令我聯想到古龍水既沐浴露-bathique 白茶及生薑精華系列沐​浴露

第一次抽中沐浴露既試用, 首先當然係要多謝舉辦試用活動既sasa.
因為如果唔係有佢地舉辦, 我唸我都真係無乜機會知道呢隻產品好或者唔好.
想知點解? 首先睇睇產品既樣先.

因為有個品牌名既絲帶圍住, 睇落個包裝好名貴, 有D似香水品牌出既沐浴露,  用開超級巿場買既沐浴露, 就算見到幾吸引都未必會買, 因為覺得一定貴.

而且佢得300ML, 感覺上好快會用哂. 屋企人多D都唔係太岩用.

再
黎多張, 其實當我由個盒羅左支沐浴露出黎果時, 我第一個唸法係, 佢係唔係男性用既沐浴露黎既, 因為依家都出左好多專為男士而設,
類似古龍水味既沐浴露, 可能覺得巿面既沐浴露大部份都係花香味, 未必乎合男士形象. 而呢款白茶及生薑精華沐浴露, 瓶身用藍色,
俾人感覺都幾COOL下, 而銀色既樽頭, 則俾人一樣現代及時尚既感覺, 綜合埋一齊就令我聯想到係俾男士用既感覺.
因為我身邊既女士大都會為左可愛既造型, 鮮明活潑既顏色而去購物, 而呢款沐浴露以上兩樣都唔乎合.

不過佢亦有吸引我既地方, 我本身對香薰及精油類既產品, 總係抱有一種莫名既熱愛, 而呢款沐浴露少有咁用白茶和生薑精華作為組合, 白茶既清新同生薑既醒神, 感覺上都幾有新意,

係網上稍為查找一下, 發現呢款沐浴露同香水一樣都有分前中後三種基調, 分別係

前調：蘋果﹑白茶﹑生薑﹑佛手柑

中調：洋李﹑紫蘿蘭﹑茉莉﹑胡荽
基調：樹木

不過我都只係聞得出, 有D類似檸檬同生薑既味咋.

按
壓式打開樽口既設計甚為方便, 而沐浴露質地適中, 容易倒出, 打濕後很快就可以有一 堆泡沬, (由於用手機拍照, 無辦法單手影相,
所以放棄放泡沫照片), 而且亦容易清洗.(呢樣真係要強調一下, 我真係試過有D沐浴露洗極都係滑溜溜咁, 例如D字頭既沐浴露就係一例.)

用完有種放鬆既感覺, 最衰屋企無浴缸, 如果可以做浸浴, 香味應該可以仲耐D, 個人感該會仲relax D.

除此之外, Bathique 除左 呢款白茶及生薑精華系列之外, 仲有另一款【茉莉花及草本精華系列】, 唔知呢款又會唔會好似白茶及生薑精華咁醒神呢. 下次行經SASA真係要望下先.