沉醉在法國的葡萄香氣中.... 緊緻垂手可得...

Caudalie - 產自法國, 品牌至今已有十五年歷史, 產品皆以葡萄不同的品種、不同的部份及不同的效能加以研製, 進而發展到今時今日廣受歡迎的美容護膚品之一.

今次用既就係佢既緊緻系列旅行裝

一盒裏面有四樣產品

由左至右分別係:
1, 葡萄籽凝采提升精華 10ML
2, 葡萄籽凝采眼唇精華液 7ML
3, 葡萄籽凝采亮白日霜 10ML
4, 葡萄籽凝采修護晚霜 10ML

首先試左個提升精華先

泵出黎既乳液係米黃色, 感覺質地好輕

唔知我係唔係太dry呢, 擦左都唔多覺, D乳液好似隱形左咁, 只係仲聞到陣葡萄香味.

使用方法: 於早晚潔面爽膚後使用, 塗於臉及頸部

眼唇精華液

唧出黎米黃色既乳液, 較為稀身而已感覺帶油性





因為質地偏油性, 所以一推開就超滋潤超亮的

使用方法: 用於眼、唇部位

亮白日霜

唧出黎偏白乳霜, 質地容易推開

推開後, 無色, 唔笠

使用方法: 早上可單獨使用或於提升精華後使用於臉及頸部

修護晚霜, 中間有個月亮LOGO唔驚羅左支日霜

唧出黎乳白色霜狀, 杰身, 感覺無咁易塗開

稍為用手溫熱再塗開, 感覺都幾潤及容易吸收, 手背上明顯見到水潤既亮光

使用方法: 晚上可單獨使用或於提升精華後使用於臉及頸部





整體評價:

整個系列產品理所當然都帶有陣陣葡萄香氣, 如不喜愛帶香氣產品者未必適用.

使用數日後, 就開始有種臉部較為緊實既感覺. 就滋潤度而言, 稍為改善了出油情況, 感覺上算是滿意. 只是持續性稍為不足, 晚上使用後, 第二天還是會稍稍出油.

大熱產品喎! 我又點會執輸呢!

早前才去完韓國旅行, 少不免當然係大買護膚品啦! 唔同既品牌賣既產品都係大同小異, 其實都好難選擇. 而且呢次各大品牌都紛紛以蝸牛黏液精華製成新商品, 令我更難選擇. 因為蝸牛霜在港時仍未推廣得好勁, 係網路上都未聽到有咩特別評語, 所以去韓國旅行果時我都無咩點買鍋牛產品, 只有幫朋友買左d, 但自己就完全無買, 依家先覺得蠢左, 見到最近網路開始講D蝸牛霜點好用, 搞到我都心思思但又唔知岩唔岩自己用, 好彩呢個時候有 Elishacoy 舉辦既 Go123Go 賞女性的妳變靚大禮活動, 令我有機會試下蝸牛BB Cream 同埋蝸牛活膚修護體驗裝.

活動係好貼心咁將試用品寄到家裏, 收到就已經迫不及待咁去拆禮物囉!

就收到 蝸牛BB cream, 蝸牛修護面膜及蝸牛霜

首先羅左盒BB cream望下先

第一個唸法係.. 個包裝有D似sofina隻底霜.

試左少少上手到, 睇落好似有D深色

係手背上推開左就唔覺有色, 但手背有擦果個位亮左, 有種水份多左既感覺.

我唔鐘意厚身同太有遮瑕作用既有色BB cream, 所以呢款都幾岩我心水, 睇落有氣色就OK囉.

再黎係試下個修護面膜

羅左塊面膜出黎都仲有好多精華, 睇落唔錯. 但係.....

驚嚇照一張, 因咩解究, 我見網上人地試呢張面膜岩岩好服貼係臉上, 點解我係皺到成個阿婆咁既. 完全係唔知可以講咩好. 唯一仲可以讚既係敷完都尚算補水, 精華尚算可以拉到分.

壓軸 蝸牛霜登場

為免一次擦哂浪費, 裝係個罐仔度先

睇落都可以擦多一兩次

感覺都幾潤下, 而且帶有d香薰味, 個人黎講我幾鐘意

擦左蝸牛霜既地方理所當然係潤D, 光亮D, 仲要唔笠先抵讚.

我唸我應該係時候去敗返盒蝸牛霜返黎囉!

獻上我的烈炎豬唇 - ^3^

天氣開始轉涼, 而且變得乾躁, 嘴唇甩皮情況又開始嚴重.
其實我日日都有戴住支護唇膏出街, 次次覺得嘴唇乾就會擦, 但係嘴唇依然係乾到甩皮, 而且唇色暗沉.

其實網路上有好多小撇步, 例如:
1. 用砂糖做磨沙, 再用凡士林做唇膜
2. 用牙擦輕輕在唇上打圈去角質, 再用凡士林做唇膜

方法都係離唔開先磨沙去角質, 再做潤唇既唇膜.
但對於懶惰既人黎講, 仲有無D更快捷既方法呢.

今次就黎介紹下, 我去韓國旅行敗返黎既戰利品

Innisfree

ECO Recipe Lip Care Scrub

睇落無乜特別, 就外表睇同普通護唇膏好似無乜分別.
其實我買佢都係順手, 見唔係好貴(不過我唔記得幾錢), 見係唇部去角質咪買黎試下囉!
結果都有d意外驚喜.

有幾意外, 意外既咪就係佢既造型囉!
可能我大鄉里, 我無用過呢種產品.

仲係唔明我講咩, 唔緊要, 再黎多張相, 睇唔睇到呀, 咪就係佢個刷頭式既設計囉.

用法係將含迷迭香成份既唇油唧出黎, 就會見到D唇油由軟身刷頭滲出, 然後用軟身刷頭輕輕係唇上打圈, 咁就可以減低唇部因摩擦而可能造成既損傷, 又可以透過唇油中的粒粒及軟身刷頭去角質, 同時間做到去角質同滋潤唇部, 當然完成後只要用水輕拭唇部即可.

唧出黎既唇油會少少微細既顆粒及有陣迷迭香既淡香, 如果鐘意又或者可以接受到迷迭香既話呢款產品都唔錯既.


結論:

優點: 懶人既恩物, 同時可以做到去角質同滋潤唇部兩種功能.
缺點: 帶有獨特既香草香味, 未必適合所有人使用


話明獻上我既烈炎豬唇 - ^3^.
咁點少得我既紅唇三部曲呢!
 

未試用前, 唇部角質較厚, 唇色軟暗沉.

擦左迷迭香去角質後, 唇部當然係成個光亮哂啦, 唇油呀嘛.

唇部拭乾後, 唇部唔會有去完角質既紅腫, 感覺上角質無咁厚, 一星期用一、兩次, 想要靚唇話都無咁易啦. 其實用呢款去角質係好溫和既, 所以就算用多幾次, 都唔會對唇部造成太大傷害.

同時加影紅唇照一張

事關岩岩去完角質, 忍唔住手痕, 用左最近既戰利品, Estee Lauder 既唇彩黎擦.

最近呢支唇彩應該會成為我既新歡, 因為佢較厚身遮到我既唇紋, 而且隻顏色都唔錯, 擦上嘴唇會有淡淡的葡萄香. 多謝BA既好介紹.

睇唔清楚隻色, 俾多個close up. 

新歡, 梗係想介紹俾大家識啦, 有興趣可以去睇下.

我的腸道清道夫

今時今日都巿人既飲食方式都係多菜少肉, 好容易因為缺少纖維, 而造成腸道難以蠕動.



對於好多時要係外邊食飯既人黎講真係好難控制, 咁有咩辦法可以解決呢.



今次好多謝 she.com 提供呢次機會,令我可以改善自己既腸道問題, 腸道健康d, 人自然靚d, 心情自然都好d. 女人有邊個唔愛靚, 我梗係第一時間試下先啦.
 

美達施

簡介:

以天然穀物車前子製造, 能有效地軟化腸內消化物; 並能調節腸部肌肉蠕動; 令腸道內癈物更暢順排泄.

幼滑纖維粉不含蔗糖及化學刺激物. 於服用後兩至三天內即可顯著見效.

使用方法:

1. 每次1.5個茶匙, 並加入250毫升凍開水.
2. 拌勻後即時飲用; 多飲一杯開水可達致更佳效果. 如飲品變濃稠應加進更多開水攪動.

成人一般每天一至三次
小童6-11歲則飲用成人份量的一半; 6歲以下則要向醫生查詢

其實美達施纖維素有幾種口味, 而今次我飲用既橙味就有呢幾種選擇.

1. 天然纖維素(幼滑香橙味)獨立包裝
2. 天然纖維素(幼滑香橙味)罐裝
3. 天然纖維素(幼滑香橙味)無糖口味獨立包裝
4. 天然纖維素(幼滑香橙味)無糖口味罐裝

我所選擇既係無糖既罐裝, 283g, 都幾大罐.

因為怕會太甜, 或會有種怪怪的甜味, 所以我最終都係選擇無糖口味, 而且個人覺得無糖既會無咁肥. 而獨立包裝及罐裝, 我選擇罐裝既原因, 最主要係份量可以自己選擇, 雖然話說明書建議每次1.5匙, 但我有時想飲多D就會落兩匙, 不過相對D水要放多D.

如果係去旅行既話, 我先會選擇帶獨立包裝. 每次去旅行我都會帶一D膳食纖維既產品放係行李袋度, 以免因為旅途中缺少纖維造成便秘就好掃興囉.

打開個蓋, 見到有密封包裝.

再黎個側面相先.





呢次我加左1.5匙, 沖出黎隻色都幾深下.
橙味係幾香既, 不過即使係無糖, 飲落都係幾甜下, 而且口感其實都幾怪下, 因為飲落去會感覺到D好細微既粉, 如果沖左唔即刻飲, 就會變得好杰就要再加多D水去攪拌再飲用. 不過好多呢類型產品都係咁, 而呢款橙味都算係好飲既啦, 我試過另一個牌子既梅子口味仲恐怖, 又杰又怪,
本人係幾經辛苦先吞左佢, 無錯係用吞, 因為真係好杰, 而且唔好飲.

本來我有突發奇想, 想將D橙粉加落D咖啡度招橙味咖啡咁飲, 但係唸唸下都係算囉, 因為我唔知將D橙粉加落刺激性飲品, 如咖啡, 會唔會影響佢既效果, 所以最終都係放棄囉. 

飲用後感想:

感覺上每次飲用纖維粉後, 都會有飽脹既感覺, 而且真係軟化左腸內消化物, 因為暢順左, 而且清得乾淨左好多呀嘛. 唔駛再次次同個廁所談情, 係度死纏爛打, 但依然不乾不脆, 爭咁D咁. 

要臉上肌膚平滑細膩, 有佢就搞掂...

先祝B.liv 生日快樂.

B.liv兩周年生日, 這次B.liv準備了生日套裝, 令大家都可以分享佢地既歡樂, 同時感受產品既美肌效果.

呢次既生日套裝, 當中包括左黑頭再見淨化啫喱, 美肌深泉 蠶絲面膜及B.liv環保袋.

面膜共有五塊.

對比起黎, 個環保袋都幾大下.

環保袋靚係幾靚, 設計得好funny, 但係真係好大陣膠味, 同佢既物料會好黏手, 係呢樣野真係無咁好啫.

黎睇下我鼻有幾嚴重先, 其實好勁就唔係好勁, 係毛孔大囉. 仲有另一個問題係, 我長期戴眼鏡壓住鼻樑位, 搞到果個位D毛孔阻塞勁嚴重, 但偏偏係用黑頭針都唧唔出, 鼻樑位就長期因為毛孔阻塞D而造成凹凹凸凸既樣, 超討厭.

呢支黑頭再見 淨化啫喱 30ML $360

主要成份: 茶樹精油, 金縷梅萃取物及蘆薈萃取物.

使用方法: 於每日洗完臉後, 用毛巾拭乾於T區使用.

凝膠質地, 有陣像薄荷的味.

很容易吸收, 塗開後有陣涼涼的感覺.

用左十日後, 鼻樑位感覺有比較平滑.

咁岩之前條頸敏感, 見支淨化啫喱d成分都有D消炎同鎮靜作用, 所以都有用D黎擦係粒粒位, 過左五、六日之條頸D粒粒都無哂囉. 我唔係話呢支靜化啫喱咁掂, 幫我清走哂條頸既粒粒, 我呢D突發性敏感, 本來唔理佢一排佢就會自己消失, 但係我想講既係, 起碼呢款產品唔會刺激皮膚, 即使敏感起粒粒都會唔刺激到, 所以有暗瘡都應該適用既, 起碼我自己會咁用先.

美肌深泉 蠶絲面膜 5PCS

主要成份: 陽離子透明質酸, 透明質酸及白茅精華

使用方法: 每週使用2-3次, 把面膜敷在洗淨後的上, 20-30分鐘後即可取下.

面膜頂部注明出產日期及到期日

設有14天無效原銀奉還保証

羅出黎都勁多精華液, 搞到成手都係, 就算用黎擦手擦腳都仲有剩.

呢款面膜真係好簿好貼, 但好似好大張, 感覺唔都FIT位囉, 原來我番臉都唔係好大啫,

敷完之後, 成番臉亮哂, 睇落水份多左, 而且好有光澤.


兩樣產品試過之後, 唯一感覺係, 唔怪得之B.liv夠膽提出14天無效原銀奉還保証.

只要你肯擦就一定有效,  美麗肌膚垂手可得, 你又會唔會試下.