天氣乾燥, 臉部呼叫SOS

天氣乾燥, 臉部皮膚水份被抽乾, 造成細小既缺水紋路.

現在的保養由夏天的洗臉膏+面霜,

改成現在的卸妝油按摩抹走+洗臉膏+面膜

黑龍堂的卸妝油+廣良源的保濕洗臉膏+玫瑰舒緩面膜.

依家先話好D, 無咁乾乾崩崩.

我呢D叫小乾, 有陣時大乾水既時候臉會出現D毛屑屑要甩唔甩咁, 擦極面霜都搞唔掂.

呢個時候我會用另外一種方法, 做個凡士林面膜, 呢個我係係書睇返黎既, 都係度同大家介紹一下,

1, 首先洗左臉先, 然後唔好印乾哂番臉, 要令番臉保留番D水份,

2, 然後挖小過一毫子既份量既凡士林塗開全臉, 謹記切勿貪心, 唔係用多D就保濕D既, 另外由於凡士林本身杰身同立, 所以會有D難推開, 要慢慢同有耐心擦完全臉

3, 擦上哂番臉後, 就整濕雙手, 然後按摩臉部, 繼續推勻D凡士林, 如果雙手乾左, 就再整濕, 再按摩.

4,  重點每次按摩雙手都要有水份的,不斷重覆呢個按摩程序,直到臉上D凡士林唔立為止就大功告成.

呢個方法係幾得既又簡單, 尤其係凡士林唔貴, 用完之後D毛屑屑唔會咁勁, 但我自己都好懶得用, 因為每次做呢個面膜都要起碼20分鐘, 真係好懶得做, 尤其係雙手要係咁按摩, 將D水份按落D凡士林度. 好攰既. :P
不過得既野梗係都介紹俾大家做一個參考啦.