皇牌 睫毛救星 ~ TALIKA Lipocils expert

由於本身睫毛短，早前仲要被同事話我D睫毛"真係超短喎"。果種心情真係超......無言囉。
我都知自己睫毛短，唔駛用"超短"黎形容呀，真係 有D唔服氣，不過好彩抽中左我試用TALIKA既皇牌產品lipocils expert黎打救我D睫毛。
TALIKA標榜28天睇到成效，呢個除左係產品既口號外，亦都係TALIKA信心既證明，如果唔係邊敢係包裝盒上寫到明28天有成效。 一個字，勁。

簡單介紹下TALIKA既皇牌產品lipocils expert先

28天令睫毛增長、捲曲、色澤提升!

TALIKA所研制的 lipocils
能在28天內延長睫毛2.4mm，而現在更推出嶄新的三合一的豐盈捲曲睫毛增長滋潤液 lipocils expert

o 如何塗用 :
在早上及夜間於化妝前取適量 lipocils expert 塗於睫毛根部，持續塗抹一個月，其後每天使用一次。

(係呢度, 我就有野講啦, 呢個海棉刷頭既優點係容易吸D精華同均勻擦係上下眼睫毛度，但係唔好既係，我想用海棉後面D毛刷梳開D睫毛果時，個海棉頭就會係我個眼頭鼻樑度"揩黎揩去"，係唔係我手勢唔好呢。

其實我都抱住半信半疑既心態試用，因為我以前都有用過所謂睫毛增長液，但一D用都無..之後就對呢類產品無乜信心。
不過當我試左TALIKA既皇牌產品lipocils expert 之後就真係有所改觀。得個講字無用既，僅係要俾D效果大家睇下先啦。

試用前                                                               試用後

           

    

試用前                                                                 試用後

       

   

雖然D相有大細誤差(因為本人唔係好識影，搞到今次試用前後D SIZE都唔一樣)，咁多位SIS能看出照片上的差別嗎？
答案就係眼頭眼尾D睫毛長左明顯左，連下眼睫毛都長左，而且仲深色左。我仲成日覺得我下眼睫就黎長過上眼睫毛先搞笑。依家夾眼睫終於可以夾到眼頭既睫毛，睇落個眼形會好D。

如果有同我同一問題既SIS不妨一試，應該會同我一樣得到滿意既效果。
再次多謝TALIKA舉辦呢次試用，俾我有呢個機會接觸呢個產品，打救我既睫毛。