BB Cream係聽過, 但未用過, 但如果佢既BB Cream可以好似水漾凝霜咁保濕, 而又具修飾作用既話, 有機會我都要試下。

50ML

    又係例牌一堆韓文, 不過呢次好左好多既啦, 有句英文解釋點用

產品成份
    蘊含蘭花精華、玻尿酸等天然保濕成份，為皮膚注入大量水份，形成高效保濕屏障，增加水潤感；迷迭香萃取物同時有效抗菌收歛，使肌膚重現柔滑細嫩。

    睇到玻尿酸就覺得好補水。

    玻璃瓶身既設計, 感覺產品會保存得好D。

   

    初初試上手既時候唔覺得有咩特別, 只係覺得都幾潤下。

    係手背上推開, 見到皮膚潤到發哂光, 但又唔會好笠, 而且持久度尚算不錯。

    可能天氣乾燥左好多, 所以第一次用果時, 唔覺得有咩特別, 但第二次再用水漾凝霜既時候, 我先發現佢既獨特之處, 就係將水漾凝霜係皮膚上推開既時候, 會發現有d水係面霜度出黎, 令皮膚更為水嫩濕潤, 個人試過之後, 感覺呢款面霜係冬天用都唔錯, 持久度OK。 而且我honey用呢款面霜唔會皮膚痕, 自己會羅黎, 不過係叫我幫佢擦囉。 不過起碼佢肯擦, 上次幫佢擦L牌果款, 我再幫佢擦佢唔肯.

聖誕Party Look VS 萬聖節 Look

有幸參與U Beauty X Kazaf舉辦之活動 教你化個聖誕Party Look!

     

活動之接待處及場地佈置

每個人的位置上都會有基本的工具

每枱大家共用的工具, 每枱約六人左右



u beauty 既司儀及 靚仔化妝師 Ricky (睇化妝師個樣都真係唔識估, 睇落似廿幾)

活動流程: 睇落唔係好多, 但係到要化果時好似就無乜時間

請左現場blogger Birdy 做model

底妝流程

化妝師 Melody 幫 Birdy 化妝個底妝

眼線: 分為四種

  

完成照 雙眼睇落有神好多

針對眼線呢一部份, Ricky再稍作解說, 眼皮提起, 見到粉紅色肉既部份係內眼線, 而睫毛根部對上既部份係外眼線, 而兩者之間就所謂既隱形眼線.

做完眼線部份, 就繼續餘下既化妝部驟

Melody 順帶教修眉, 聽完既感想係要再修一修眉, 完全唔及格

 

由於未必人人都掌握到今次party look既畫法, 所以Melody 教我地可以先係眼皮三分一接近眼尾既位置畫個半月形.

 

 

畫左個半月形再填色, 感覺有D似圖騰紋身咁幾得意, 當然未完成啦

畫完黑色半月形, 再於中間部份掃上灰色, 然後係銀色, 做出一個漸層效果, 再以銀色畫下眼線, 令整個眼妝更完整.

 

上完睫毛液, Melody 教用睫毛電熱棒, 將睫毛晾在電熱棒上再向上轉180度, 咁睫毛就會捲得好快既啦. 呢個我自己係屋企都試左, 一定無失手, 買左個睫毛電熱棒咁耐, 家下先識用.

 

戴上假眼睫毛, 胭脂, 唇彩, 整個Party 妝完成

上完堂, 就梗係自己都要試下化啦.

自問平時都無化妝, 亦唔係天才, 所以這次參加化妝班真係純綷參與見識.

最後結果係人地係party look, 我大概係萬聖節look, 感覺好睇唔慣.

而且我真係畫唔出, 所以相中兩隻眼唔同, 係因為化妝師幫我重新畫過一隻, 而另一邊就係自己化既, D顏色都化開哂, 唔顯色, 而且一撻撻, 自己望都覺得勁肉酸. 最後影團照都唔敢企前面. :P

不過都多謝ubeauty X Kazaf 俾呢個機會俾我見識下party妝係點化, 如果唔係我應該都無乜機會接觸到囉.

另一樣都多謝blogger小懶貓 約我一齊出席呢個活動, 等我唔駛咁悶一個人自己座. 仲識埋好叻化妝既blogger Yandy.