唔油既卸妝油

SONIA RYKIEL 呢個品牌其實都幾搞笑, 出既產品感覺上都名不乎實, 唔係話佢功能唔好, 只係覺得個名唔夠貼切.

之前介紹過 洗顏粉, 但使用上卻似面膜粉多D, 有興趣可以睇返舊文 似面膜既洗臉粉

而呢次要介紹既係唔油既卸妝油.

卸妝油的瓶子, 設計簡單雅緻, 有D似按摩精油既感覺. 每盒都附上泵頭連管, 方便用家自行拆換.

為左試下卸妝油既效果, 分便用左眼線膠, 睫毛液及 帶有閃粉既眼影霜.

事實証明, 效果唔錯, 用左一泵左右, 稍為按摩下就已經輕易可以用紙巾擦走, 不過我擦得太大力, 結果手背紅左. 純綷用紙巾擦走, 紙巾變左灰色, 但手背乾乾淨淨又乾爽, 睇落好似無加過卸妝油咁.

淨用卸妝油, 就咁加水效果又如何呢?

結果係加左水後, 唔係太大變化, 係有少少白色乳化左既效果, 沖水後, 印乾水, 水背唔會仲係肥淋淋, 又唔會乾爭爭, 仲之就係乾爽.