推介一下又便又抵用既產品, "韓國去角質手套",
唔知有無SIS用過呢, 我自己用緊果件就係台灣手創館買既,
見到200元台幣左右又話可以去到角質, 好似唔錯咪買囉.
不過返到黎香港即係揼心口, 事關香港卓悅真係好厲害, 咩都有得買而且又便.
我買左返黎用左一星期都無就係卓悅見到一模一樣, 但係便過我買既價錢4倍囉.
勁激氣, 為由同自己講係手創館買既質料好過佢咁話囉.. 不過後來我自己都買左4件俾屋企人, 仲有介紹左俾D朋友,
事關我個人大汗, 成日出汗加上D塵就會有D污垢係身上, 就咁用沐浴露都洗唔走, 係咁捽又唔係辦法, 後來用左呢個去角質手套就好左好多, 仲有人話皮膚滑左.
用法:
我自己既用法就好簡單, 就咁沖左水係個身度, 然後用去角質手套係個身度打圈就會見到好多好似擦子膠碎既物體出現囉.
不過去度出黎既角質有幾多真係好見人見志, 我自己就好多, 可能因為大汗, 但係有D唔多出汗既朋友就無乜. 不過其實唔理有無角質用下都無妨, 聽聞韓國人沖涼都會用去角質手套, 話可以促進血液循環, 對身體都好D.
P.S 如果皮膚較敏感既野, 最好就係用沐浴乳一齊用, 如果唔係驚磨擦太大對皮膚唔好, 但可能效果無咁明顯..:P
最近我幫人係卓悅買好似係$10-$12左右, 有紅、綠兩色.
有機會各位SIS都可以試下.
沒有留言:
張貼留言