菠丹妮 玫瑰舒緩淳淨面膜

其實我都係今次去旅行先第一次 知道呢個牌子, 因為旅遊書介紹呢個係係布拉格必買既手信.(不過果本旅遊書係台灣出版既, 而菠丹妮係台灣亦有旗艦店. 作者話係台灣係好出名) 結果我就敗左一堆返屋企

首先介紹一下

其實呢支面膜都幾抵用既, 110g (專登羅隻OK 雞仔杯黎比較一下個SIZE
折合港幣大概150左右啦, 實數都唔記得囉.

成支牙膏裝, 可以用係臉同身體, 含有玫瑰精油, 有美白功效 (果時係布拉格曬到出雀斑, 所以唸到唔唸就第一時間羅左呢支美白既面膜) 每次敷20分鐘, 然後再用溫水洗走, 不過我次次都敷到訓著.

質地有D杰身, 但唔會黏立立就係啦, 不過呢支野有個缺點, 就係佢無乜香味.比較岩D唔鍾意有香味既人用

將佢推開之後, 手背果撻比較亮

因為之前唔係成日用見唔到咩功效, 等過完呢個冬天, 到時再話你地知有無效.