創意無限既華麗甲油, 但遇上手殘的我

IMORE X ANNA SUI

Anna Sui 既甲油一直以來都以華麗聞名, 可惜今次遇上手殘既我..

即使再手殘, 有呢個機會試下Anna Sui 既新系列, 華麗甲油我又點可以錯過呢.

[Anna Sui 品牌提供 華麗指甲油乙支作試用用途]

今次我抽到既係華麗甲油 色號300

今次既系列包裝, 每支都係一位著宮庭服飾隨時準備出席華麗晚宴既甲油佳麗

首先都係上底油先, 不過用既就係 LCN開倉小敗 一文中既6號, 用左就有少少肉色囉

拼上去支甲油度, 其實除左少少亮身之外, 其實唔多覺有顏色.

由於無特別設計, 純綷上左層甲油, 所以放既閃粉唔係好多. 如果唔鐘意誇張, 但又上有d點綴, 呢款甲色單擦都算唔錯.

佢既玫瑰鑽色閃片都幾靚.

驚佢單調, 仲可以幫佢搵多個拍檔, 而我就搵左佢, 同樣既Anna Sui既甲油.

不過我隻手好似唔多襯呢隻色

 

上左一層, 我貪快就無再油第二層, 如果有油到就會靚好多囉. 





油多層華麗甲油襯返下先, 唯一觀感係.. 點解有D似聖誕樹FEEL既.

D玫塊鑽色閃粉放得唔夠多, 如果唔係應該會好睇好多既, 不過鬼叫我手殘咩, 控制得唔係太好.

生命水, 為皮膚帶來新生命既水..

這次有機會試用MIOGGI的生命水, 雖然是簡單的旅行裝, 但效果卻出乎意料之外.

使用前的肌膚狀態, 皮膚底層較多暗粒, 表層凹凹凸凸既感覺

生命水, 在一開始就給人很明確既答案, 7日內啟動活膚能量, 賦予無限生命力, 使肌膚內外得到重生.

未試用前, 我係唔信, 覺得有無咁簡單呀.

尤其係生命水有D似礦泉水, 只係水性既質感帶一DD黏性及輕微既香味

很容易推開

當時覺得唯一的優點就係好快就被吸收


夜間能量再生面膜 利用肌膚於晚間的自我修復機制, 補充肌膚結構的所需成分及能量, 修補肌膚日間所受的侵害及刺激, 同時推動細胞修護及更生能力.

用法同 睡眠面膜一樣

較杰身既啫喱狀質感

才推開就已經被吸收

雖然很快被吸收, 但保濕方面算還不錯


試用十天後

由於時間環境及光源問題, 未必能比較出與未試用前之差別, 但個人對呢次試用十分滿意, 尤其係才短短十日就由原來暗粒既凹凸不平的肌膚, 到現在暗粒少左好多, 肌膚平滑左, 摸上去唔再係凹凸不平既肌膚, 而且又平滑又舒服既感覺, 令我近來對自己既肌膚愛不適手, 十足自戀狂咁, 無計, 摸上去舒服呀嘛.

灰姑娘的寶物, 你地又試左未??

小時候常聽的童話故事 灰姑娘, 內容一直是灰姑娘經神仙教母施法, 穿著華麗既禮服參加王子既晚宴, 但當過左夜晚十二點，灰姑娘因為魔法失效打回原形，係匆忙之際留低左自己既寶物.......
登登登.. 玻璃鞋 ...... 唔係......呢個太out啦. 係佢既睡眠護膚好拍檔

Neutrogena 水活保濕晚間凝膜

點解話佢係灰姑娘既寶物 ... 呢個時候梗係看圖說明啦

原來係夜晚11:00~早上5:00呢段時間,大腦松果體會釋出褪黑激素, 來調節睡眠質素及促進皮膚新陳代謝, 而且仲具有抗氧化功能. 呢段時間科學家稱之為仙德麗拉時間, 即係灰姑娘時間.

而呢個寶物既作用, 就係加強灰姑娘時間呢段美容覺既功效, 提供皮膚細胞能量及帶來徹夜長效保濕功能. 而且用左佢, 等同為皮膚注入10片面膜既保濕精華. 你話佢唔係灰姑娘既寶物係咩?

早前有幸可以參加 蘋果的化妝箱協辦的 Neutrogena 美容覺「武器」研發實驗室

我地既主持人BELBEL, 我覺得佢D皮膚好好, 勁羨慕..

呢次既主角 同佢既老友記

睡覺既時候, 除左臉部水份會流失之外, 身體既水份當然都會流失, 所以完美既美容覺, 又點少得24小時深層滋養潤膚露.

桌上除左產品之外, 仲有唔少可愛既公仔, 睇得出活動人員都花在唔少心思去佈置一個令人輕鬆舒服既環境.

呢個係Neutrogena呢次活動既 美容覺「武器」研發實驗室



自願測試者同呢次活動邀請既註冊多導睡眠圖技師, 協助測試者了解自己既睡眠狀況同品質



雖然最後因為人, 同環境既關係, 始終無法了解深層睡眠既情況及效果. 但呢個測試都俾我多一個認識同了解. 當然呢個都係要多謝呢次活動既自願測試者, 其實我都有想過請纓既, 但係我驚我唔係訓唔到, 係訓到扯"鼻寒"就嚇親人啦, 所以就放棄囉.

趁空檔, 見到D佳麗係哂枱面, 梗係要羅黎試下先啦.


有無見到D藍色粒粒呀, 果D係壓縮左既高效維他命E, 有助於凝聚修復力量.



學大S話, 聽人講無用既, 梗係要狠狠地試啦, 所以我又點會執輸過人呢. 第一時間梗係試上手先啦. 唔會好笠, 有D BB爽身粉既味, 都算唔錯.

如果覺得信唔過廣告既說詞, 想了解Neutrogena 水活保濕晚間凝膜既真正威力, 其實可以參考主持人阿BEL教既方法, 將D水活保濕晚間凝膜擦係退熱貼上面, 睇下佢可以維持幾耐唔會乾到捲曲, 你就知佢有幾保濕囉.

睡眠品質好唔好, 同有無發夢都好有關係. 但原來發夢都可以預兆到發夢者好多生活上要留意既野. 而呢次大會亦請到解夢師為我地一一分析.

原來 發夢洗牙, 甩牙, 都係會洗錢既預兆.
夢見屋企人離世, 其實係擔心屋企人既身體
已婚者夢見有其他人追求或求婚, 其實係指被人妒忌
夢見自己不斷墜下, 係自身缺乏安全感.

其實好多聽完都唔記得左, 如果有寫錯, 記得話返俾我聽喎.

最後活動結束後, 大會為每人準備左豐富既禮物. 俾我地將呢份完美帶返屋企, 人人都可以擁有一個高品質既美容覺.

多謝 蘋果的化妝箱 X Neutrogena, 同呢次活動既人員俾我享受左一個優閒舒適既下午.

條頸莫名其妙生哂粒粒.. 點算呀?

>O< 超慘! 條頸莫名其妙生粒粒, 呢D係唔係叫敏感?? 嗚.. 佢幾時先會好呀, 過左四、五日啦, 都仲未消失, 仲有D向臉漫延既趨勢. 有無人可以話我知, 有咩可以擦呀??

某日夜晚摸住條頸果時, 先發覺成條頸生哂D細粒粒.

嗚.. 佢幾時先會消失呀.

 

到韓國敗家去

哈哈, 去完韓國返黎既戰利品, 平時係香港都唔多買, 結果係韓或真係忍唔到手, 係咁買, 好似唔買對唔住自己. 又有排用囉!

呢D係俾錢買既

分別係it's skin , nature republic, innisfree, beauty credit, Baviphat 買既,

呢個唔係霸王, 係韓國牌子 呂,  上網見網友介紹話唔錯就都買返黎.. 店員都識國語, 問佢油性用邊隻好, 佢話藍色岩用, 佢仲有紫色, 仲有一款唔記得係咩色囉!



呢D係買野送既samples

其實唔係好多啦, 因為我都唔好意思叫人俾, 因為就算想問都唔知叫人俾D咩sample試好, 自己屋企都一堆, 所以索性放棄.

總括黎講都買左好多, 但係零食方便, 就因為跟團都無時間買, 再唔係就係去D淨係得旅行團會去既地方買, 超貴, 所以買得紫菜都泡菜就算囉.

>O<

住既附近都無咩大型超級巿場, 搞到我都無得買我想要既粟米茶, 糖之頪既野.

只可以話跟團最唔好就呢樣, 一係就跟shopping團先有時間去超級巿場, 因為有自由時間.

護膚品倒係有不少可以介紹, 有興趣可以留言問我呀. ^++++++++++^

夾公仔題, 有無人知道點樣先可以夾到個蘿蔔先生出黎?

去左韓國東大門, 見到有部夾公仔機, 跟住就有以下疑問?

到底要點樣先可以夾到個蘿蔔先生出黎?

純綷覺得幾搞笑, 好似淨係放個蘿蔔先生入去睇風景.

可以偷懶的保養品 bodyshop 紅石榴緊膚精華素

Bodyshop 係香港已經有好耐, 但我使用他的產品真係屈指可數.

印象中他的產品都很滋潤的, 也因為太潤, 個人感覺不適合自身油性膚質, 自然對他的產品都望而卻步, 即使聽到好多SIS讚他的產品很優, 我還只是抱著觀望態度, 實在係自己太怕油笠笠既關係.

而呢次會試 Bodyshop 既產品, 一來因為天氣轉變, 稍為油性既產品係乾燥缺水既皮膚上是可以接受的, 夏天既話我就一定唔夠膽試, 費事試到成面粒粒囉! 二來因為紅石榴緊膚系列有一定的吸引性, 既抗氧化, 又可以緊膚. 最後當然係因為有 Lady Qooza 推出試用啦! 有得試過好唔好先再買, 對樣樣都想試, 樣樣都想買既我黎講, 真係可以慳返好多, 起碼唔好用既產品可以直接慳返啦.


先借一下Bodyshop圖, 這次要介紹既有機紅石榴緊膚系列

呢袋野就係今次要試既主角, 有機紅石榴緊膚精華素.
初時見到 Lady Qooza 推出十日裝試用, 就見到有SIS話會唔會係俾十包試用裝俾我地試.
結果証明Bodyshop 真係好致力環保推廣, 有現成既何必另外浪費一個膠樽去裝呢! 如果SIS自家都有D用完既樽仔, 用完愛黎裝紅石榴緊膚精華素都唔錯, ^+++++++^ 我見有SIS都係咁裝, 仲好靚咁貼返Bodyshop 既Logo做記認.


值得一題既係, Bodyshop 好貼心咁係每一袋上面都釘返將coupon, 就算係平常一包既試用我都見佢地有釘埋coupon俾客戶, 令到客戶試用後覺得好, 可以用優惠價買. 不過呢張coupon係日霜 50毫升 $289 coupon可減$60, 唔知精華素遲D又會唔會有拆扣呢. 30毫升 $339 有D小貴.

Bodyshop 所提供既簡介, 上面有介紹最佳既配搭係紅石榴緊膚精華素及紅石榴緊膚日霜.

而當中紅石榴緊膚精華素 有助達致長效補濕效果, 令肌膚更緊緻及提昇.

簡介上更指出, 由用紅石榴緊膚精華素 首日即發揮理想效果, 經過12小時的滋潤, 肌膚更見緊緻柔滑, 豐盈富彈性.

雖然字眼上係有D誇張, 不過試左之後都覺得OK既, 真係夠滋潤, 而且唔笠(我係一次用一包擦哂係臉度), 對我黎講呢個係一個重點, 如果唔係皮膚再乾我都唔鐘意用.

簡介上仲有介紹一個面部按摩滾輪, 凹凸既設計有助面部皮膚按壓促進血液循環, 令產品更能被皮膚吸收, 進而獲得更好既效果.

精華素 係啞色 乳液狀 帶有D香味, 但唔會難聞

將精華素擦均, 精華好快吸收, 唔駛一陣就吸收哂, 又唔會笠

試用前, 毛孔因為出油既關係 稍為大D

試左幾日之後, 可能因為夠滋潤, 皮膚無再出咁多油, 所以毛孔無再係咁將大個口嗌救命, 感覺上好似有收細左.

其實點解標題會話係可以偷懶既保養品, 因為我好懶, 尤其天氣開始涼, 我就好容易想訓覺.
保養步驟就會係咁縮減, 務求快D有得去訓. 而呢次試用呢款精華素, 雖然話最好係擦完之後再擦面霜加強保濕效果, 由於我無樽仔可以裝住D試用包裝精華素, 我每次用就用左成包, 但就咁擦成一包我又唔覺好笠, 而且精華素好快被皮膚吸收, 擦完之後我都無再擦面霜就咁訓, 第二日起身又唔會出油, 皮膚狀態岩岩好. 所以對我既皮膚膚質黎講, 呢款精華素係一款可以偷懶既保養品, 滋潤保濕得黎又唔會笠, 不過有無收緊皮膚, 真係要長期用先知.

雖然有機紅石榴緊膚精華素無提供sample可以攞, 不過有機紅石榴緊膚日霜就有, 有興趣既都可以去Bodyshop既facebook或以下連結
http://www.facebook.com/hkthebodyshop?sk=app_297777996903093
去下載日霜既試用coupon, 一齊感受下有機紅石榴緊膚系列既滋潤感.