懶人健康零食

點解我會叫佢懶人健康食品呢?

皆因佢有高營養囉, 內附餐具免洗手, 而且無核, 絕對適合想健康又唔想食到成手污糟哂, 唔鐘意吐核既人食. 我個人就幾鐘意佢附有餐具呢點, 有時食零食最怕食到成手都係, 所以後來見有人出左夾薯片工具.




收到成十包試食, 多謝哂 ztyle

每包50G, 我計過好似每包有約8大粒西梅.
 
其實每次見到個包裝我會有D覺得佢係錯體版黎既, 因為佢係將封口同個膠牙簽整係底.

膠牙簽現身, 用完洗過愛黎拮水果都應該唔錯..

封口係底, 食果時要倒轉, 感覺總係有D怪.

有左支膠牙簽, 唔駛怕隻手會笠黏黏囉.

.
都算係大粒掛.



評語:

西梅唔會好甜, 無核容易入口. 純口痕食都還可以, 但用黎減肥, 怕越減越肥, 因為無乜飽腹感, 用黎配乳酪 或者 寒天食應該會好D. 但減肥人士可能要注意既係, 佢不含脂肪, 但每100g 就240Kcal, 即係50g 120Kcal囉. 對於唔鐘意食生果補充食物纖維既人黎講, 呢個倒係一個好選擇.