水水的睡眠面膜

睡眠面膜用得唔算多, 就用過L牌的同N牌的, 今次黎試下一款好抵用既睡眠面膜.

有幾抵, 咪就L牌一罐, 你就可以買到呢款睡眠面膜差唔多四罐.

有無咁誇呀? 真係有.

效果會唔會差好遠?  咁就要視乎你皮膚需要, 保濕效果個人喜歡L牌夠潤, 但如果就清爽得黎又做到保濕呢, 呢款睡眠面膜就較為優勝.

講左咁多講既咪就係 屈臣氏 新產品 骨膠原毛孔細緻睡眠面膜

 
骨膠原毛孔細緻睡眠面膜 100G / $70

系列注入4大彈力保濕成分

德國天然骨膠原以深海魚類為主要原料, 具備快速吸收, 保濕銷水, 滋養肌膚, 提拉緊膚四大特點.

活性四肽能及時補充膠原蛋白, 使肌膚更柔滑細膩.

透明質酸 + 海澡萃取物能改善乾燥問題, 令肌膚達至水油平衡.

水解彈性蛋白能有效提升肌膚彈性及柔軟度, 讓肌膚保持光滑緊緻.


使用方法:

晚間潔面及基礎保養後, 取適量塗抹臉上, 次日再洗淨即可.

每週使用2-3次, 天天使用亦可.


附有小匙一支, 但感覺無太大用處, 因為個人使用量多, 但小匙能取的份量太小, 用手比較快.

呢款睡眠面膜太水, 容易吸收, 搞到有敷好似無敷咁, 因為吸收太快, 無面膜既感覺.

產品成份含有金縷梅對舒緩皮膚都有功效.

個人黎講, 用作睡眠面膜, 呢款真係質感爭少少, 因為太水, 但效果卻比想像中好, 第二天早上起來, 皮膚無乾到出油, 自然就係睡眠面膜有發揮到保濕功效, 不過對我D大毛孔就暫時未有太大改善. 吸收快係呢款面膜既優點, 早上稍為敷一下為皮膚打底, 效果應該都唔錯.

我媽的評價是還不錯, 第二天皮膚摸起來滑滑的.