唔想毛孔曝光, 有佢就掂!!

混合性膚質, 容易出油出汗造成毛孔粗大. 遠睇當然無問題, 但近睇毛孔絕對會曝光, 唔想毛孔曝光見人咁有咩方法.

毛孔既問題當然唔係一日半日可以解決, 但唔想毛孔曝光, 唯一辦法就係收細佢, 甚至係收埋佢.

講就簡單, 毛孔問題又話無咁快可以解決到, 咁有咩可能可以收細佢又或者收埋佢.

美國 Benefit 話你知有可能, 佢請左特工幫手.



Benefit 既反孔特工

The Porefessional

專業毛孔遮瑕膏 22ML HK$300 

配方重點混合矽及硅硐彈性體和矽靈.

收緊孔之餘, 不會阻塞毛孔, 可在皮膚上形成薄膜,能創造肌膚絲絨般的柔滑觸感, 遮蓋毛孔既同時能夠能令皮膚感覺滑一滑.

適合所有膚質使用



使用方法:

早上打底: 在潔面及塗上保濕霜後, 在皮膚薄薄塗上一層, 用指尖從面部中央開始外輕點輕印, 待數秒後, 就可開始化妝.    

當毛孔突然出現的時候: 可直接塗在T-zone位置或妝容上使用.

錫紙封確保未經使用.

第一次使用時, 唧出黎既好似都係透明油水, 大概要唧多幾次先正常.

感覺係有色乳液狀, 帶有少少檸檬香味, 容易推開, 有種帶有油份既感覺, 但實質上唔會油膩, 反而使用後有種清爽既感覺, 個人覺得有D控油成份, 而且都持久度都OK.

毛孔實在好勁, 但用左The Porefessional之後, 毛孔明顯收細左.

如果用點印式使用, 感覺上可以填平較嚴重既毛孔,令皮膚睇落平滑D.

整體評論:

有色乳液狀容易推開, 更能貼住肌膚, 使用後皮膚不會油亦不會乾, 感覺清爽. 持久度亦不錯, 有5,6 小時. 而且有明顯效果, 能即時收細毛孔, 祼妝單用OK, 配合美妝用品使用效果更佳.

有特工The Porefessional幫手, 果然係 "反孔" 任務完成.

美肌新選擇, 蘋果味低卡小食

早前介紹過唔少美肌飲品同低卡路里零食, 但人總係貪心既, 到底有無辦法將低卡路里零食同美肌功能結合為一, 可以一次過滿足既胃食但唔想肥, 想美肌但又好懶護膚既人呢!

答案: Skin C透明質酸口服啫喱




美肌飲品大行其道, 大家聽過唔少, 但美肌啫喱大家又試過未.

Skin C透明質酸口服啫喱 最大特點係 食得落肚既透明質酸.

透明質酸係大部份美容保濕產品既必要成份, 而用於食品上我都係第一次試.




Skin C透明質酸口服啫喱 無糖、無咖啡因及1.9卡路里.

除透明質酸外, 再配合Q10及蜂皇漿等絕佳抗氧精華組合, 為肌膚補充足夠水分, 令肌膚更為亮麗有光澤.

只需一星期, 肌膚豐盈、亮澤、剔透

一盒有七條啫喱. 獨立包裝, 方便攜帶.

每盒蘊含250毫克透明質酸, 每條啫喱包裝上均有列明到期日及產品成份(不過係日文), 不用每次找包裝盒查閱.



食用方法: 每日一次, 每次一條啫喱, 只需於啫喱包裝剪口位撕開, 即可食用.

青蘋果口味既既啫喱, 無論口味或口感都唔錯, 作為小食一流. 我都會係午飯後, 當係甜品攞出黎食, 尤其Skin C透明質酸口服啫喱係低卡食品, 所以食左都唔會有罪惡感. 但美肌效果, 感覺唔係太明顯, 但有食對肌膚或多或少都有好處, 因為食落肚既比擦在臉上的易被人體吸收, 而且無論任何產品想要有好既效果, 都係要持續使用一段時間, 令身體適應, 進而發揮好既效果.


有興趣, 不妨可以到萬寧或莎莎購買, Skin C透明質酸口服啫喱 原價$99, 特價$69.

Skin C Beauty Supplement
Facebook

現正舉行送禮活動

我參加左囉! 你都黎參加呀.
 

水果美肌, 我有 白蘭氏InnerShine活顏馥莓飲

白蘭氏雞精, 細個都有飲過, 唔知其他人有咩感覺, 而我唯一既感覺係好難飲, 少少苦又有D腥既味, 因為呢個原因所以對雞精都無咩好感, 然後一直都無再飲過囉,  但隨住年紀大左, 口味改變左, 直至今年年頭因身體不適再遇上雞精保健產品, 發現其實雞精都無想像中咁難飲, 味道仲好似好左好多.

呢方面可能由於白蘭氐與時並進, 不斷的提高產品品質, 並改進產品既營養配方, 務求為處於繁忙都巿的香港人打造健康體魄.

所謂與時並進, 白蘭氏當然有留意到女士對美的要求, 並以由內而外, 還原天生美麗為方針, 打造一系列產品.

有睇過 台灣 小S 代言既 廣告, 就會記得白蘭氏既美肌飲品.

廣告中令人深刻印象既當然係 無論妝前妝後皮膚都係咁透白亮麗, 好似打左光咁. hold得住的美麗有邊個唔想.

廣告出左咁耐, 活顏馥莓飲 當然唔係新產品.

但都話白蘭氏係一直改進, 所以今次既產品 係 升級版既活顏馥莓飲



升級版有D咩唔同?

新添加抗氧化水果之皇 - 擁有「生命之果」美譽的巴西莓, 蘊含極高含量的花青素, 抗氧化能力指數(ORAC) No.1 ,  擁有極高抗氧化功能.

有咩好處:

1. 保護肌膚免受紫外線侵害及污染, 有助防止游離基破壞皮膚組織.

2. 延緩細胞老化, 防止骨膠原及彈性蛋白減退.

3. 促進血液循環, 以助提供營養及氧氣至肌膚.

4. 令肌膚由內而外綻放剔透亮澤.

睇落效果好似好勁喎.

果盒有D難開, 唯有暴力拆盒囉!

一盒有14支 HK$238

另有6支裝發售  HK$115

每支 50ML, 每50ML 就51卡路里

主要成份除左 巴西莓之外, 另外仲有歐美四種天然果莓(野櫻莓、黑加侖子、蔓越莓(紅莓)、藍莓)精華而成，四種果莓皆蘊含高含量花青素 , 另加入葡萄籽精華, 當中的原花青素(OPCs) 抗氧化能力比維他命C高20倍, 維他命E高50倍2.

顏色深紅色, 如果倒入玻璃酒杯會以為係紅酒, 好香既莓味. 味道唔錯, 不過個人就覺得係杰左少少, 但可以接受.

飲左十四天結論:

因為本身都算白, 所以效果唔算太明顯, 但以近期懶擦護膚品, 皮膚都keep到光澤黎講, 算OK既. 雖然白蘭氏定期都有優惠, 但密集式咁飲我會覺得有D貴, 或者當佢療程咁飲, 每個月一次, 每次14支, 定期幫皮膚補充營養, 對抗污染同老化.

美味隨時享有 - VONO即沖湯及即沖湯意粉, 我的三分鐘湯品

美食 = 卡路里 = 肥胖
 
唔通呢個真係等式, 同改變唔到既命運.

NO! NO! NO!

美食唔一定代表高卡路里, 有時美食都可以好低卡路里. 高卡路里或低卡路里係視乎使用既材料同烹調方法而定, 掌握到方法, 美食同低卡路里當然可以並存. 道理大家都, 但係講就容易啫, 做就好難, 而且又耗費時間, 唸到要花時間就覺得不如放棄啦, 而且自己煮野食又唔係叻, 隨便食下咪算啦, 肥就肥啦! (雖然心裏面係好唔甘心, 但又可以點喎!)

呢個時候當然就係佢出場既時候囉!

我的三分鐘湯品, 即使唔識煮野食, 識煲水就得啦. 介紹既當然唔係公仔麵啦, 因為公仔麵其實都好高卡路里, 今次介紹既係既低卡又好味既即食湯同湯意粉.



VONO 係由日本味之素公司研製而成的. 光睇綠白紅色既LOGO, 我第一個聯想到既係意大利, 因為同意大利既國旗有相似. 但原來 綠白紅色 應該係綠白橙先岩,  而綠色係代表最優質蔬菜, 橙色係代表最優質肉類, 而白色三者合而為一就會變成美味既湯. 另一方面綠色亦可代表慢慢享用, 而橙色則代表簡便速食.

VONO 分別有五款即沖湯意粉, 三款即沖湯.




每杯即沖意粉裏面都會有一包意粉, 同一包湯粉.

倒哂落杯到, 然後杯內有水位線, 將D水倒到果度, 然後加蓋三分鐘食得.

係唔係好方便呢.

嫌爭咁D, 唔緊要, 可以再作加工, 再加D營養落去又得, 不過當然或多或少會加左D卡路里落去, 自己衡量囉!

今次我準備既係 一匙粟粉 同一隻雞蛋, 將D湯倒落粟粉到攪勻, 然後加雞蛋再攪勻, 再淋返落意粉到就完成囉 ! 令湯更香更滑, 所以無得剩.


五款即食湯意粉試食體驗

5分最高分, 1分最低分

1, 菠菜雞蓉忌廉湯意粉, 沖出黎係湯到就見到D菠菜, 不過飲落唔多覺有菠菜味, 都無乜雞蓉味. 2分

2, 蕃茄忌廉湯意粉, 沖出黎紅色, 味道有D甜, 唔夠酸, 味道似罐頭茄膏既味, 鐘意罐頭茄膏既人應該會幾鐘意. 3分

3, 粟米雞蓉忌廉湯意粉, 見到一粒粒粟米, 見到就開心, 味道甜甜地, 好香粟米味. 4分

4, 南瓜忌廉湯意粉, 橙黃色既湯, 南瓜味甜甜地, OK. 4分

5, 蘑菇忌廉湯意粉, 灰色既湯, 好香蘑菇味, 同平時飲開既忌廉蘑菇湯一樣. 5分

整體評分: 4分, 意粉好易熟, 而且滑, 配上湯係絕對美味. (雖然意粉好易熟, 但記得係要沖滾水, 而唔係溫水, 溫水沖意粉係難熟D, 而且會變到好似半生熟咁, 唔好食, 因為我試過.)

飲即沖湯既可愛湯杯, 我既杯係蘑菇, 其餘兩款分別係 蕃茄 同粟米, 睇落都好得意.

湯杯內亦有一條水位線, 示意只要水倒到水位線就OK.

即沖湯同即沖湯意粉有少少唔同, 就係更快有得食, 唔駛三分鐘, 而係一分鐘就飲得.

沖調方法同沖即沖咖啡一樣囉, 湯粉倒落杯, 倒熱水, 攪勻就飲得.

三款都好好味, 但都係果句, 雞蓉就無雞蓉味, 所以三款湯其實得兩款.

1. 粟米忌廉湯 4分
2. 蘑菇忌廉湯 4分
3. 雞蓉蘑菇忌廉湯 3.8分 

每盒湯 有兩包湯粉.

整體評分: 4分, 因為方便好飲, 而且唔會沖到一塊塊, 黏住湯匙, 或者黏住杯底, 一D都唔浪費之餘, 洗杯果時都唔駛咁麻煩.

 

VONO  即沖湯及即沖湯意粉適合咩時候食, 咪就係想同人分享既時候囉.

輕小食 即沖湯(73.84kcal), 即沖湯意粉(146.165 kcal), 食左既無罪惡感, 又可以止口痕, 當然要第一時間介紹俾媽咪啦!

原價: 杯湯$14.9/盒;
         湯意粉:10.9/杯 

特價: 杯湯$11.9/盒;
         湯意粉:8.9/杯

百佳, 惠康, 一田, 華潤萬家, Jusco, Vango, Circle K 均有發售, 有興趣不妨去逛逛, 買返屋企試下. 

少年Pi 的奇幻漂流首映 (部份劇透, 不喜勿入)

多謝Ztyle邀請, 令我有機會睇 少年Pi 的奇幻漂流首映場.

簡介 : 電影少年Pi 的奇幻漂流是根據全球暢銷小說家楊〮馬泰爾所撰寫的同名小說改編而成的3D史詩奇幻鉅作. 內容: 主角是一名印度男孩, 名叫皮辛·墨利多·帕帖爾, 他的一生由他的奇特的名字開始, 由他為改變他人對他的名字印象而背誦數學圓週表開始, 他天性好奇, 亦因為好奇及尋求, 而投入多種宗教（產生同時信仰基督教、印度教及回教的怪情況）.  他有一對自認抱有現代觀開放思想的父母, 還有一位哥哥, 家裡開動物園, 對動物較一般人熟悉. 在政局動盪的時候，皮辛的爸爸認為舉家遷移到加拿大並販賣動物作新生活的開始是最好的一途, 並落實進行, 但在前往加拿大的的途中, 他們以及動物們所搭乘的輪船因意外沉沒, 除皮辛外, 家人全數遇難, 而幸存的皮辛在混亂之中被水手丟上一艘載滿動物的救生艇, 上面有一隻鬣狗、一隻紅毛猩猩, 以及一隻孟加拉虎, 皮辛運用他的知識及求生本能與動物共處, 靠着信仰堅定意志, 在一片茫茫大海中與一隻老虎共同撐過了兩百二十七天. 一場奇特的旅程 由奧斯卡獎導演李安親自執導下 在銀幕前展開.

個人感想:
1. 皮辛在暴風雨中的大海一直在說對不起的畫面. 像為自己不知天高地厚挑釁神(大自然)害家人都葬身大海, 又或是為只有自己幸存而道歉. 這一幕還蠻深刻的.
2. 個人感覺皮辛的的旅程會有兩種不同的版本, 一個奇幻到不可思異, 令人無法相信的與虎同行的遇難記, 另一個是弱肉強食的殘酷, 悲慘到令人不想相信但較為真實的遇難記, 是因為連別人都寧願相信一個奇幻的遇難記, 也不想去想像現實的殘酷, 何妨幸存的皮辛. 奇幻的旅程到底是為了繼續支撐生存意志而編造出的奇幻想像, 還是真實的存在, 也只有皮辛知道. 正如他對訪問他的作家所說的話, 相不相是你的自由.
3. 由於是3D, 感覺好像很近距離看著, 個人覺得孟加拉虎還蠻漂亮的.

看這部電影, 請不要去分析內容的合理性, 就讓自己的腦袋放空, 純綷跟著劇情走, 去感受這部視覺震憾的奇幻電影. 內裏會感受到彷彿近在眼前的暴風雨, 大自然生物的奇觀種種, 是一部蠻有趣的3D電影.

 

不對味的BB美肌飲

Chocola BB Drink bit



只要有睇電視既, 大家對佢一定唔會陌生, 事關佢成日播廣告.

Chocola BB Drink bit 針對 都巿人 缺乏 維他命B群的情況, 打造適合都巿人既健康飲品.

其主要成分是容易被人體吸收的活性維他命B2, 能有效促進肌膚新陳代謝, 令細胞持續更生, 保持健康美麗. 配合28天肌膚細胞更生週期, 以一天飲用一支為標凖, 如持續飲用更可達致更佳效果.

以美肌 及 健康為號召, 瘋魔一眾愛美愛健康的一群.

女士愛美係天性, 而且可以令身體健康, 甚至話可以燃燒脂肪, 咁我緊係唔會執輸啦.

早排試飲左一個月之後, 老實講唔可以話佢完全無效, 因為就算冬天天氣乾燥, 往年冬天皮膚會甩皮既我, 今年冬天懶擦野果幾日皮膚情況都算OK, 水份並未嚴重流失, 我唸佢都算有D功勞既.

即使佢有效果, 但對我黎講, 我會買黎繼續飲既機會不大.


因為佢D色素真係好重手, 每次飲完一支, 去幾次廁所之後, 鮮黃色先話減退.

我倒上手比較, 就會見到佢有幾鮮黄色.

結果沖左水, 仲有D黃色印係度, 其實D黃色色素係咩黎, 為咩要加落去, 真係有D令人費解.

除左色素令人難以接受外, 另一款係口味問題.

細個果時身體唔好, 成日食葯, 而呢款 Chocola BB Drink bit 同我細個飲既 甜得黎怪怪地既葯水, 可以話係無乜分別.

只可以話唔岩我個人口味.

熱鬧中的寧靜享受

話說早前參加＜YOKO X KINKA 送大禮＞, 但由名blogger Yoko舉辦的活動參加者眾, 所以與奬品 KINKA Gold Nano Lotion 緣慳一面, 暫未能一試, 只好有機會再自行消費購買 (聽說Kinka既產品都幾好用, 可惜都係果句屋企太多野, 再買又要俾屋企人吟).

當活動結束後, 與名blogger Yoko合辦活動的9°Beauty卻為活動帶黎另一份神秘奬品.

登...登...登...

就係9°Beauty 價值HK$1,080 的皇牌療程「Enary 甲殼素保濕紓敏面部療程」

這次很幸運的能夠試用 9°SPA的療程, 真係多謝9°Beauty的慷慨.

9°SPA 位於 香港中環威靈頓街14-24號9樓, 鄰近 蘭桂坊.

雖然位處於熱鬧地區中, 但當我上到9°SPA感覺就好似去到另一個空間一樣, 感覺好靜.

而且室內燈光為令顧客舒適放鬆, 皆以昏黃為主, 站在門外看很容易以為未開店.

室內以櫃台為中央分兩邊, 一邊有座椅及茶几 擺放水及花茶供顧客飲用, 亦有產品展示供顧客購, 產品品牌 有( 9° Beauty 的產品 (如 BB cream 和 BB Pact等)、Kinka及Enary等)

另一邊有美甲枱(但感覺氣氛有D似供占卜師使用, 薄紗圍繞充滿神秘感) 及showroom.



經過走廊, 走到房間, 光線皆以柔和為主, 而且真的很靜.

房間內, 有供顧客擺放衣物及鞋的儲物櫃, 更衣後等待美容師進行療程.

今次進行 Enary 甲殼素保濕紓敏面部療程

步驟由與一般護膚療程無異, 同樣由清潔, 針清, 按摩, 到敷面膜, 過程特別的地方只在於所有產品皆用Enary 含有甲殼素的產品, 產品有助抗菌、消炎、抗敏及紓緩作用，不但敏感肌膚適合使用，連做過 Laser或MTS微針等微創療程後也用得著.  更獲日本厚生省頒發「醫藥部外品」證書, 肯定其顯著之醫療成效！

這次為我進行療程的美容師是 Kay Lee, 全程無偷功減料, 按摩過程只可以講我舒服到訓著.

做完面部療程免不了頭髮蓬鬆, 當然要去洗手間整理一下.

洗手間中 亦備有梳妝台及基本化妝品供顧客整理儀容. 不得不提的是鏡子的角度令顧客由頭頂到腳都關注到 都幾特別.

9° Beauty 出品的 BB cream, 分三種色.

9° Beauty 出品的BB Pact, 產品背後註明由韓國製造.

療程前, 其實皮膚狀態睇落OK, 不過可惜摸上手 暗粒一堆.

療程後, 針清時因為暗粒超實, 美容師已經幫我蒸臉同盡量輕手, 但我都滴左唔少淚水, 好彩都清左好多, 起碼摸上塊臉唔再咁多粒粒既感覺, 因為用既產品係含有甲殼素, 所以對於針清後既紅腫都舒緩左唔少, 睇落唔覺紅腫, 但我雙眼就唔知係眼水出得多腫左, 定係訓到腫左.



療程後, 補充左足夠水份, 皮膚睇落亮白左.

再黎個近鏡, 針清後無乜紅腫, 無花無假囉! 唯一係眼腫左, 只可以話點解我咁多暗粒呢!

其實美容師有建議我買甲殼水, 話可以改善暗粒, 價格 150ML $460. 尤其可以單用或著加入常用既護膚品一齊用. 聽到可以改善暗粒真係有D心郁郁, 但係都係果句啦, 我清左屋企堆野, 唔駛唸囉. 不過如果睇到有適合既聖誕Set裝, 抵買, 當然都係照買啦.. 哈.

9° Beauty

http://www.9-concepts.com/eng/main/index.jsp

由於佢網址仍在建構中, 好多功能暫時未能用善.

不過有興趣購買產品

可以到Facebook http://www.facebook.com/9beauty  留言

或致電 36953125 查詢

亦可電郵 order@9-beauty.com 到郵購部購買, 付款後直接寄到府上 頗為方便.

全個療程最可惜既係 我無試到 9° Beauty 既 BB cream 及 BB Pact, 無計... 做完療程肌膚正在舒服狀態, 個人黎講真係唔想擦其他野. 可惜.. 可惜..

意外的卡片及驚喜包

我是九月生日, 其實卡收到很久了, 一直想寫, 但懶嘛.

但最近收到U beauty 和 千葉草 合辦活動所送出的禮物包, 本來以為每個人收到的都一樣, 結果是每人收到的, 可能都是按照活動填的肌膚資料而有所不同.

所以當然也跟大家分享一下收到什麼囉!

首先當然都係多謝U Beauty的生日卡, 都好耐無收到生日卡囉, 仲要係手寫既, 真係難得.

內容物有:

Zensation 既 Sensitive Oily Skin Serum

Janson Beckett 既 Vitamin C&C Facial Serum

及兩包:

Exuviance 既 Ultra Restorative Creme

Pixel Clinical 既 White Booster

睇落D產品都唔錯, 牌子未試過, 對我黎講都算係驚喜包.

產品用得好, 仲可以去千葉草買.

多謝U Beauty 及 千葉草.