其實我唔係太鐘意擦cream類的產品, 因為我怕笠黏黏既感覺.
但由於文字介紹既關係令我有種覺得佢好似幾吸引,
引用返Syreeta既介紹 : STEAMCREAM在英國製造，採用人手精煉製作，利用蒸氣的能量令各種成分迅間乳化，由於蒸氣的強度十足，各種成分能即時乳化，所以乳霜的質感特別幼
滑、輕柔清爽，特別適合乾燥的肌膚。成份中特別注入燕麥，杏仁油和有機可可巴油等等，可用於面，身或手部，滋潤全身肌膚。還有，最愛它帶有淡淡的淡淡薰衣
草香味，非常清新。
可能我比較胃食, 當我睇到由於蒸氣既力量, 而令到乳霜更為幼滑、輕柔清爽, 感覺好似雪糕既感覺, 就覺得好吸引. 而且佢色彩繽紛既盒亦都係產品一大賣點.
我收到既steam cream 令我聯想到音樂盒, 因為每次見到個盒我就會好似聽到音樂. ^ . ^
收到佢之後梗係要第一時間打開黎試下先啦. 眼前見到既cream正如我想象既一樣, 好似軟雪糕一樣咁幼滑, 而且會聞到淡淡既薰衣草.(不過用過之後, 你就會發覺佢一D都唔淡, 擦上臉擦上手推開後, 味係會濃D, 但唔會好烈果種)
我鐘意佢同一般鐵盒既設計唔同, 佢係旋轉式開關的, 唔似其他係就咁閤埋就係, 但簿身既鐵片盒蓋會好易界到手或者整花D甲.
steam cream成份:
燕麥：含抗炎效用，為肌膚提供紓緩及滋潤
杏仁油：含豐富維他命E，提升肌膚柔軟觸感
甘油：多年來於護膚產品內廣泛使用，令肌膚吸收水份及注入滋潤成份
橙花水：增強肌膚彈性
薰衣草油：源自法國普羅旺斯，蘊含抗菌成份，對輕微發炎有紓緩作用
有機可可巴油：具有特級保濕功效，令護膚霜快速滲透
可可脂：擷取自香精油，能軟化肌膚組織
乳霜真係好幼滑, 無一般乳霜杰身, 所以存放既時候要平放, 如果唔係D乳霜會傾埋一邊, 打開果怕會漏出黎. 擦上手推開好快吸收, 開始時會有少少笠, 但係吸收之後就唔笠.
新年, 親戚黎拜年, 見到小朋友皮膚乾燥甩皮, 梗係第一時間試下steam cream啦.
妹妹嘛, 當然係擦左steam cream即係靚返哂啦.
用後感:
唔知係唔係早前小產真係身體差左, 呢方面自己本身無太大感覺.
但身體就好老實, 結果就係初三後就開始傷風, 係咁流鼻水, 用紙巾都用到個鼻損哂, 第一時間唸到steam cream, 擦左之後就舒服D, 但唔知係唔係皮膚損左薄左有錯覺, 覺得好似有D薄荷成份, 擦左會涼涼地, 幾舒服下, 跟住就係一大陣薰衣草香味. 後來睇左steam cream既成份, 我唸我所謂既薄荷應該係薰衣草精油既關係. 整體感覺都唔錯, 唯獨覺得佢未必適合唔鐘意薰衣草香味既人使用, 始終薰衣草味未必人人岩囉.
最後都係多謝 Sweet vs Bitter - Syreeta blog既禮物, 雖然我願望落空, 但都多謝你既禮物.
我會加油既.
沒有留言:
張貼留言