天然 ! 礦物 ! 我有新選擇

以網羅世界各地最安全及高質素天然產品為公司宗旨, 務求照顧到不同肌膚人士的需要, 特別呵護敏感皮膚, 拒絕有害的化學添加成份, 令肌膚獲得天然的安全照顧.

我講緊邊間?

咪 EC 囉! 全名 Eternal Concept.

一直以黎對於天然有機既產品都好有興趣, 因為愛美係人既天性呀嘛, 對皮膚好既野梗係要多D關注.

今次有機會啦!

試咩?

就係試佢既礦物水潤面部套裝

礦物泥面部潔膚液

礦物輕柔去角質霜

蘆薈潤膚啫喱

礦物泥面部潔膚液

成份: 珍貴死海礦物泥、維生素E及植物精華油.

功效: 去除面部多餘油份, 同時滋潤肌膚, 預防暗瘡分刺.

顏色金黃, 質地感覺上有D黏, 起泡性較低, 氣味清香.

使用後: 感覺乾淨, 乾爽, 而且唔會緊繃, 感覺舒服.

潔淨度:++++
保濕度:++++

礦物輕柔去角質霜

成份: 豐富礦物精華元素

功效: 去除面部角質死皮, 活化細胞, 帶起過量油脂污垢, 清除閉塞毛孔的物質.

顏色粉藍色, 質地乳狀帶微粒, 香味有D似爽身粉香味.

其實本身應該算係白色, 但因為佢含有藍色的微粒, 造成睇落好似粉藍色.

使用後: 粒子幼細, 並不會造成皮膚負擔, 只係將表面角質及死皮清除, 用後清爽唔會太乾, 但我既問題可能係粒子幼細, 居然洗完後發覺自己未洗乾淨, 仲摸到D粒粒.

潔淨度:+++

蘆薈潤膚啫喱

成份: 豐富死海礦物成份及純天然植物精華油

功效: 舒緩乾澀肌膚, 有效滋潤、消炎抗菌.

顏色透日, 杰身凝膠狀, 算無味, 或 (有D似醫院既葯味, 唔識形容, 但唔難聞)

便用後: 保濕力唔錯. 有時出門就咁擦左上臉既保濕又唔會笠, 簡單快捷.

保濕度:+++++

呢款蘆薈潤膚啫喱算我大愛, 因為最近手背莫名敏感, 起左一D奇怪既水泡, 有人話整爛個水泡會生更多, 但我覺得唔將D水唧出黎就一直好唔返, 結果係唧完果個地方腫左, 唔知擦咩好既情況, 我用左呢個蘆薈潤膚啫喱, 因為貪佢夠杰可以厚敷, 擦完紅腫既地方有被舒緩, 感覺效果幾好.

效用度: +++++

Eternal Concept 主張

不含羥基苯甲酸酯類防腐劑

不含人造香料或色素

產品絕不作動物測試

崇尚簡約包裝


如果對佢既主張有興趣不妨登入佢既網站了解下佢更多既產品

http://www.eternal-concept.com/

網站提供網上購物, 安坐家中就可以選購自己既心水產品.

而我呢, 已經睇中左蘆薈潤膚啫喱同泰國天然按摩草球,

你地呢?

我的家庭醫生 - 維特健靈 五色靈芝

現今都巿人缺乏均勻飲食及定時運動, 導致身體無論對大病小病都無太大的抵抗力.

每隔兩、三個就要睇一次醫生, 已變成定律, 甚至一種習慣.

如果唔睇醫生, 大部份人都會自行購買成藥服食至病瘉, 又或者唔理有無病都食左先算. 無論有無病, 未經醫生診治胡亂服食藥物, 對身體其實都係一種負擔.

咁服食維他命, 係唔係就無問題? 就咁睇應該無問題, 問題係食邊D維他命先好呢? 綜合維他命係唔係就可以函蓋哂全部呢?

呢個時候, 就會覺得都係中醫好, 無論中藥還是保健品, 多屬天然, 無副作用, 而且都身體大多有整體性既提升.

即使曾經自覺身強體壯, 在經歷小產後, 年頭都病左兩三次, 每次都只係普通的感冒, 令我不得不相信自己的身體機能真係差左.

身邊好多朋友都有服食中醫保健產品習慣, 對於 維特健靈 五色靈芝 並不陌生, 更大讚其效用, 不過亦強調, 要有好效果, 真係要食足一個療程, 大既食兩到三個月不等.

維特健靈 五色靈芝 有咩咁好?



好在佢無副作用, 與其他品牌既靈芝產品相比, 佢既特點係採用100%野生五色靈芝. 於《神農本草經》野生五色靈芝被列為上品, 認為「久食，輕身不老，延年神仙」，記載有赤芝、黑芝、青芝、白芝、黃芝、紫芝六種. 主要功能是補中益氣, 養心安神, 用於虛勞羸弱、食欲不振、心悸怔仲、失眠健忘以及咳痰喘息，久嗽不止.

而維特健靈 五色靈芝 主要功效增強人體免疫能力, 補充體力, 抗衰老及 最主要係保持身體健康.

由於本身食用以保健為主, 一般食用方法為每日一次, 每次一至兩粒. 如作助療之用, 則每日一次, 每次三至五粒.

我唸住自己身體無乜野, 每次食一粒, 所以食左成個月咁滯, 都仲有大半罐.

本身身體尚算健壯, 只係氣管毛病較多及鼻敏感. 服用五色靈芝後, 晚上睡覺鼻塞情況偶有改善, 但始終毛病已多年, 需要慢慢調理. 呢個亦証明小毛病要及早正視, 免得變成慢性毛病既時候就有排調理.

話說我家大爺最近先做完手指駁筋手術, 食消炎藥都食左差唔多成個月, 呢幾日先至話食哂, 由於佢唔係做微創手術, 結果就開左個V字口出黎, 醫院仲影左相俾佢睇手術過程, 係成塊皮打開, 聽人講開刀手術對身體都比較傷, 所以依家都叫佢日日食粒做保健.

雖然 五色靈芝 可以同西藥一齊服用, 甚至能有效減低西藥的副作用，只要兩者相隔三小時先至服用就無問題. 但我家大爺成隻牛咁, 講左話可以一齊食, 佢都係話癈事浪費D藥, 只肯每日食住一粒先, 話等成哂本身D藥先再改份量喎. 咁無計, 口係佢度, 佢唔肯食多粒, 我都無計, 仲唸住叫佢當助療咁食, 每日三至五粒添. 男人嘛, 暫時佢肯食就算囉.

五色靈芝 每瓶有72粒 $548

作為保健用途, 一瓶可食用一至兩個月, 平均黎講每月花二百到三百, 比起要花幾百元買D唔知身體邊D需要, 邊D唔需要既維他命黎講, 其實選擇相信漢方, 提升身體整體機能, 我會覺得係一個更好既選擇.

五色靈芝邊度有得賣?

其實維特健靈 五色靈芝 除左係維特健靈專門店有得賣之外, 萬寧、屈臣氏及華潤堂都可以買得到, 都真係幾方便. 不過如果想要儲積分, 又想要用會員價購買, 咁都係去返專門店購買啦!

有任何疑問不妨去維特健靈既網站睇睇

http://www.vitagreen. com/zh/lingzhi

夏天油光no way, 屬於我的BIOTHERM全新零瑕淨肌

 如果油性膚質令人討厭, 咁我可以話混合性膚質更令人討厭.

尤其到左夏天, 塊臉同油田無乜差別, 但單單使用控油產品只係可以短暫去油光, 但接續而黎既卻係更多既油脂分泌, 所以晚晚擦完控油又要擦保濕, 認真夠煩, 唔通要好既肌膚真係咁難.

呢個時候, 又係各家品牌紛紛出動既時候, 又有D咩係岩我呢D被臉油荼毒既人呢!

今個夏天 Biotherm 派出三大名將, 分別係掌狀海帶精華L.DIGITATA, 強項係抗菌; 萃取物融合礦物鋅ZINC, 強項係控油; 珍珠岩PERLITE及保濕因子AQUATORIL, 強項係抗汗. 以零瑕淨肌為口號, 誓要係今個夏天, 將所有油光毛孔統統趕絕, 還女士們一張完美臉龐.

講咁耐即係咩, 咪就係.......... 


 Biotherm零瑕淨肌系列



體驗裝內容:
零瑕淨肌潔面皂
零瑕淨肌潔面啫喱
零瑕淨肌潔膚水
零瑕淨肌保濕露

唯一 在系列內, 而沒有包含在體驗裝內的是 零瑕重點精華護理.

零瑕淨肌潔面皂

作用: 深層磨砂, 潔淨抗菌, 每週適宜使用2,3次

放於掌上起泡會耐D, 同無咁多泡.
放在網袋內起泡, 泡身較杰, 用完之後, 臉會有種啜住啜住既感覺. 香味清新, 用完之後感覺清爽.

清爽度: +++++
潔淨度: ++++
保濕度: +++

零瑕淨肌潔面啫喱

作用: 潔淨抗菌, 收緊毛孔

放於手背上試, 係捽極都唔起泡.

於掌心打轉先有泡出, 不過都係唔多.
用起泡網, 泡應該會好D. 香味清新, 用完之後感覺乾淨清爽, 唔會有用皂所出現既啜住既感覺.

清爽度: +++++
潔淨度: +++++
保濕度: +++

零瑕淨肌潔膚水

作用: 爽膚調理, 純淨緊緻

於手背上, 感覺清爽容易吸收, 不過話到明係潔膚水, 當然都係要試用化妝棉試下佢既威力, 結果係:

使用完潔面皂後

使用完潔面啫喱後

潔膚水不含酒精, 使用後感覺清爽不會有刺刺的感覺. 如果有導出機, 加上呢款潔膚水效果應該唔錯.

清爽度: +++++
潔淨度: +++++
保濕度: +++

零瑕淨肌保濕露

作用: 水凝控油, 清新保濕

貨裝版 50ML

合照. 不過有朋友話零瑕淨肌保濕露係零瑕淨肌系列裏面最靚仔果支. 大家覺得呢? 我只係覺得同我一樣特別肥之喎. 不過佢係系列裏面最貴果支倒係真.

HK$270 (50ml)

試上手背, 乾爽易吸收.

於臉上時, 感覺保濕力稍為不足. 由於每人膚質各有差異, 所以我會再加D保濕一齊用, 不過佢可以令臉油有效地減少, 使用後自覺臉上有D粉粉既感覺, 清爽幾好摸, 當下覺得自己好似上左D控油粉咁, 持久度尚算唔錯.

清爽度: +++++
保濕度: +++
持久度: +++++

夏天到, 天時暑熱, 想消暑, 不如黎打造一個零瑕淨肌保濕露雪芭囉!

做法: 如果只係用保濕露唧出黎羅去雪, 其實我會覺得好浪費, 所以我會加用保濕蘆薈加保濕露, 然後搞勻佢, 就做出粉綠色既凝膠.



雪凍佢, 就會變左蘆薈保濕露冰囉.

取一小塊出黎, 轉眼就溶左囉, 不過起碼都可以涼一陣, 又可以收毛孔, 一舉兩得.

趁未溶哂之前塗開佢, 感覺上好似會有層水係手背上, 應該係未溶哂既保濕露.

如果唔雪, 其實DIY後既保濕露都好快吸收.

總結: 零瑕淨肌系列, 香味清新, 使用後令人感覺清爽, 最重要當然係控油力持久. 夏天唔駛再油膩膩咁見人, 毛孔細返, 打造零瑕淨肌話咁易囉!

有興趣體驗Biotherm零瑕淨肌新感受, 可以於6月25日登入以下網址

www.biothermhk.com/ purefectskin

參加零瑕淨肌網上小遊戲

平實甜蜜的美顏精華

對於護膚品, 我一向鍾情於既保濕又唔會笠既產品, 因為本身太容易出汗出油, 再用D會黏笠笠既產品, 感覺會幾核突下.

最近試左一款精華

吸收力       +++++

保濕程度   +++

價格          +++++

以整體黎講, 個人覺得都幾OK, 我唸我唯一無咁滿意既只係佢既香味, 有D太甜, 變成左產品唯一既感覺.

基本產品品牌一向以平實見稱, 不過就可能因為便所以未必個個人敢試, 而且都會保持住係唔係真係work既疑問. 咁老實講以唔到100元既價錢黎講, 我覺得個純綷以保濕黎講, 佢係得既. 淨白緊緻嘛, 嗯, 都真係要視乎個人膚質.

之前就曾經睇過BLOG, 見Watson出既燕窩系列面膜都幾多人讚, 一來佢薄, 二來佢精華夠多. 果時都有D心思思買黎試, 奈何家中產品眾多, 已被大爺勒令嚴守行為.

面膜未有機會試, 唔緊要, 呢次試下佢既精華露先. (唔好話俾我大爺聽 ^+++++++^ ) .

講左咁耐, 主角出場

燕窩系列 以金色作為包裝

以金色突顯燕窩系列的珍貴, 整體包裝上算不錯.

燕窩淨白緊緻精華露    30ML

主要成份: 萃取自燕窩中的活性成分(如燕窩酸, 水溶性蛋白, 氨基酸, 多種維他命和礦物質, 以及表皮生長因子(EGF)), 雪蓮精華及六勝肽為主.

乳液狀, 每次唧出份量不多, 我臉大每次都要唧5,6次.

感覺都幾滋潤, 但唔會笠, 吸收力算唔錯, 其實擦左上手, 會有種好似白左既感覺, 而且最重點都係清爽.

整體感覺唔錯, 以佢既價錢, 佢呢個品質我覺得OK, 不過正如我一開始所講, 佢既味真係有D太甜, 好似糖咁, 搶哂鏡. 雖然我鍾意食糖水, 但就唔多鍾意食糖, 如果佢可以改用清新花香, 我會覺得佢再好D.

令人感受幸福的流星 - 星空的香氣 Angel

一直以黎我都好鐘意儲香水.

鐘意香水既各式幽香, 不同的配搭, 不同層次, 都會產生出不同的香味.

而各式各樣既香水瓶設計亦係女士對香水更加鐘情既原因, 無論嗅覺及視覺都能被滿足到, 完全係一種享受.

Thierry Mugler Angel 全新淡香氛星環珍藏版

新的天使代言人 Eva Mendes

本來我對呢款香水持觀望態度, 因為THIERRY MUGLER當中的ANGEL 是一系列的, 分別只係香味基調唔同
, 但老實講唔係款款都好聞, 而我剛好試過唔好聞果款, 似梅子味既香水, 只能說太獨特. 但有一點, Angel系列的香水瓶每款都以星為設計基礎, 款式設計都很吸引我.

而今次有機會一試呢款星環珍藏版既淡香氛, 終於令我感受到很多人喜歡這系列香水的原因, 因為我都愛上左呢款星空既香氣.

其實單單睇呢款全新淡香氛星環珍藏版就已經被燒到了, 外型設計令我聯想到流星.

先介紹一下香調

前調 : 佛手柑，柑橘
中調：百香果，桃，杏
後調：廣藿香，香草，巧克力，焦糖

音樂 + 香水既感觀之旅開始



Windmills of your mind


聽住首歌"穿上"呢款香水, 感覺上會有種被吸入既感覺, Eva 既歌聲有如竊竊私語般, 令人有種想聽得真切, 就會越深陷其中既感覺. 開始既時候我覺得呢款香水香味一般, 甚至係麻麻不討好, 但過左陣就改觀了, 開始覺得越聞越想聞, 越聞越鐘意咁, 有種上癮既感覺, 而且呢款香水香味持久, 早上擦上一些在耳後及髮尾上, 香氣就可以持續一整天.

貼心提供的便攜式試管香水, 令我隨時隨地都可以感受到THIERRY MUGLER ANGEL的魔力, 時時刻刻都可以沉醉於浪漫既星空下.

有機會不妨去THIERRY MUGLER ANGEL專櫃感受下呢份星空既香氣, 就會明白沉醉星空既感覺囉!

夏天潔淨新體驗, 可以同油光講88

每年夏天到, 自己就會好似浸係油裏面一樣油光滿臉, 話可以愛黎煎蛋都真係唔係誇張.

今年總算可以改善呢個情況, 皆因我識左佢地, Jenny 同埋 Tommy囉!

Jenny & Tommy 係 Bioarchitect 旗下既美容品牌. 專長係細胞修護工程, 蘊含生命精華因子, 針對人體5種肌膚細胞: 纖維細胞、表皮細胞、黑色素細胞、角質細胞、神經末梢與朗格罕氏細胞.

R.P.T.三重潔膚精華

120ml  HKD 298

主要成份：

胺基酸潔淨素、微晶酵素、木瓜酵素、玫瑰精油、高效生化保濕因子.

功效:

獨特複合淨顏因子, 能溫和潔淨, 將面上難卸的化妝品及污垢徹底粘走, 輕鬆一掃而空, 還原肌膚真正的乾淨清透. 由微晶酵素與木瓜酵素啟動淨化更新訊息, 脫去
沉積已久的老舊角質令肌膚散發光滑細緻的潔淨光采. 玫瑰精油、高效生化保濕因子、甘草精等護膚精華, 能柔嫩肌膚, 兼具保濕效能, 給予肌膚極緻的呵護.

而當中我的著眼點就係木瓜酵素及玫瑰精油.
因為木瓜酵素有效去角質, 呢個係美容大王牛爾都有講過既. 而玫瑰精油就有助保濕.

產品使用方法: 先乾洗, 取適量潔膚精華, 於面上以打圈方式全面按摩, 直至精華形成有污垢既凝膠線, (係Bioarchitect店內, BA有教過使用方法, 但當時佢形容方式見到一絲絲就拎走再水洗按摩就得, 我果時唔明佢既意思, 但後來見到呢一絲絲好似蛋白絲既東東時, 我先哦原來係呢D), 抹走污垢後, 再加水作全面按摩, 令精華化成乳狀即可徹底洗淨.

不過用手試, 其實係試唔到咩.

用臉試下, 按摩出黎既潔膚精華就轉眼變成黑色老泥丸物體. 臉油加上塵想唔污糟都難啦!

使用前: 臉上油光重, 肌膚暗啞.
使用後: 臉上當然無油光, 最重要係唔乾之餘, 感覺到水潤有彈性.

優點: 1, 香味OK. 2, 帶蛋白絲既去角質方式既有趣又唔傷皮膚. 3,岩我呢種混合性膚質既懶人用, 因為用完唔擦野都OK水潤, 泛油既情況就相對減低左.

缺點: 得Bioarchitect既四間門巿有得賣, 分別係中環、銅鑼灣、紅磡、旺角, 或網上訂購.

結論: 感覺上乾洗按摩時黏走污垢, 加水按摩時又會將D精華按返落D皮膚度, 令皮膚柔滑有彈性. 每次使用後感覺舒服, 而且皮膚變得水潤有彈性 , 效果明顯. 呢個夏天用佢就唔驚臉油過多.

膠原活化精華

重量 : 15ml

主要成份：

水、異黃酮素、七葉樹 (馬栗樹) 粹取、金縷梅、甘油、蘆薈粹取、銀杏葉精華、玫瑰粹取、芒果脂.

功效:

呵護脆弱及暗瘡肌膚，能發揮高度補濕及鎖水功能，令肌膚持續保濕。提升肌膚防禦機能，修護粗糙肌膚，預防肌膚變得敏感乾燥。杜絕潔面後肌膚出現乾繃及敏感情況，保持肌膚潤滑。

而當中我的著眼點就係金縷梅、蘆薈粹取、玫瑰粹取, 都係一D抗敏感, 舒緩皮膚既成份.



試上手背, 感覺乾爽及容易吸收.

但對於臉上卻稍嫌保濕力不足.

優點: 1, 花香味唔錯.

缺點: 2, 保濕力稍為不足.

結論: 容易吸收, 加上面膜紙濕敷效果較佳.


多謝U Beauty X
Bioarchitect 令我今個夏天可以同油光講88.