與BRTC來一個美麗約會

上星期參加了莎莎 X BRTC茉莉3D妝前保濕系列blogger event, 我都係第一次參加莎莎既blogger event, 心情梗係極度興奮.

今次場地係 係尖沙咀 K11既 Kitchen M Cafe, 不過話說, 如果未去過既人去到問商場既人, 會俾人點左上2樓, 因為2樓係餐廳, 1樓即係地下先係Cafe囉, 有機會想去試既人記得係地下就入到Cafe, 唔駛上樓既.

Cafe設計簡潔, 場地岩岩可以容納到我地一場20人(未計工作人員).

場地雖然唔會好大, 但就到工作人員都好有心咁放左好多BRTC既產品.

枱上就放左好多今次既主角, 茉莉3D妝前保濕系列以及BRTC既其他產品俾大家試. 跟住我仲順便影下D一袋二袋既禮物.

幫Model化妝前, 先幫佢敷塊mask可以令之後既妝更為貼服, 而主持更提醒我地留意下塊mask上面一條條既紋路, 其實係專登設計成一條條既扭紋咁, 話可以令D精華更鎖係mask上面, 咁我地敷既時候更為方便, 唔駛下下要由個包裝袋度倒返出黎.

莎莎專業化妝師先幫Model擦上BRTC既茉莉3D水漾保濕美妝精華, 泵出黎會好似牛奶一樣, 作為妝前打底保濕用.

化妝師幫Model上茉莉3D蜜糖水亮妝前底霜, 以T字位, 面頰及下巴位為主作打亮, 亦可用於唇上. 效果: Model既面當堂亮起來.

化妝師幫Model用美妝機上BB Cream, 令妝容透薄, 唯一缺點只可以話係用量較用手上妝黎得多. 效果: 由於只係得半邊臉用左, 所以明顯睇到分別, 上左妝既一半會較為細緻.

化妝師幫Model用茉莉3D珍珠亮白妝前底霜, 帶有紫色既珠光, 以眼下至大陽穴位置較印 以拉闊亞洲人太陽穴位置收窄的問題, 進而令面形睇落較為瘦長.

Model化完妝之後, 任各位拍照.

感覺佢超似公仔, 差D變左怪叔叔, 想帶佢返屋企 .

茉莉3D蜜糖水亮妝前底霜 VS 茉莉3D珍珠亮白妝前底霜, 我個人較為鐘意水亮果款, 因為紫色好似有D誇, 雖然推開之後其實唔會好覺紫.



茉莉有機保濕噴霧 & 茉莉3D水漾保濕美妝精華, 噴霧好似無咩特別, 勝在有陣淡淡既清花香味, 而3D水漾保濕美妝精華泵出黎好似牛奶咁, 但擦上手真係好保濕喎, 下次可以考慮呢款產品.

近期熱門美妝機, 借左隔離Blogger Kasta 隻玉手影, 我都有用美妝機, 不過唔係擦左好多BB Cream, 不過試到既重點係佢夠透薄.

唔係款款產品都有介紹產品名, 不過樣樣都有試下, 呢款遮毛孔既法寶好似都幾唔錯.

仲有呢款好似布甸咁既收毛孔系列產品.

最後係呢款試完有D愛不適手既BB Cream專用卸妝水, 同場家影係卸完之後用既化妝水, 用左BB Cream專用卸妝水之後, BB Cream即時溶哂, 再加D水就可以用紙巾抹走囉, 有用開BB Cream既都不妨可以考慮試下.

結尾付上下午茶餐單一份, 我果份係三文治, 借埋另一個Blogger Fishsh既沙律黎影.
睇落係唔係唔錯呢.

完滿既下午茶約會完成.

多謝舉辦呢次活動既莎莎 X BRTC, 希望下次再有機會參加咁開心既聚會.

找我可以E-mail : menlinda627@gmail.com