秋涼都有秋涼既好, 起碼唔會曬黑, 唔駛成身汗, 但秋天到我又有另一個問題, 就係敏感.
近幾年每逢轉季, 臉部皮膚就會因為秋風同乾燥問題而令到臉紅紅, 本身並唔係太在意, 因為除左臉紅外無其他問題, 又唔會痕又唔會痛, 搞笑D黎搞可以慳擦胭脂既時間, 後來發現原來我臉容易因風吹同乾燥而臉紅, 係我臉部皮膚簿左而引致, 雖然未去到好嚴重既情況, 但當然需要適當既護理, 免得令問題由小變大, 咁就得不嘗失.
但係咁多產品, 到底用邊款好?
今次我試佢, 來自台灣既佳麗 - Neogence 霓淨思 舒緩修護精華 HK$260/30ml
主打 抗敏舒緩及修復
主要成份 : 天然修護因子、沒藥醇、舒活因子、雙分子玻尿酸
當中的玻尿酸最為人熟知, 主要功能係保濕；而舒活因子 (亦有翻譯成快樂因子, 據稱因為能刺激體內天然興奮劑 – 安多芬), 在舒緩修護精華中則用以強化肌膚對外來刺激的抵抗力；天然修護因子及沒藥醇則可以緩和肌膚, 幫助皮膚對抗刺激.
使用方法 : 於化妝水後使用, 取適量輕柔按摩全臉及頸部肌膚至吸收
社會越黎越重視環保問題, 美容界當然要一齊響應.
標誌分別代表減CO2、環保包裝設計、非動物測試、可循環及環保大豆墨水打印
滴一滴塗開後輕拍, 精華就好快吸收, 感覺清爽唔笠.
擦上臉既份量, 我大概都4-5滴左右, 因為係用滴管, 計份量都幾方便.
使用前同使用後比較, 會見到臉稍為無咁紅, 舒緩效果算唔錯.
其實我都算係錯誤使範, 因為我沖完涼, 唔記得左擦爽膚水, 先再擦精華. 擦埋爽膚水, 皮膚有一定濕度效果會更好.
優點: 清爽唔笠容易吸收, 價錢大眾化
缺點: 產品氣味令我聯想到醫學, 好醫院既味, 感覺令產品魅力稍減
找我可以E-mail : menlinda627@gmail.com
沒有留言:
張貼留言