中左me club禮物

放左幾日假, 越放越懶, 再加上前排真係忙到顛, 更加咩都唔想PO.

明明有好多野想分享俾大家知, 但都好鬼懶.....

一來張枱永世都亂, 影親D相都麻麻, 見到其他SIS PO既相, 唔理係造型定擺放都咁花心思, 就更加無力PO文, 因為自己懶得執, 亦執得唔靚.

不過由於早前答應既分裝試用都過左期未出結果, 唯有趁假期最後一日, 未開始忙既時候快D PUSH自己, 如果唔係我又有排懶囉.

順便睇下咁多位SIS既文, 咁岩睇到有SIS話中左ME CLUB既禮品, 上黎分享下喜悅, 話說我都有中既, 不過係二月份既事囉, 相就影左, 但係唔知點解, 日日都推下一日先PO, 到家下見有人講到ME CLUB先唸起, 不如我又PO 下囉.

講左咁耐, 唔知有無SIS 知我中左D咩呢..

登登登,

就係呢對New Balance Truebalance 健步鞋啦。

雖然果排新聞係度話, 其實呢D健步鞋係幫唔到減肥既, 不過無所謂啦, 禮物呀嘛.
而且我個人著左一排我覺得或多或少都有D用既, 唔係講減肥, 係講郁動到既部位, 唔知係唔係我行路姿勢同各位都有D差別, 我係著完對行行街, 上次仲慘.. 去拜山, 跟住第二日個PAT PAT係酸哂. 咁唔知算唔算係效果呢.

不過最終都係一句, 多謝哂 me club X new balance囉