星際類 "奪命雜作" 電影, 鐡幕蒼穹(Iron Sky)

講起星際類電影, 大家都會唸到 經典之作 Star War 星球大戰.

講起惡搞類電影, 大家對 搞乜鬼奪命雜作都會有印象 .

而 鐵幕蒼穹 結合兩種元素於一身, 一係星際 (片中有多幕 星際戰際的震憾畫面). 二係惡搞 (不過形式上多為文化 或 政治上既諷刺)




內容:

第二次世界大戰末期, 納粹德國科學家在反地心吸力研究取得了重大突破. 在1945年年底，他們在南極洲一個秘密基地上，把大量納粹飛船發射到月球的黑暗面，設立了龐大的軍事基地，人稱「黑太陽」. 而該基地的目的，就是建造一個強大的入侵艦隊, 靜待時機重回地球奪取失落的覇權... 2018年, 美國第一位女總統為尋求連任, 安排了連串形象計劃. 本為時裝模特兒的占士被選為地球上首位黑人太空人, 並被送上月球. 當登月隊成功降落月球時, 因靠近納綷基地而被發現, 更被基地內的高級軍艾登俘虜, 拘留於實驗室. 艾拉充滿野心, 希望篡奪現任月球基地元首高士飛的地位, 並帶領納粹德軍侵佔地球. 美麗的納粹地球學家兼艾登的未婚妻雲娜在參予自以為的友善救助地球計劃後,  漸漸察覺到納粹軍的行動並非如自小認知般正確, 決定找占士聯手阻止...

其實對於星際片認識不深, 經典如 Star War 星球大戰, 未曾正式睇完整部電影, 並不是電影不好, 只係個人口味問題.

而今次會睇 Iron Sky 鐵幕蒼穹,
一來電影被列入喜劇類(黑色幽默都算係喜劇掛), 星際類喜劇未睇過, 睇下無妨.
二來 Iron Sky 鐵幕蒼穹 出名, 點解出名, 因為佢係首部網上集資的電影, 導演添莫華倫素拉,  在大學時已跟朋友自資拍攝"星艦殘骸", 放於網上供科幻網迷免費觀看, 下載記錄高達800萬次. 而Iron Sky 鐵幕蒼穹, 就係做左預告片集資,  結果不單大型投資者, 連影迷也有份支持電影的製作. 而且從構思到登上大銀幕, 前後花左20年時間, 當中製作更花左6-8年時間(影片中有提到, 但唔係太記得確實製作時間), 由構思到登上銀幕都好似電影橋段咁, 想唔出名都難.

感想:

星際畫面震憾, 但內容情節真係同搞乜鬼奪命雜作一樣無里頭, 所以請不要帶纙緝入場觀看, 純綷睇下震憾畫面 ( 星際戰艦及交戰場景細緻, 但會有種眼花撩亂既感覺), 笑位多屬政治諷刺, 大部份睇得明.

幽默場面如:

納綷未見過黑人, 問黑人皮膚點解係黑色. 然後黑人主角被納綷科學家 被施打漂白劑 由黑人變白人

女總統為戰艦入侵而高興, 因為 (每次競選期間打仗, 總統都會連任)

電影中主要重點表達 無論月球"黑太陽"的納綷軍 以納綷軍, 到離開月球攻打地球, 又或係各國反擊, 最終都只係為自己國家到個人利益, 戰爭最後的結果係互相攻打, 直到最後唯一勝利出現, 而輸家嘛仍然係老弱婦孺.