本身唔係太鐘意睇日劇, 因為覺得節奏慢, 二來大部份片都好似好誇張, 所以唔會點追黎睇.
但最近星期日有播, 老公鐘意追劇集, 咪陪佢一齊睇, 不過都算睇出D興趣既.
事關女主角, 真係唔多似一般日劇既純情玉女, 或美女等等, 對我黎講佢真係有D似人妖, 太英, 可以反串男角都唔會俾人發現咁滯既演員, 天海祐希. 不過就因為咁, 反而呢部劇有佢既吸引性, 因為佢搞笑, 扮醜得黎又唔會覺得佢造作呀嘛.
整部片算係我鐘意既偵探類型, 雖然無美劇咁大製作, 但對比港劇黎講都算OK, 而呢部算輕鬆小品, 因為係查案過程中, 有時會無啦啦出現D無厘頭搞笑, 仲要係搵埋竹野內豐呢位型男黎搞下笑咁.
劇情嘛, 基本上都係天下一大抄咁, 大部份都係以美劇偵探類作品作參考, 所以話, 劇情唔係佢特色, 反而係D人物設定, 無厘頭式搞笑, 會係引我追黎睇既重點.
算係可以推廌大家睇既作品.
我追追下, 都有興趣追下天海祐希呢位我覺得似人妖既女優作品, 聽講離婚女律師這部劇裏演的是一位帶幽默的女律師, 唔知有無人睇過呢?
沒有留言:
張貼留言