天馬行空愛漫遊: 9月 2011

2011年9月22日星期四

LCN開倉小敗

最近經常一反常態, 變得超愛買的, 有D大鑊, 可能睇得美容板多啦, 而且優惠難以拒絕呀嘛.

早前一連兩日的LCN開倉, 我也手痕的敗了一點回家.

因為個性對大誇張既顏色唔敢擦, 純綷想塗下指甲油, 睇落有D顏色, 所以選既色都係保守D.

1~4號都係8ML既同朋友一齊買, 每支$28

分別係
1. ART-NR 43179 呢隻係介乎肉色粉色既顏色, 擦左都無乜色, 不過擦左睇落指甲健康D咁囉.
2. 呢款搵唔到NO. 不過個人幾鐘意呢款, 帶有D閃粉, 擦左會有D粉紅又有D閃粉, 效果比1號好.
3. 都係無No. 亦都係帶有閃粉, 唔通有閃粉既無No.既, 呢款就桃紅色帶閃粉, 睇落雙手會白D.
4. 呢次無閃粉, 但都係無No., 呢款就橙橙地帶D銀色咁, 擦出黎稍為顯得雙手黑左D, 不過隻色都幾靚. 我家姐都有讚話唔錯.

5~6號其實我都唔知呢兩款係咩黎, 問D BA 佢地只係含糊話可以當底油擦. 每支$30
上網Check 又Check 唔到, 如果有SIS知道, 麻煩話我知.

5. 瓶身寫有Satin Finish 帶有少少啞色, 但唔影響擦左既甲油
6. 瓶身寫有Nail silk 淨擦佢都已經好深既肉色, 再擦其他甲油, 會令顏色稍為改變

基本上尚算滿意既, 唯一就係後悔無買個50ML堅果油高效抗氧潤手膜才$49 本來原價要$470的, 但由於我太多護手霜, 真係唔敢再浪費. 但我朋友買左囉, 開左佢既黎試, 結果我好後悔呀, 佢隻質地好滑, 吸收又快, 而且都KEEP到幾耐下. 唉, 點解我無買到.. >O< 討厭. 不過望到我D hand cream, 我就會覺得無買都係好事黎既.

2011年9月21日星期三

來自曼谷的手信

曾經寫過一篇日誌叫土耳其幸福手信, 這次來自曼谷的手信依然來自同一個朋友, 誰叫我沒朋友嘛! 哈, 我這朋友還嘲笑我說, 她應該是與我見面見得最多的老同學嘛! 唉, 朋友嘛! 貴精不貴多啦.

我這朋友愛流浪, 也愛浪漫, 不過只是享受一個人的浪漫. 而我嘛, 當然是理所當然的享受她浪漫完的戰利品囉.

因為她去曼谷前, 本來想叫她幫我買一些聽說好用的洗髮用品, 因為我髮質太油, 想改善改善囉. 後來搵唔到果篇介紹的文章, 就只好放棄囉. 不過朋友嘛, 都係買左可能對我髮質有改善的產品俾我啦. 曼谷帶返黎, 都算唔話得囉. 好似朱古力果件係手工皂, 我朋友再三強調貴既, 不過同香港同類產品對比佢係便囉.

跟住呢個呢, 就係曾經好HIT既NARAYA袋囉, SIZES 唔係好大, 可以用黎裝銀包同手機出去食Lunch用. 大笨象既圖案都唔錯..

最後都係多謝我朋友既手信兼生日禮物囉!

2011年9月16日星期五

Clarins HydraQuench sample

其實一般黎講, 都無咩人會寫Sample既試用文, 因為都份量唔多, 講得深入D就係試都未試清, 講話係試用文, 又得而且確係有D假假地咁既. 但今次我都係要講一講 Clarins 既新系列 HydraQuench, 由於係新系列, 例牌都係有D推廣活動推出, 而我手上既Samples 就係推廣活動送既試用品. 有興趣既都可以去以下Clarins既facebook, 玩佢地既遊戲, 有參加就有.

http://www.facebook.com/ClarinsHongKong?sk=app_182823511787543

分別係全新水潤活肌保濕精華 3ML 及水潤活肌保濕霜 3ML

點解今次要專登黎介紹呢款產品

原因其實都幾好笑, 因為我鐘意試新產品, 有推廣活動有興趣既話都會去羅D Samples試下. 話說我都羅過好多唔同品牌商既samples, 都真係未試過好似今次咁, 有BA問我幾時方便接電話, 話7天後會有專人聯絡我, 問下我有關試用品既用後感. 其實之後有朋友話返俾我知, Clarins一直都有呢個習慣, 希望了解客戶對佢地產品既意見, 只係咁岩我都無遇過. 個人感覺係咁都幾好呀, 起碼有D溝通既渠道.

由於佢地咁認真, 所以我都認真D試下佢地既產品體驗裝囉.

產品配方：
印加果精萃成份, 令肌膚達到水油平衡的天然保護屏障;
卡塔芙精萃成份則持續供給水份給表皮細胞中的角質層, 令肌膚不再乾渴;
花揪蕾的精萃成份能促進肌膚微循環, 令補水因子到達肌膚底層, 使肌膚水分充盈.

本來以前精華係無色, 不過倒左D落手到, 就見到有D藍藍地色, GEL既質感.

推開之後, 好快就吸收. 感覺上幾乾爽. 呢款產品要配合面霜, 如果唔係好似無擦過野咁.

產品配方:
卡塔芙精萃成份則持續供給水份給表皮細胞中的角質層, 令肌膚不再乾渴;
阿爾卑斯柳樹精萃能調節皮脂分泌;
石榴精萃幫助肌膚收緊毛孔.

最重點係配方中添加了獨有抗污染成份, 保護肌膚免受傷害.

佢個名叫Cream - Gel, 但質感上都係似Cream多, 不過就無咁杰身囉.

推開之後, 明顯係滋潤左, 皮膚光亮左.

整體結論:

尋晚擦完訓覺到早上都覺得皮膚有層膜, 無乜出油, 只係層膜會覺得皮膚唔多乾爽, 但可以接受.

優點: 保濕程度持久, 用量唔需要太多, 而且產品氣味清香.
缺點: 兩者要互相配合, 起碼個保濕精華唔可以單用, 就咁用好似無擦過咁, 雖然話會滲入底層保充水份, 但人係睇視覺效果既嘛.

2011年9月15日星期四

情約一天 one day (台譯真愛挑日子如果照劇情黎講都幾貼題) 關於書既結局內容, 不喜勿進..

簡介：

1988年7月15日，大學畢業典禮那天一個隨意的約會，出身清貧循規蹈矩的愛瑪 (安妮夏菲維)，與家境富裕專長玩樂的迪斯(占史杜哲斯)，開始了一生的友共情…

他們相約每年的一見鍾情「紀念日」重聚，無論各自走得多遠，生活多忙亂，都會把對方記掛在心頭。20年來緣份變幻，感情沉積；原來二人追求的理想愛情關係，早已擦身而過…

感想：

呢部電影我仲未去睇, 因為我鐘意個女主角安妮夏菲維所以對部電影都幾有興趣.

由於佢係一部小說one day 改編, 結果尋日放假出街經過書店, 我就去左搵呢本書黎睇. 其實我咁心急唔係無原因既, 事關部電影男女主角一直徘徊係同一個日子, 回憶係同一個心情度, 即使時間一直流逝, 佢地都未曾放棄過去記掛住對方, 聽落好似好浪漫, 但對於我黎講我會覺得好拖拖拉拉, 都真係有D怕去戲院睇會感動, 但又會好頂唔順既感覺.

書裏面既結局, 最終係男主角同太太離左婚之後, 男主角有機會同女主角相處, 無計啦,
女主角一直愛男主角, 無論係有無交往既人係身邊, 最終佢都為男主角而心軟, 將佢放係第一順位, 最終男女主角步入禮堂. 聽落好童話, 但當然呢個唔係結局啦,
結婚無耐, 女主角出車禍, 被車撞傷不治. 而男主角就消沉左, 尤其又係遇上佢地既紀念日, 已經無人再陪佢一齊過, 無女主角既係知己又係情人既存在. 又過左幾個月, 男主角有左交往既對象,
唔知點解男主角可以咁快又同其他女人交往, 只可以話男主角天生多情啦, 不過都係老習慣, 唔理佢身邊有邊個都好, 每年既七月十五日, 佢都會去女主角以前出現過既地方去緬懷佢.

我覺得呢次台灣對於呢部電影既翻譯真係唔錯, 真愛挑日子, 不是你自己選擇何時愛上, 而係愛情比較耍任性, 愛挑日子, 所以男女主角一直錯開左可以愛既時間, 直至愛情選擇放行為止. 當然也是老套的, 珍惜相處的時間, 珍惜相愛的日子, 不然在錯過的時候才來後悔囉就太遲了.

照片及簡介引用以下網址

http://www.mclcinema.com/visMovieSelect.aspx?visSearchBy=mov&visLang=1&visMovieName=One+Day

2011年9月14日星期三

GLYCEL 水份營養修護乳液

早前見書展某作者出既美容書, 頭一百位買書就送GLYCEL既面霜.
聽講隻面霜仲要成$980一罐. 果時就唸呢隻牌子唔知好唔好用既呢.
呢次終於有機會試下啦!

無太多華麗既包裝, 純綷係簡單而極富醫學感既設計.

點解特別要影個盒, 因為佢標榜佢係由瑞士製造, 基於醫學性既實用X由瑞士製造=佢既出品價格. ( 純綷個人既偏執, 鬼叫佢咁貴, 吃不到的葡萄是酸的. )

除左盒面上既英文說明

盒裏面都仲有一份中英對照既說明, 不過可能瑞士環保, 張說明書好似牛油紙咁簿, 仲兩面都係一堆密密麻麻既字. 除左呢個水份營養修護乳液, 仲有其他產品既說明. 感覺都幾亂.

主角出場, 係一件泵裝既產品, 係呢個時候我就唸, 用到最後要聽算呢, 因為呢件好似拆唔開既.

講返正題, 乳液狀既質感唔會好杰, 感覺唔會好笠.

將手上既乳液塗抹開, 感覺乳液好快被吸收, 手背上並未殘留光亮既痕跡.

總結：由於我個人屬於混合性膚質, 又容易出汗. 所以乳液狀既保濕乳液並未能為我提供足夠既保濕. 如果無乜流汗既話保濕程度可以維持4~5個鐘左右, 但如果流汗太多既話, 其實1~2個鐘臉就開始出油. 只能講呢款既保濕修護乳液並唔適合我. 可能冬天無咁大汗既時候, 反而比較適用.

優點：迅速吸收, 又唔會笠, 呢方面我幾滿意.

缺點：佢既香味有D奇怪, 聞到有D甜, 但又分唔出係咩味, 每次擦就每次為左隻味皺眉頭.

2011年9月9日星期五

八月份禮物文

八月份既禮物同試用.

分別有

由COSMO活動送出既

易纖諾既頂級咖啡

易讖諾既青檸茶

*對於呢兩款評價, 個人都係鐘意青檸茶多D, 頂級咖啡既甜味好似代糖味, 所以唔多鐘意.
不過白咖啡同零糖咖啡就無呢個問題, 我都覺得唔錯. 不過對於個包, 我會覺得易纖諾個包裝有D浪費, 因為係紙杯, 你飲完一次都唔會點再用啦, 純綷得個好睇, 感覺上用杯黎做包裝好似好古怪咁.

由KILO OFF X Meling活動送出

Kilo Off 咖啡一盒, 之前就飲過試用包, 不過就覺得稍為淡左D.

由She.com活動

SKII十天試用裝

雖然心郁郁, 但都係唸住用埋用緊果D先再試呢盒.

由GATSBY活動送出

男士護理套裝, 有洗臉, 爽膚水, 濕紙巾.

男朋友懶得用, 轉送左俾細佬囉. 下次問下佢好唔好用先.

試用品有

NANOSYS 柔和紅酒去角質

試用文已經出左囉! 可以睇返

為皮膚大掃除, 就係畫個圈圈咁簡單... 仲唔快D入黎睇下..

Glycel 透明質酸保濕精華

稍後再出試用文囉

2011年9月7日星期三

同我唔夾既oxyfit

其實好多時都會有SIS話遇到D咩雷品,
我自己個人覺得, 雷唔雷真係見人見志,
只能話係產品同自己唔夾囉.

見無咩SIS講過呢款產品,
我又黎講下同我擦唔出火花既產品 - oxyfit

我之前試過, 亦出過文介紹過美佳纖, 雖然佢幫唔到我減重.
但話哂我飲佢果陣, 我覺得小腹有平實D呀, 而且佢有D似檸檬味都幾好飲.

但oxyfit, 就真係無論味道同效用都真係同我唔多夾囉.
好彩我係特價買, 感覺都無咁揼, 因為佢現價話要成398, 岩岩開始買果時好似仲貴, 我買果次係199我先試下. 話有好似胃水球咁既效果, 會食少D. 我就係為左咁而買左.

一盒有三管, 每管12片.

說明書上就建議每日飲一到兩杯

餐前飲，可令人有飽肚感，減少食量。但基本上就無規定幾時飲既.

每次用一片, 就咁丟落D水就可以, 會自然溶解同起泡, 跟住就咁飲就得囉.

廣告介紹佢隻味好似香鑌, 但隻味對我黎講就麻麻囉, 蘋果味, 但果膠類既野加太多, 搞到隻味好似唔知點咁, 最後變成一杯好重蘋果果膠味既有氣野飲.

飲左第兩管之後無論係胃口, 仲有排毒方便, 我都係完全無FEEL到有咩效果.
搞到後第三管都無咩心機飲. 尤其我又唔鐘意隻味.
飲到剩返幾片果時我索性丟俾我細佬叫佢飲埋佢, 不過佢好搞笑咁以為係糖就咁放落口.

總括黎講, 減肥都係做運動啦.
其他野都只可以係輔助.
而且再買呢類野, 我都係揀自己鐘意既口味好囉, 起碼感覺會好D.

易纖諾既無糖咖啡, 白咖啡, 青檸茶都唔錯, 我係未試過之前果D味O者, 新出既都試均哂囉.
其實我飲呢D 體重都係無輕到, 不過起碼我覺得排毒方面好似都有D效, 而且幾好飲.

早前vichy的promotion既結果

第一次敗的時候, 就因為一支$25既洗臉泡,
結果付出既代價既, 合共快$600元.

鬼叫佢又出埋50%OFF既防曬,
仲有既就係瘦身霜囉, 我買果日我先知原來Vichy 有出瘦身霜呢類野, 果日仲要做緊買二送一,
當然係慘敗啦.

不過返屋企當日, 都試過擦完之後涼陣陣, 都幾舒服, 不過瘦唔瘦就真係要睇我勤唔勤力囉!

唉, 由於第一之購買既時候, 防曬貨未返, 結果當然係要等返貨先有得羅啦.
結果都係大鑊, 羅貨既時候, 再買第二次.
佢地果時做緊眼部護理組既promotion, 結果就又放低銀兩啦.
不過有D唔服氣, 因為我買左之後兩星期,
佢居然再優惠價, 便左$30, 不過唯安慰自己我果SET同呢個優惠差左支卸妝水, 不過都係50ML咋.

><~ 早知唔買.

而且我發覺眼部果支碌碌筆, 缺點係D精華液會倒得太多出黎, 感覺係好浪費咁, 雖然都係用返係自己雙眼度,但都覺得係無咁好. 唔怪得知個BA話好快會用哂, 叫我買多SET.

唯一好彩係, 我無聽個BA講買多SET儲分.

@.@