Lactacyd 的缺點

對於女性潔膚液 Lactacyd, 唔知大家有無印象?

又或著提到有Choc olate Rain插畫既女性潔膚液, 又會唔會又多D印象呢?

Lactacyd係2011年10月份推出既限量版三支裝每盒售價為港幣$189.5，包括女性潔膚液 250ml 三支.

家下2012年, 呢個廣告.. 話左係2011既, 都過哂期, 點解我都仲要講呢?

見到呢個套果時, 我真係好想買既, 反正都係要用呀嘛, 而且送埋chocolate rain既萬用袋呀嘛.

但一買要買三個對我黎講又覺得太多, 而且Lactacyd有個缺點, 就因為呢個缺點, 我無買到, 亦因為咁我搞到家下先PO到呢篇文.

因為曾參與過有關既活動, Lactacyd的公司在promotion期間都送左支俾我, 所以我先有一支chocolate rain插畫既Lactacyd咋.

我收到既就係呢支紫色既, 佢總共有三種配方.

粉紅色, 綠色, 紫色.

粉紅色, 綠色 兩款 我都用過, 係未用過紫色.

標題話過呢篇係講Lactacyd的缺點, 咁梗係要講返佢既缺點啦.

1. 佢個瓶蓋設計好難開, 搞到我D指甲花哂先開到.
 

佢瓶蓋突出既地方唔係太多, 個蓋又實, 次次都要用指甲好大力先頂得開, 最後我索性一直開住佢算囉, 費事整崩D指甲.(唔知呢方面會唔會有改善呢)

其實佢有一款係有突出D個蓋邊既, 就係粉紅色配方果支啦. 不過粉紅色配方果支感覺好稀, 我唔多鐘意用.

2. 後來多左兩種選擇, 分別係綠色, 紫色. 配方亦變得較為杰身, 但都變左係缺點, 亦都係我點解無買到三支套裝既原因.

咪就係, 配方變得較為杰身之後, 佢用量少左好多, 我果支綠色, 先得150ML, 但我用左佢大半年, 到今個月我先用哂. 我都覺得我有D誇張囉, 但呢樣係真既.

150ML都用左咁耐, 我買三支250ML, 我要用到幾時, 又唔想佔地方.

岩岩先用完支綠色, 仲有一支150ML既紫色, 然後係250ML既, 呢次都係有排用囉!

其實所謂缺點, 除左第一點真係想話Lactacyd會唔會有改善之外, 第二點嫌佢咁耐先用完當然係純綷講笑啦, 佢配方變杰左, 相對用量少左, 其實站係顧客方向黎講係一件好事呀, 相對抵左呀嘛.

個人黎講幾鐘意佢後來出既兩款配方, 香味方面都OK, 而且Lactacyd都幾經常做promotion既, 所以女性潔膚液嘛, 我只會選擇Lactacyd囉.