最近看過的書

         第一本係繪本 髒亂房間大作戰 池田曉子著

         呢本係一本輕鬆幽默既繪本. 我個人都幾鐘意睇繪本, 感覺上係除左透過文字去了解作者既世界之外, 繪本中既圖就好似真係見到作者所遇到既野一樣, 當然當中會有經過修飾同美化, 但始終會帶俾睇書既人更為真切既感受.

       

        
而呢次要介紹既書, 內容當然就如書名所示係同髒亂房間有關. 我自己本身同作者都有D似 , 係一個生活好似拾荒者既人,
好多野覺得有用就唔捨得丟, 成日唸住下次會用所以唔好浪費. 但往往事與願遺, 所謂有用既野就算真係有用到都係好幾年之後既事.
我成日都好佩服一D可以將屋企空間唔多唔少整理得岩岩好既人, 我唸佢地真係好認得手. :P 唔似我成日將自己有既空間都填滿.
而書裏面既作者亦都一樣. 可能因為有差唔多既習慣, 所以我係邊睇邊笑, 好似上身咁.

       

        
作者係一個插畫家, 屋企就係佢既工作室, 而佢既習慣就令到佢幾乎要坐係度訓, 因為佢真係去到無位訓覺既地步, 當然呢個應該係誇張左D,
不過以佢咁樣放野法, 我唸佢再唔改善都真係差唔多會成真. 而令到佢真係要好好地執著既原因係佢既屋亂到嚇走左佢所謂好溫文既男朋友.
由於作者知道自己屋企亂, 所以死都唔俾佢男朋友去屋企坐, 但越唔俾人就越好奇. 結果有一日佢男朋友聲到唔聲就話去到佢屋企留下, 話上緊黎,
結果當然想執著都執唔切啦, 最後作者死吹爛吹講左一堆藉口唔俾佢男朋友入屋. 但自始之後, 佢男朋友再無搵過佢囉, 佢覺得應該係係佢開門果剎那,
佢男朋友睇到門內既冰山一角嚇走左囉. 亦因為咁, 佢終於覺得自己唔執野唔得囉. 而且佢再唔執野可能佢自己都頂唔順.

        而我呢, 哈.. 睇完呢本野之後, 都有稍為執過下我果個堆左成櫃既護膚品同書架.

         第二本係翻譯書人生的第一堂賺錢課：你也可以是百萬富翁 台灣版由楊凱歌著

        其實睇到封面都覺得幾悶下既, 內容以故仔帶出重點, 但唔知點解橫睇掂睇都覺得個故仔好美式. 有D似我之前睇過果本和平戰士,情節鋪排上都係咁上下.

        不過當然呢本書既道理我都認同既, 所以先睇得哂本書, 如果唔係都唔會介紹呢本書囉.

         當中既重點 既重點有好幾點.

         但對我來講最重要既係,愛上自己既工作呢點, 唔愛上自己既工作, 你又點會全神貫注去做呢. 再多既抱怨唔會為工作帶來咩成就, 與其去抱怨不如嘗試去愛上, 可能又係另一種境況.

        不過呢本書最精警果句都係 唯有做老闆先可以賺到更加多錢. :P

「可口可樂CHOK獎」App

岩岩睇HKCOSME.COM既blog文見到可口可樂又有抽奬活動.



以前就係揭蓋掩, 依家就梗係新科技D啦, 用iphone apps囉, 不過好彩可口可樂都有顧下D非iphone用戶既, 呢次既抽奬遊戲同時亦有推出到android apps, 只要下載左「可口可樂CHOK獎」App, 同時間留意可口可樂既廣告就可以玩囉.



「可口可樂」沙灘電視廣告播放時間



定時播放

日期：2011年7月27日至8月14日

頻道：無線電視翡翠台及J2

時間：逢星期日至四晚上10時



不定時播放

日期：2011年7月27日至8月31日

頻道：不同廣告平台，如無線電視翡翠台及J2、全線UA電影院、嘉禾旺角及嘉禾港威



只要在「可口可樂」電視廣告播放時，啟動「可口可樂CHOK獎」App，以勁「CHOK」的動作捕捉在電視廣告出現的「可口可樂」電子樽蓋， 即有機會得獎，參加次數不限。



大獎有 Volkswagen Golf 車一部（價值港幣22萬1千8百元，名額1份）及



交通銀行港幣12萬8千元信用卡免找數簽賬額（名額2份）！



睇落係唔係好吸引呢, 有興趣記得download黎玩囉, 話唔定中奬果個會係你呢.

P.S. 記得一見到廣告就不停CHOK啦,仲要記得捉到蓋掩之後要按存奬處, 如果唔係會白忙既啦.

台灣食品 海燕窩

前天出文時，有SIS問到我所提到的海燕窩.

我係台灣 深坑 老街度買既,

其他地方就少見D

本來一罐要三百幾台幣, 後來係老闆見我買得多, 我前後買左四罐, 佢就一千元台灣成交囉.

我買左杏仁同黑糖肉圓口味兩款, 前天我講既鳳梨口味就係老闆自己私人再送D俾我試既, 俾左六塊磚仔我試囉.

每罐有720G 裏面都係一塊塊磚仔咁樣, 我就無特別數佢有幾多塊, 不過就便過香港買.

作法簡單, 加水加熱, 放涼再入雪櫃, 唔駛三個鐘就食得.. 其實要快兩個鐘其實都差唔多凝固哂.

做完出黎就係咁啦

有佢, 掌握青春唔再係遙不可及既事, 逆轉時光easy job啦

女人, 邊個唔鐘意靚, 但如果係你, 你又希望自己可以點樣靚法呢?
我覺得每個人對靚都有唔同既見解, 都係一D觀點同角度既問題.
或者每一位女士都認為芭比公仔已經係靚既代表, 但又試問, 如果張你個樣整成芭比公仔咁樣, 你又鐘唔鐘意呢?
有D人會覺得無問題, 只要靚就得啦. 但有D人就未必鐘意啦, 因為就算變靚左, 都係因為似芭比公仔, 唔係因為我係我自己.
而
我就係後者, 我本身貪靚, 即使我樣貌真係普通都好, 我都無唸過要整容, 就算係近年興起既微調, 微整容, 我都係完全唸都唔會唸, 我唔鐘意,
唔鐘意果種整完之後果種我唔係我既感覺. 尤其曾經睇過一篇有關整容既搞笑格仔漫畫, 就提到美女同俊男結左婚, 但生左個超醜樣既BB,
跟住俊男懷疑美女有外遇, 但美女話佢係有難言之忍, 然後佢羅左張相俾俊男睇, 原來美女係整過容所以變美女, 而基因呃唔到人,.
當然呢個純綷係笑話, 但係總覺得整過容後果種推翻以前一切既感覺我未必適應到.

而今次有幸出席 Sculptra 塑然雅 教你塑造年輕十載的 視覺年齡 座談會 , 就俾左一個機會, 讓我認識一個全新既概念.

由於遲到關係, 座談會已經開始左一少部份, 但即時我行色匆匆但並沒有忽略舉辦單位的細心佈置.
這次座談會主題係教你塑造年輕十載的視覺年齡, 教授可以逆轉時光既方法. 所以主辦單位亦以時光為題材於走道天花上縣掛起逆轉既時鐘, 感覺幾有意思.

進入場地後, 已經見靚仔醫生 張傑先生以一種幽默風趣既方式為在坐多位進行詳細解說.
而
我亦首次了解到所謂衰老既演變. 點解我會話首次了解, 因為以前我淨係識得用觀察去判斷人既年齡, 例如由皮膚既彈性或者質感好壞同光澤去判斷,
而現在透過張醫生既解說了解, 原來衰老既演變係由 大陽穴開始會逐漸凹陷, 顴骨即蘋果肌位置會隨歲月而越來越平,
法令紋及口角紋亦會因肌肉鬆馳而加深, 腮線會下墜.

 
就好似蕃茄一樣會 隨住時光而逐漸萎縮, 因為呢個比喻, 所以每張枱都見到一個蕃茄, 呢個又係單位既細心地方.

咁想抓住青春我地又可以點呢?
骨膠原係肌膚底層既一種重要元素，係維持青春緊緻既容顏重要鑰匙。20幾歲起臉部骨膠原就開始逐漸流失，而再生能力亦隨之而衰退，導致各種歲月痕跡日趨明顯，年輕肌膚不再。要抓住青春梗係要保充返D骨膠原先啦.

Sculptra 塑然雅既起源?
Sculptra
塑然雅 係一種名為PLLA 聚左乳酸的合成物製成, 而PLLA聚左乳酸於早期並唔係被用黎用作美容,
而係為因AIDS病毒侵蝕而導致臉容開始萎縮既病人所使用, 令病人即使受病魔催殘但仍可以保有最基本既尊嚴同自信, 由於效果良好才被引入美容界,
為更多既人找回自信.

Sculptra有咩效果既? 療程幾耐先見效既?
Sculptra可逐步被人體分解為乳酸、二氧化碳及水分, 再被人體自然吸收, 達致激發體內骨膠原再生既效果.
一般效果會於6星期起浮現, 而唔係即時見效, 完成療程後效果可以持續逾2年.

成個療程既過程係點既?
平均需要3節注射，並需由獲生產商賽諾菲認證的醫生進行。醫生會按客人的容貌及希望改善的程度，決定具體注射次數和每次注射劑量。每節治療平均需注射1至2瓶，而每節療程相距約為4至6星期。

容易敏感既人可唔可以打既 ? 而且痛唔痛既?  ~.^?
由於Sculptra不含任何人體或動物提煉成分, 所以注射前亦無須進行皮膚過敏測試.
注射過程難免有不適, 但醫生受過生產商SANOFI訓練, 會係療程前施行局部麻醉以減底不適情況.
而張醫生亦親自下海一試, 見到張醫生好似無咩感覺咁, 應該唔會好痛掛?

現場少不免要搵個工作人員現場講解一下, 點樣改善可以令整體變得年輕.

張醫生講到位工作人員唔好再拖, 要快D執執佢果時, 我唸張醫生開玩笑咋, 如果果位工作人員要盡快執執, 咁我應該係無得救果種囉.

最後離開果時, 其實都有D想同靚仔醫生影番張相, 但衰在怕醜, MISS左呢次機會囉. 真係可惜.
每位BLOGGER離開既時候, 舉辦單位 SANOFI 送每位BLOGGER一袋禮物.

禮物有 氣質記事簿, 相架, 靚靚USB, 同潔膚液&專用濕紙巾啦.^^ 個環保袋都唔錯既

紅色既相架超有氣質, 要執執張枱先敢用佢.

於座談會結束後曾和工作人員聊天, 更加理解到Sculptra只係為使用者回復往日年青的自己, 為使用者尋回自信, 而非去為使用者改頭換臉, 令我對整容療程多左一種新既概念.

多謝舉辦呢次座談會既SANOFI.

真係零油份? 仲要係保濕霜, 真定係假呀??

早前Kiehl's係FB活動徵試用者, 有新產品可以試梗係唔會執輸啦.
幸運地獲得試用, 第一時間就去左銅鑼灣分店取試用, D BA都幾有禮貌, 稍為簡單介紹左一下使用方法.
呢次試用既係特效清爽保濕啫喱乳霜 7ml 如果日日朝早擦都夠一星期用.我幾鐘意佢零油份系列既包裝顏色, 白色蓋襯藍色透身罐身, 睇落好舒服. 同零油份呢個主題幾配, 清爽乾淨同埋俐落.

成個系列有三支, 我試用既係其中既特效清爽保濕啫喱乳霜. 放係將單張度影相, 係唔係好有立體感呢!

呢個試用裝個罐仔細細個, 好鬼cute.

特效清爽保濕啫喱乳霜 主打當然係不含油份, 同時又可以為肌膚帶來深層既保濕及修護功效.

無油份, 但又可以鎖緊皮膚上既水份, 令皮膚水油平衡, 唔會泛起油光. 真係咁神奇, 係真唔係呀.

其實睇說明還真係半信半疑, 因為巿場上好多產品都仲係標榜滋潤保濕, 無乜幾何係聽到主打清爽保濕.

不過如果真係得既話, 我都會幾撐佢呢款新系列, 鬼叫我一到夏天, 都唔知番臉係出油定出汗咩, 太過笠既產品我真係怕.

打開黎睇, 佢係一種帶有D水狀既奶白色啫喱乳霜, 

擦上手, 啫喱乳霜既質感好輕, 好水狀, 幾乎一擦上手就被皮膚吸收哂咁.

推開轉眼就吸收哂. 再摸一下擦過啫喱乳霜既位置, 感覺上好似有層膜, 但又好乾爽, 感覺都幾得意.

可能我夏天出油出得厲害, 所以我朝早用呢款帶控油作用既零油份系列特效清爽保濕啫喱乳霜就岩哂我, 擦左佢再拍D防曬粉就出得門口囉, 簡單快捷, 唔知佢又岩唔岩你地呢??

 係版到有SIS分享過係Kiehl's買左零油份系列既SET裝都係HKD290. 有興趣既朋友不妨都去下Kiehl's既店度睇下.

土耳其幸福手信

人越大, 越覺得自己無咩朋友, 尤其係出左社會做野, 可以交心既朋友都真係買少見少.
自問自己個性亦唔係太鐘意交遊廣闊既人, 有時候亦甚懶得去維持, 所以可以稱得上係朋友既人真係 無乜幾個.
不過好彩 就算無乜幾個都仲算係仲有呀, 仲要係一識都識左十幾年, 呢個數字都真係有D恐怖.

佢去完土耳其, 返到黎驚死俾我追手信, 第二日就乖乖地黎投案.
登登登....

呢度有三份手信.

第一份係陶瓷小器皿. 我幾鐘意個手工, D花紋係立體有凹凸既,

第
二份係手工飾物, 可以做頭飾又可以做頸鏈, 一條繩線加珠仔穿織而成既, 我朋友仲要強調手工既, 好貴.. 超搞笑,
因為我見佢戴左好多土耳其藍色石頭既飾品, 我問佢點解唔買條俾我, 佢就一直好強調話 送我呢件仲貴.. 最後結果係 朋友要損失一件戰利品.
<-- 無計... 十幾年老友既權利就係老屈.

第三份嘛, 就係黃色果盒囉. 有無SIS做到係咩.

當然就係土耳其特產, 甜死無命陪既土耳其軟糖囉. 老友強調過呢款已經叫無咁甜..
不過搵左公司D白老鼠試過, 結果係... 都係配茶配無糖咖啡算把啦.....
黃色/白色果款係薑味, 紅色果款係玫瑰味.

見到D手信就覺自己好幸福, 唔係因為收到禮物.
而係來自朋友既心意.

老友, 多謝哂啦. ^ ^
哈哈,  我期待你下次既旅行囉.

古代人的傳情方法 ?? 弗洛蒙??

曾經睇過一段有關弗洛蒙既文章提及過古代人有一種傳情方法, 就係男方將蘋果切開, 然後將切開左既蘋果夾係腋下,
令蘋果吸收自己既汗液再送俾愛人, 亦有d版本係話將吸收左汗液既蘋果俾愛人食, 解釋弗洛蒙所帶有既催情作用, 有D似現今既香水.
時至今日, 汗液中釋出既弗洛蒙真係未必人人欣賞, 甚至視為一種異味,  令人為之尷尬. 但係有咩辦法可以阻止呢? 對於天生大汗既人黎講究竟有咩辦法呢?
               現時巿面上有好多產品, 紛紛主打長效持久止汗, 甚至帶有美白及潤澤腋下肌膚等等功能, 但最後結果往往只能維持短暫效果. 唔通長效持久真係咁難?
               每當夏天來臨, 就係我麻煩同埋尷尬既開始，因為我天生大汗, 試過夏天於戶外活動, 出汗出到俾朋友話我個身好酸, 情況令人尷尬.所以係呢個時候最開心既就係抽到試用, 仲要係非常岩夏天用既產品.
佢就係QB止汗三步曲囉!

回到家裏看到包裹就超高興的, 我開始時以為只係試用QB其中一款, 所以收到咁大一包時, 就覺得有D奇怪.
不過可以試埋其他產品梗係多多益善啦.

誠如好多位試用過雅施產品既SIS講過, 雅施既試用都會很窩心咁寫幾句祝試用愉快之類既字句連產品一併寄出.

其實好早之前我就已經知道QB呢隻牌子, 無奈我身邊無朋友用過, 所以都唔清楚呢隻牌子好唔好用, 對佢只能抱持著遠觀既態度.
QB有分大罐 30g $296,  細罐5g $78 ，由於細罐果款真係好少，又唔知好唔好用，而且真係好難相信平平無奇既止汗膏擦完可以維持到一星期， 結果唸左好耐， 最後都係無買。

好幸運咁我依家終於可以試下呢款可以止汗一星期既產品, 了解下佢既威力有幾大. 真係要多謝雅施.

其實係雅施既店舖內, 我只膏, 其餘兩款我好少見, 偶然見到擺Promotion可能有出現, 不過我無留意掛. 因為無論係用皂可以止汗, 又或者係潤膚液可以止汗, 我都係覺得所思的.

自覺無本事邊捽肥皂邊影相既本事 只好借雅施既廣告相一用 

(照片來源來自雅施廣告)

蛋型設計既肥皂適合手型, 弧型表面剛好可以放在腋下清潔同時又可以為皮膚稍作按摩. 不過我自己用果時整唔到咁多泡, 所以我覺得佢D泡泡無咁綿密.

(照片來源來自雅施廣告)

切
記, 使用止汗潤膚液既時候千祈唔好用化妝膚, 因為會好浪費. 潤膚液雖然係透明水狀, 但擦上皮膚上好快就會被吸收.
倒在化妝棉上一下子就好像會變得乾爽無法再擦在所需用部份, 所以都係倒係手上方便D, 個人感覺係擦完潤膚液擦在腋下後會很快變得乾爽,
表面會有種粉質既感覺, 可能就係咁可以幫助止汗.

(照片來源來自雅施廣告)

最後主角登場

先
介紹一下, 我覺得日本人好有創意既地方, 可能我見識少啦, 我覺得呢個方法幾得意. 日本人為左令使用者知道呢樣產品有無俾人開過,
就設計左係蓋同罐身之間貼上一張銀色貼紙, 本來呢種方法無咩特別, 特別既係你無搣走張貼紙前係一張銀色圓型既貼紙,
搣走左之後居然會有部份銀色貼紙留在罐身, 我一開始以為自己搣唔乾淨, 結果再睇清楚先睇到原來係產品已開封既產思. 個人覺得呢個設計幾得意.

打開罐之後會見到白色既乳霜, 你唔好以為呢罐5g既止汗膏會好快用哂. 因為佢其實無次只會沾到少少, 要挖多D都真係要用指甲或者挖乳霜用既羮仔先得.

我每次用既份量其實唔係好多, 只係沾左係手指頭上擦兩三次左右係腋下, 就搞掂. 不過可能量太少, 我大概可以維持兩三日左右.汗就一定有出既啦, 但起碼真係無異味, 唔駛做狐狸囉.

所以真係多謝哂雅施俾呢個機會我認識呢款唔錯既產品.

一款既可以止汗又可以平滑潤膚既產品, 你地又點可以唔去睇下呢.

雅施既廣告連結

https://www.aster.com.hk/catalog/images/QB_ADV_s.jpg

當中有提及到QB既新優惠, 有興趣既SIS都可以睇下.

啤酒花洗髮精油

啤酒花洗髮精油, 據說可以增髮, 就因為這理由買了, 因為我成日出頭油, 頭頂頭髮又薄, 咪買黎試下.不過感覺上係依家乾燥既天氣先岩用, 先感覺有吸收入去. 

呢支係大支裝 有525ML, 依佢話係無乜點溝既精油黎講好似叫便掛, 其實我都唔係太識分.
暫時未知佢係唔係生到髮之前, 先發現佢幾個缺點.
一, 無香味之餘, 仲有點唔識形容既精油味..可以話有D古怪既味.
二, 用果時無咩泡, 得D泡仔, 用黎洗頭, 會有種好似會洗唔乾淨或著無洗過既感覺,
三, 用精油洗頭一定要勤力, 洗完頭要吹頭, 如果唔係會有油溢味係頭皮度.
不過有壞, 都有好既, 優點嘛
一, 用左好似頭無咁乾, 無咁多油. (岩天氣用先係)
二, 因為係精油, 最主要只係愛黎按摩頭皮, 所以唔駛用咁多.
三, 無咁多化學物, 對頭皮應該會健康D.

~世界最遙達的距離~

聽到世界最遙遠的距離， 令我唸起一則係台灣睇過疑似笑話既一篇文章。
台灣有一種奬券係唔駛俾錢買既，只要你買野就會有發票，每張發票上面都會有一個號碼，每兩個月就會抽中奬號。(我自己本人都中過一次，唔記得係第幾奬，不過有一千元台幣，但未扣稅金。)
而所謂世上最遙遠的距離既笑話內容係有一個人去超級巿場買野連續出左兩張發票，但居然唔係連續號碼，而中奬果個號碼就係岩岩係呢兩張既中間果張，所以呢如果呢個唔係一個笑話，咁果個人都真係幾唔甘心囉。

咁
當然啦，我呢次想講既距離唔係呢種巧合，而係講緊俾我自己養出黎既腰圍啦。每次見到不斷增加既數字，唔好話廣告女主角果條貼身牛仔褲，淨係講我自己著開既
牛仔褲都勉強。好彩既係後來遇到朋友介紹某話中醫針炙，唔知係約定係針炙有效啦。真係有輕左瘦左。不過我都係輕左十磅就停左囉。一來磅數無再繼續下降，二
來都自知食葯減肥始終都唔係最終可行之道，所以唯有改變飲食方法，同埋做下運動啦。

改變飲食既第一步係小食多餐囉。 呢個時候就遇上HKCOSME X Kellogg’s Special K 試食活動，咁梗係第一時間參加啦。
亦都多謝HKCOSME X Kellogg’s Special K 試食活動令我有機會試下挑戰世界最遙遠的距離囉!

拎左盒special K 返屋企，第二朝就黎試下用special K整早餐食囉。

呢
方面就無咩難道既，純綷半碗奶，加半碗special K，不過到呢度我就有個疑問，盒上面講話最好用special
K代兩餐，但份量只係寫左45g，咁到底係兩餐各45g，定係兩餐加埋呢? 而係呢個情況下我只係用左25g左右。所以一盒得205k既special
K其實都唔係食得好多餐，不過如果可以縮短距離既話都值得既。

為左驚自己唔飽就再多條香焦增加飽足感，岩岩好熟既香焦口感最好

登登..簡單的早餐完成，不過到左十一點幾就開始肚餓囉。 如果返工既話帶多份水果呢個時候食就差唔多囉。帶蘋果係一個唔錯既選擇，會比較襟飽d。

同場加映低卡甜品，鳳梨口味既寒天一碗。
早前係台灣買返黎既海燕窩，日本既寒天，煮法簡單，張一塊塊加工過既海燕窩丟入水到煮，煮溶左之後，就可以倒入耐熱器皿度放涼，然後放雪櫃就ok囉，如果鐘意食甜d既，可以再加糖囉。呢款甜品最方便既地方係佢好快凝固，前後唔駛三個鐘就可以食得，方便快捷。

帶微香既皮膚擦子膠

早前Oslee邀請blogger試用去角質深層潔淨啫喱, 幸運地成為其中一位.

其實對於標榜可以用"捽"就可以"捽走"死皮既產品, 我係無乜好感.

點解, 因為我以前曾經試用過某牌子既去角質凝膠, 個BA試果時係咁話"捽"出黎果D係我臉上既死皮同污垢, 但係我係佢行開之後試左係番鏡度咪一樣"捽"得出所謂既死皮, 所以所謂既死皮只係產品裏面含有既一種成份.

咁我點解仲會試, 咁當然有得唔"洗"錢試用都係一個原因, 但如果佢呢隻品牌唔好我都唔敢膽試啦.

之前就係美容網度見到有SIS讚Oslee既美肌水又便又好用.

咁同樣既我都有興趣知道佢既其他產品又係如何呢.

唧左黎係透明既凝膠, 帶少少香味, 不過就唔多覺似玫瑰, 對於唔鐘意太香既SIS應該係可以接受.

未用先前番臉有少少油啦, 仲未係出得好旺盛既時候.

我將頭先手背上果D擦左落番臉度, 但因為好快乾, 我都未"捽"得切佢就乾左半咁滯, 會建議使用既SIS, 先將要使用既份量先點哂係臉上既幾個位先再一齊推開按摩, 如果唔係邊塗邊按摩, 除非你番臉又細而動作又好快先得囉.

結果第一次"捽"唔出, 再唧多少少出黎, 呢次要快D. "捽"到啦, 白色一粒粒. 可能番臉 唔係好污糟, 所以無咩野"捽"到出黎.

按摩完, 沖水就搞掂, 乾淨哂, 仲好似白左D, 不過當然通常洗完臉都係會白D同有番D光澤既, 不過呢樣產品勝在對皮膚無乜刺激性, "捽"完唔會成番臉紅哂, 而且用完又唔會乾, 感覺仲幾乾淨幾清爽咁. 不過唯一唔好應該係乾得太快.

就經濟實惠黎講呢款係一個唔錯既選擇, 係萬寧見過唔駛$80就有一支. 有興趣既SIS行過萬寧都可以睇下.