面膜嘛, 都係呢個"蔘"得我心

多謝 Maskhouse 俾我呢個機會試下佢既人蔘面膜.

人蔘, 人蔘糖,大家都食得多, 人蔘面膜應該就唔係太常見. 

黎睇一下個成份先.

成份:

*韓國人蔘精華

 重點修護肌膚，刺激細胞再生，延緩肌膚老化。

*甘草酸鉀(甘草)

 改善肌膚常見問題，讓肌膚更活力健康。

*維他命E及骨膠原

 提升肌膚彈性，更具有美白去印功效。

睇落係唔係好吸引呢.

每一盒都有五塊面膜.

每包面膜裏面都有好多既GEL, 面膜敷完仲可以擦下手腳, 俾佢地都可以補一下.

張面膜羅左出黎之後, 其實個包裝袋到仲有D GEL可以裝起黎第二日再用番.

羅左出黎之後係咁既, 可能想就番個包裝袋啦, 所以佢無用到D紙托住面膜, 呢一方面我就覺得幾唔方面, 搞到有D似拆禮物咁層層揭開.

唔好意思, SHOW左我個鬼樣出黎, 嚇親大家請勿見怪呀..

敷左上面之後, 因為佢有好多剪位, 所以可以更加貼面, 不過可能我比較粗魯, 我發覺D剪位會係我努力拆禮物果時俾我拉開左, 所以大家用既時候請唔好好似我咁粗魯囉.

可能近來天氣凍左少少同乾燥, 我係敷既時候就感覺到D面膜冰冰地, 而皮膚就有種好似吸緊水同收縮緊既感覺.

整體黎講呢個面膜都唔錯, 連敷幾日既效果, 皮膚唔會乾爭爭, 仲有滑左.

咁多位SIS無抽中試用唔緊要, 依家萬寧仲做緊優惠, 原價$75一盒, 依家買一送一.

大家都一齊黎為皮膚進補一下啦.